Lucas 9:51 - Tradução Bíblica Pacaas Novos

⁵¹ Wixicam pin iri na oro xec nein ca in mao tain cain pawin Jeju ne, tomi' pan ac ca na: Maji ta. Na e' na pain ca mao tain Jerusalém ta na, mama' ac caca na.

Lucas 9:51 Iomraidhean Croise

Marcos 16:19

Taramaxicon nexi' Jeju ma', tomi' ac i ma' iri nonon co taxipa' ca ma' ne, an piri' mao ac tocwa na pain pawin. Xao pe ho' pin ac cain na iri' curucun Iri' Jam.

Lucas 12:50

Ac i ma' paxi' ina, ane na e' ne pain ca jain jain tamana cain' ta' pain ca quep em' xim cacapa' oro wari' je pain ca to' pa' pin xim cacapa' ne. Toron tamana napa' xumu ta. Ximin ina. Toron toron maqui' pa' ac capa' tara xec nein ca to' pa' pin xim cacapa' ta.

Lucas 13:22

Tiquin' mao ac ca na Jeju ma'. Pain ca xut xumu cain Jerusalém ma', mao ac cain oro xijein cidade, hwet hwet ac tococwa na oro wari' co to nanain oro ca paric to ne xirim ma' quem.

Lucas 17:11

Mama' xin Jerusalém ta ac ca na Jeju ma', mama' ac caca na. Xuruxut nanain wana ca ac mao nain cacarain Samaria je Galileia ma'. Pe nain quiricon xina Samaria ma', pe nain xijein quiricon Galileia ma', xuruxut mama' nanain wana ca ac nain ximijain.

Lucas 18:31

Harahap je, xuruxut ni ca' xuxun oro wari' cwa' ac tococwa na co taxipa' ca ma', co ma' 12 nana ma', tomi' ac tococwa na: Taraju wet xine e'. Mama' xin irin Jerusalém ta. Tan' mama' iri xi' ne, hwerehwet hwerehwet pi' pin ac ne tara oro ca xirao' nucucun oro profeta cara pane, pain ca xirao' to cacain oro carawa ca ara ton napa' pain ca Iri' Wari' ta' ca'.

Lucas 19:11

Taraju nonon Jeju oro wari' ma', pain ca tomi' ac i ma' ca ma'. Coromicat ca' nana: Wa' mao iri tarain Jerusalém ne, taramaxicon hap pin ac ca tara ta nonon. Coromicat ac i ma' nana, xi om ne ca wixicam pin ara cacain Jerusalém ma'. Je ca pijim' joc mam' mi' tococwa con taramaxicon cocon co taramaja mi' nonon ma'.

Lucas 19:28

Pi' pin iri na ca pijim' nucun Jeju ne, xuruxut xuruxut tiquin' ac caca na pain ca mama' xin cacain Jerusalém. O na Jeju, xuruxut nanain waracon co taxipa' ca ma' quem.

Lucas 24:51

Pain ca tomi' tomi' wet tococwa ma', piri' ca' ac tococwa na, an piri' mao ac tocwa na pain pawin.

Lucas 9:57

Xuruxut mama' ac caca na. Pain ca xuruxut xuruxut wet caca ma', tomi' pan ac con na Jeju wari' ma'. Ja' ja' cara xim pain oro ca mao ta' ma ma' na ca tomi' con ma'.

João 13:1

Wixicam pin ac ne na xec nein Páscoa ma', je i ma' xec nein ca tomi' querec te wi urut pain ca judeu urut ca'. Taxi' pin xucun Jeju pain ca maqui' pin ne xec nein ca paca' pin tain cain macan' ca', pain ca in hwet ton con Cote ca. Jeju ma', om ca noc camain' caparut pain ca wari' ne caparut pain macan' ca', je curucun mao na. Je ca an hwet mi' ho' xuhu' pain ca om noc camain' xuhu' ca' naparut.

João 16:28

Maqui' inon Te pain ca maqui' tain macan' pane. Paca' ho' tain ina quem. In hwet ac ton tara Te na ca tomi' caparut ma'.

