Lucas 9:7 - Tradução Bíblica Pacaas Novos

⁷ Taramaxicon Herodes ma', taraju ac cain na ca tomi' nucucun oro wari' pain ca tomi' hwet cacain oro ca ara ca Jeju. I'ina ac ne na ximicon. Cain' cain' xira con ne na, xi ma' ara caca wari' co tomi' ca' nana ma': Om na, wari' co taraju hwe ma', wirico João cara pane, e' mami' tara João cara pane ta nana.

Lucas 9:7 Iomraidhean Croise

Mateus 11:2

Wara tao' pe ta pain xirinain ca tao' to tao' to to wa João ma', co ja' taxipa' nonon pain com oro wari' pane. Je ca taraju pe con Jeju ma' quem: Awi tamana na oro ca ara ca Jeju ta na ca taraju nucun. Taraju iri nain ne, tomi' ac tococwa na co taxipa' ca ma'. Mo tomi' jun Jeju e'.

Marcos 8:28

Om na, ma' nana co João co ja' taxipa' com cara pane xi' ma nenem ac cocon na. Ma' nana oro xucucun co profeta Elias cara pane xi' ma nenem. Oro xucucun ma' iri nana ne, om na, xucun profeta xi' ma nenem quem na ca tomi' cocon ma'.

Lucas 13:31

Pi' pi' iri na ca tomi' ca Jeju na, ma' ac caca na oro fariseu co hwet nonon ma'. Mao ra ta. Xi to' pa' pin xim ara quem taramaxicon Herodes ma' ta nonon.

Lucas 21:25

Hwerehwet qui' tara oro carawa ca to' querec pin' ton nonon oro wari' pain ca maqui' ta' ne ca om awi camain' wa ta ac tococwa na. Hwerehwet qui' tara con xina con panawo' con oro pijo' ma'. Oro wari' pain oro xijein macan' ma' quem, jain jain tamana tatara pain ca ximin nucucun. I'ina tamana tara ximicocon pain ca jein mama' xi' caca pain ca iriman mip ne hotowa pain cote ne com pain ca mana' nein ma', je pain ca wap tamana nein ma' quem.

Lucas 23:7

E'e', wari' nein Galileia ta nonon. Na ra ac ca na Pilatos. Taramaxicon pe nain Galileia Herodes pane. Ane pe pan cain Jerusalém pain oro xec ca quep cocon Jeju ne. Taxi' pin iri non Jeju Pilatos ma' ne, pain ca maqui' cain Galileia ma', tomi' ac tococwa na caram ma' co tomi' em' nonon ma': An mi' jun con Herodes ta na ca tomi' tococwa ma'.

Lucas 3:1

Pain pin iri na ne, pain ca ma' 15 pin ne cawaxi' pain ca taramaxicon pe cain Roma Tibério César pane, taramaxicon pe nain Judeia Pôncio Pilatos. Taramaxicon pe nain Galileia Herodes. Taramaxicon pe nain Itureia je Traconites Filipe, coxa' ca Herodes. Taramaxicon pe nain Abilene Lisânias ma' quem.

Lucas 9:19

Om na, ma' nana co João co ja' taxipa' com cara pane xi' ma nenem ac cocon na. Ma' nana oro xucucun co profeta Elias cara pane xi' ma nenem. Oro xucucun ma' iri nana ne, om na, xucun profeta cara pane xi' ma nenem, wirico tara co e' mami' ta nenem ta na ca tomi' cocon ma'.