Lucas 9:49 - Tradução Bíblica Pacaas Novos

⁴⁹ Tomi' ac con na Jeju João: Taramaxicon co ca' na taxipa' capijacon Iri' Jam. Querec urut con wari' co tomi' jein pin nonon oro caxicon jam. Wirico Jeju co tomi' jein pin roron ta napa' cocon ta na. Tomi' in pin paxi' urut con, xi win ma' ne capari' ta na ca tomi' con ma'.

Lucas 9:49 Iomraidhean Croise

Mateus 3:14

Ja' ne pain com ta ac con na. He, cain' cain' xima quem ac ca na João. Para ja' ne pain com mapa' quem? Xi caracat ma ta. Ja' pan ximapa' ta non. Tomi' paxi' non, ane om ca na con ne.

Lucas 5:5

Xin towa urut pain caji wi nuxut quem Taramaxicon co ca' na taxipa' capijacon Iri' Jam ac con na Simão. Mija urut, xec pa' e' naparut pain ca xin xin urut pain caji wi. Om ca cut camain' urut con hwam ta non. Ane tomi' pan ma ma' ne. Xin mao ta' pain com caji wi ta ac con na.

Lucas 9:33

In mama' xi' iri nana ne, tomi' ac con na Jeju Pedro. Awi na pain ca to xin i ca' quem Taramaxicon co ca' na taxipa' capijacon Iri' Jam. Quep 3 xut pain wijimain xirim. Mene rain wirain. Mene tarain wirain Moisés ma'. Mene tarain wirain Elias ma' quem na ca tomi' nucun. (Tomi' ximao na Pedro, xi coromicat xo' ca ta.)

Atos 5:28

Tomi' mip urut pahu' ma' ira! Ta an hwet camain' hwein wixicon Jeju pain ca pijim' huhun oro wari' me ta paxi' urut pahu'. Ane om tomi' ha' maparut ne. Pijim' mi' pijim' mi' tiquin' huhun pain ca howa nuhu' oro wari' co to nanain Jerusalém ca'. Ac ca coromicat mi' maparut na pain ca to' pa' pin urut con Jeju ta nonon pain ca tomi' mana' tococwa ma'.

1 Tessalonicenses 2:16

To' i'ina nanaparut pain ca pijim' mi' urut cocon pain capijacon Iri' Jam oro wari' co om judeu nana ma', pain ca to' witan xim nuhu' Iri' Jam ta urut cocon ma'. Je curucucun. Mija pin na ca caracat nucucun. Cote ne pin na cocon. Mana' tamana pin nonon Iri' Jam. Mama' jein cote ne xe ta toton nonon quem.