João 16:5

In hwet ton paxi' inon Te co hwet roron oro wari' ta napa' pane ac caparut na. Je xi tomi' querec mahu' pain ca main ca mao ta' ma ma' quem mahu'? Om ca tomi' querec camain' mahu' pain.

João 17:11

Om ta pe mami' tain macan' ca' quem. In hwet ho' xim inem. Co taxipa' nanapa' cwa' iri nana ne, to wet pan tatarain macan' pa'ao' non. Awi tamana ma ta Te ac con na. Narain ho' roron pain ca om awi wa, mam' narain ho' roron pain ca hwara' opa nem ma', je ca hwara' opa nem ca mi' mapa' ca'. Narain ho' roron pain oro ca to' i'ina nonon, ma' ta xica' pe ne ximicocon. Win ne ca xica' pe ne ximixi' ca' quem.

João 6:62

Cain' cain' xi' hwe pain ca aram aram querec xim mahu' pain ca piri' in mao tain pawin quem? Wata' pain ca Iri' Wari' ta' ca', main in mao tain pawin ca wara pe ta' pane. Cain' cain' xim mahu' quem?

Atos 1:2

Ca taramaja nucun pane, taramaja taramaja maqui' pa' ac con na xec nein ca an piri' mao con pain pawin Iri' Jam. Xirao' mi' inem pain i ma' con quem. Om om wet iri na ca an piri' mao con pain pawin Iri' Jam ne, tomi' xo' ac tococwa na oro apóstolo co wara tora' ca pane, wiricoco co taxipa' ca ma', co an xin tiquin' mi' jujun pain capija oro wari' ta ca ma'. Je Tamataracon Iri' Jam ca mi' non pain ca tomi' nucun pain ca tomi' xo' tococwa pane.

Atos 1:9

Tomi' pin iri nain i ma' ne, an piri' mao ac tocwa na. Querec nana co taxipa' ca pain ca an piri' mao tocwa ma'. Piri' piri' tatep pa' ac con na tajain nanawin. Querec querec om pin ac cocon na.

Filipenses 3:14

Win ca wari' co mo ma', pain ca jein hwet xin tawiri wana cocon oro win ma' ca ma'. Om ca noro in cain waracon. Mo mip e' na, hwet cain' tain tawiri wana, ma' ta an tain carawa ca awi ta na. Ac i ma' ina quem. Win xumu e' inon Cristo Jeju, ma' ta aram aram mi' xim capa' pain ca param nucun Iri' Jam pain pawin ina.

1 Timóteo 3:16

Iri' Jam ma', om ca an hwet querec cain ca coromicat an pe xo' nucun ca howa iri' con Cristo Jeju pane. Pain xocori ca' iri na ne, an hwet mi' napari' con. Ca' napari' con: Wari' pin na Cristo. An hwet mi' napari' pain ca awi nucun Tamataracon Iri' Jam. Querec nonon oro jam co taramaja mi' nonon Cote ca. Pijim' hwet ac tocwa na cocon oro wari' co om judeu nana. Mija nana oro wari' co howa nonon pain oro xijein macan'. Piri' in hwet ac con na Cote ca pain pawin. Ac i ma' na tamara' ca com mi' xun ca'.

Hebreus 12:2

Win xumu cara e' xun Jeju ma', xi wirico ara ca co mi' napari' pain ca howa wa pain ca xo' howa qui' xun pane, wirico co mi' xim napari' pain ca howa cara xun quem. Wixipa' paxi' nana wari' co tatatain mi' wawa pain pana ma', ane je i ma' ira ta pan ca Jeju ne. Quereme na pain ca tatatain mi' ma' tatarapa' pain ne ca pane, xi om ne ca coromicat ara cain ca aram aram tomi' querec te tamana ta' nucun pain pawin ta. Je ca pe ca pain xocori ca' quem, xao pe ho' nain iri' curucun Iri' Jam cwain.

1Pedro 3:22

Wirico Jeju Cristo co mao nain pawin, pe ho' pin ac cain na iri' curucun Iri' Jam ma' quem. Taramaxicon pe ho' pin ac tococwa na oro jam co taramaja mi' nonon Iri' Jam, cocon oro co taramaxicon nana ma', cocon oro xucucun jam co hwara' opa nana ma' quem.