Lucas 9:62 - Tradução Bíblica Pacaas Novos

⁶² Om na ta ac con na Jeju. Noro ron wari' co tota ma' ac con na Jeju. Mo ta tota ta' ca, mo ta an pe an pe cain ca taramaja nucun pain ca noro in cain waracon quem, om ca taramaja xo' ac ca. Ac i ma' na con wari' co ja' ja' xim paxi' napa' ma', co in hwet nain waracon ma' quem. Om ca taramaja xo' ac ca pain ca pijim' hwet cocon pain capijacon Iri' Jam oro wari' pain ca taramaxicon pe ho' toton cocon ma' quem na ca tomi' con Jeju ma'.

Lucas 9:62 Iomraidhean Croise

Filipenses 3:13

Tomi' ca' inuhu' ta xere: Om ca coromicat mi' xije pain ca ma' pin capa' oro ca ara mi' xim capa' ca'. Om ca coromicat mi' xije pain ca iri' wari' pin ta' ca' quem. Ma' xica' pe na carawa ca ara ta' ta' ca': Om ca mam' pe wet mami' tain oro carawa ca ara napa' pain cara pane. Win xumu e' inain oro carawa ca ara xim napa'.

2 Timóteo 4:10

Xi paca' ara capa' Demas cara pane. Win xumu ara xi' nain oro caramaji macan', paca' ac capa' na, mao ac cain na Tessalônica. Mao nain Galácia Crescente, mao nain Dalmácia Tito quem.

Hebreus 10:38

E' cara tara wari' ne co to' hohot ta' cwa', xi om ne ca howa ara capa' ta. Mo ta in ca' capa' ma', om ta hohot capa' ta, ac i ma' na ca tomi' ca ma'.