Lucas 9:47 - Tradução Bíblica Pacaas Novos

⁴⁷ Jeju ma', taxi' nain ca coromicat nucucun ma'. Je ca hap ra con pije' co pe nain i ma'. Hap ra non, an xat ac con na pain quiricon.

Lucas 9:47 Iomraidhean Croise

Mateus 12:15

Taxi' nonon oro fariseu Jeju quem. Taxi' nonon pain ca to' pa' pin xun cocon ma'. Je ca mao ni ca' tococwa ma'. Ja' ja' ac cocon na oro wari'. Mija nana co ja' ja' nonon. Quep xio quep xio xam' ac tococwa na quem.

Mateus 9:4

Ane taxi' cocon Jeju ne, taxi' pan nonon pain ca coromicat nucucun. Tomi' ac tococwa na: Para coromicat ac i ma' hwe pain xumuhu' ma' quem? Om ca awi camain' ne ca coromicat nuhu' ta.

Lucas 5:22

Taxi' nonon Jeju pain ca coromicat ac i ma' caca ma'. Taxi' ximao na ximicon. Para coromicat ac i ma' hwe ma' quem ac tococwa na.

João 16:30

Taxi' urut pum pain ca taxi' taxi' pi' pin main oro carawa. Oro ca tomi' querec xim urut pum quem, om ca param maparut pain ca tomi' querec urut pum pain, xi wara taxi' ximao ara main oro ca param nuxut ta. Je ca howa urut pum pain ca maqui' mon Iri' Jam ta urut con.

João 2:25

Om ca ma' xirapa' na con wari' co tomi' hwet non pain ca coromicat nucucun oro wari' quem, om na. Taxi' pan tata, taxi' ximao nain ca coromicat nucucun oro wari' ta.

João 21:17

Tomi' querec mami' ac con na quem. Je win 3 pin ne ca tomi' querec con ma': Simão, panxica João. Om ca noc mapa' na ca tomi' querec mami' con ma'. Tomi' xaxa' ac ca na Pedro. Para tama' tomi' querec capa' pain ca om ca noc mapa' capa' ca' ne? 3 pin na ca tomi' querec capa' ma' na ca coromicat nucun. Tomi' ac con na: Taxi' taxi' pi' pin main oro carawa ta Taramaxicon ne. Taxi' mapa' pain ca om noc xim ca' non. Je ca tomi' xim ca' ac con na Jeju. Querec wet roron oro wari' ne co an xiho' nanain ovelha ta non.

1 Coríntios 14:20

Taraju pa' je ta xere. Ta ximicon pije' mami' hwe pain ca om taraju pa' nuhu' pain ca mi' capari' pain oro ca taramaja taxi' wa Tamataracon Iri' Jam ta. Ximicon hwanana je pain ca coromicat xo' nuhu'. An xiho' e' jujun oro pije' pain ca om coromicat pan teretem nucucun.

Hebreus 4:13

Oro carawa ca tomi' ma' pin ca Iri' Jam ma', om ca xaraxa ca' ac con. Wari' quem, om ca xaraxa ca' ac xun quem. Om ca ma' camain' ne ca mam' tatep pa' ac xijexi' con. Querec querec pi' pin napari', taxi' taxi' pi' pin nain oro ca ara iri' quem. Main maqui' tara xec pain ca tomi' hwet xun iri' pain oro ca ara iri' quem.

Apocalipse 2:23

To' parapa' pin toton oro co an xiho' nanam ma', co ac humaxicam nana ma'. Querec pin' ac cacapa' tara oro co howa nana ma', pain ca cut in xucucun pain oro cidade ma', querec pin' tatarapa' pain ca taxi' tain oro ca coromicat nucucun oro wari' ma', je pain ca taxi' tain oro ca param nucucun ma' quem. Wahu' pain ca pan teretem hwe ma', wap wap xam' xuhu'. Win hwe pane xuhu', win ne ca ara ara hwe pane xuhu', ac i ma' tara ca wap xuhu' ta.