Lucas 9:48 - Tradução Bíblica Pacaas Novos

⁴⁸ Noro jun pije' cwa', co om hwara' opa cwa' ac tococwa na co taxipa' ca ma'. Wari' co tomi' querec te non pain ca om hwara' opa nucun ca', coromicat ca' iri na ne: Tomi' querec te inem, xi om ne ca howa ara ton Jeju ma', mo ta coromicat ac i ma' ca pain ca tomi' querec te inem con ma', ac ca tomi' querec te capa' na. Tomi' querec te iri napa' ne, tomi' querec te non co cwain co hwet roron oro wari' napa' ma' quem na ca tomi' tococwa ma'. Je ca tomi' xuhu' ca' ac tococwa na. Wari' co om xec xec ma' pahu', co om hwara' opa pan ina ta pahu', wirico tara co hwara' opa pan pahu' ta na ca tomi' tococwa ma'.

Lucas 9:48 Iomraidhean Croise

Mateus 18:10

Ma' tara xumuhu' me ac caparut na. Ta noc camain' huhun oro wari' co an xiho' nonon hwijima' co om hwara' opa nana cwa' me. Je ca tomi' xuhu' ca': Oro jam co taramaja mi' nonon Iri' Jam ma', co querec wet taxipa' nonon ma', tama' to ho' nonon Te co pe pawin cain.

Mateus 18:14

Ac i ma' na Cotere' co pe pawin quem. Noc nain ca pan' am xica' pe ca wari' co an xiho' non pije' pain ca howa con ma' na ca tomi' caparut ma'.

Mateus 19:28

Ame hwe e' ac caparut na. Maqui' cain' tara xec nein ca quep xocori pin tain cain oro carawa pain macan' ta na Iri' Jam ca'. Xao pe ho' pin ac tain tara ca mam' xao pe ne pain ca taramaxicon pin ta' ta' ca'. Wata' pain ca Iri' Wari' ta' ca', taramaxicon hwara' opa pin ac ta' tara ta. Awi tamana tara ca taramaxicon ne. Taramaxicon wi ac mahu' tara quem. Wahu' pain ca taxipa' mahu' ma', xao to xao to xam' ac hwein tara ca mam' xao pe nucun taramaxicon. Ma' 12 tara ca mam' xao to nuhu' pain ca taramaxicon wi mahu'. Taramaxicon to ho' ac huhun tara waram winacocon mana panxica Israel cara pane, co ma' 12 nana cara pane. Tomi' iri'o' inuhu'.

Mateus 25:40

Wata' pain ca Taramaxicon ta' ca', tomi' ac toton tara: Quep xiho' iri huhun oro wari' co howa nanapa' pane ne, co xere ta' pane, co om hwara' opa camain' nana pane, wata' pan ac ne na co quep xiho' hwe pane. Tomi' iri'o' inuhu' ta, ac i ma' tara ca tomi' toton ta.

Mateus 25:45

Tomi' ac toton tara: Om iri na ca quep xiho' huhun oro wari' co howa nanapa' ne, co om hwara' opa camain' nana pane, wata' ac ne na co om quep xiho' hwe pane quem. Tomi' iri'o' inuhu' ta, ac i ma' tara ca tomi' toton ta.

Marcos 9:37

Tomi' ac tococwa na co taxipa' ca ma': Noro jun pije' cwa', co om hwara' opa cwa'. Wari' co tomi' querec te non pain ca om hwara' opa nucun ca', coromicat ca' iri na ne: Tomi' querec te inem, xi om ne ca howa ara ton Jeju ma', mo ta coromicat ac i ma' ca pain ca tomi' querec te inem con ma', ac ca tomi' querec te capa' na. Om ca xica' pe querec te capa'. Tomi' querec te iri napa' ne, tomi' querec te non co cwain co hwet roron oro wari' napa' ma' quem na ca tomi' tococwa ma'.

Lucas 10:16

Tomi' ac tococwa na co taxipa' ca ma', co pijim' mama' jein pira ca ma'. Wari' co taraju wet nuhu' pain ca pijim' hun ma', taraju wet napa' quem. Wari' co noc nuhu' pain ca pijim' nuhu' ma', noc napa' quem. Wari' co noc napa' ma', noc non co cwain co hwet ron oro wari' napa' quem na ca tomi' tococwa ma'.

Lucas 14:11

Je ca tomi' xuhu' ca' ac tococwa na. Oro wari' co xec xec nana ma', pain ca hwara' opa na xi' ma caca ma', to' wixipa' to' wixipa' pi' pin ac tococwa tara. Wari' co om xec xec ma' iri na ne, pain ca om ca hwara' opa ta' pan xucun ma', to' hwara' opa pin ac tocwa tara quem na ca tomi' tococwa ma'.

Lucas 22:26

Ane om na ne pain ca an xiho' huhun ne. Jimama' je. Co hwara' opa ma', om ta xec xec ca. An xiho' toron co om hwara' opa camain' ma'. Co taramaxicon ta' ma' pahu', an xiho' toron co taramaja mi' e' non win ma' ca ma'.

Lucas 22:30

Cao' querec te to ho' ac xijexi' tara pain ca taramaxicon pe ta' ta' cain. Xao to ac hwein tara ca mam' xao pe nucun taramaxicon, tomi' querec tomi' querec ac huhun tara pain oro ca ara nucucun waram winacocon mana panxica Israel cara pane, co ma' 12 nana cara pane na ca tomi' tococwa ma'.

Lucas 7:28

Je ca tomi' xuhu' ca' ac tococwa na. Iri' wari' na João, hwara' opa na. Om na xucun wari' co tiquin' ca' non pain ca hwara' opa nucun, om nana oro hwanana co hwara' opa tiquin' ca' nonon quem, om om paxi' nana. Ane hwara' opa tiquin' ca' pan con João wari' co om hwara' opa camain' ne, co taramaxicon pe ho' ca Iri' Jam pain ca howa capa' ma', hwara' opa tiquin' ca' pan non João ta na ca tomi' tococwa ma'.

João 13:20

Je ca tomi' xuhu' ca', tomi' iri'o' inuhu' ta ac caparut na. Wari' co tomi' querec te non co hwet roron oro wari' ta ta' cwa', tomi' querec te napa' quem. Wari' co tomi' querec te napa' ma', tomi' querec te non co cwain co hwet roron oro wari' pain macan' ta napa' quem na ca tomi' caparut pane.

João 14:21

Mo ta taraju pa' hwein capija ca tomi' ha' je xuhu' ca'. Mo ta tomi' ha' mahu' quem. Querec pin' ac xihwe tara pain ca om noc mahu' ma'. Mo ta om noc mahu', om ta noc cuhu' Te. Wata' quem, om ta noc xuhu', an hwet pe ac xije tara pahu', mi' ac xuhu' tara pain ca querec pin' mahu' pain iri' xumuhu' ma' quem na ca tomi' caparut ma'.

1 Tessalonicenses 4:8

Je ca tomi' urut pahu' ca': Mo ta tomi' in pin hwein ca xirao' mi' urut pahu' ca', om ca wari' ca co tomi' in pin hwe. Tomi' in pin hun Iri' Jam co mi' nuhu' pain Iri' Tamataracon ca ara awi e' ma'.

1Pedro 5:6

Je ca tomi' xuhu' ca'. Ta xec xec camain' hwe pain ca hwara' opa pan ta' ta hwe me. Tomi' ha' e' jun Iri' Jam co hwara' opa pan, pain ca Taramaxicon ne hun ma'. Ma' ta aram aram to' hwara' opa pin cuhu' pain xec nein ca wara coromicat an pe xo' ca pane. Hohot mahu' ta ac cuhu' tara quem.

Apocalipse 21:14

Ma' 12 na cote ne pacun ca to' teren nain caximain ca tao' caho' nein ma' quem. Iri' cote ne pacun pain oro caximain. Xirao' ta wixicocon oro apóstolo nucun co ma' co ac Wijimain Taramaji Ovelha ma', xirao' pe xirao' pe xam' ta pain oro cote ne pacun pain caximain.

Apocalipse 3:21

Oro wari' co hwara' opa cara nana pain ca howa nucucun ma', mi' ac toton tara pain ca xao to ho' cacapa' pain ca mam' xao pe ne pain ca taramaxicon pin ta' ta' ca'. Taramaxicon wi ac cacapa' tara. Win ta' pain xocori ca', pain ca to' quiji' pin ton Caxicon Jam pane, je pain ca xao pe ho' pin ton Te pain ca mam' xao pe nucun pain ca taramaxicon nucun quem.