Lucas 9:45 - Tradução Bíblica Pacaas Novos

⁴⁵ Ane om taraju pa' cacain ca tomi' nucun ne. Cain' cain' xira con ne? Para tomi' ac i ma' capari' pain ca mi' pin ta' nucun quem na ca tomi' xucucun. Joc xim ara xi' tata pain ca tomi' mao nein ca tomi' nucun ma'. Wirico Iri' Jam co joc xim pan nonon pain. Je ca om taraju pa' caca ma'. Hehe nana pain ca tomi' querec cocon pain ca tomi' nucun.

Lucas 9:45 Iomraidhean Croise

Mateus 16:22

Quep ac cain na taparacon Jeju Pedro. Coc papan hwet mao ac con na, tomi' ac cain na taraxicon: Om na ta Taramaxicon ne. Nain ho' terem pain Iri' Jam ta. Om ta to' pa' quequem oro wari' ta non.

Mateus 17:22

Cut in iri xujuxut pain Galileia ne, tomi' ac caparut na Jeju: Iri' Wari' paxi' ina, ane ma' ca wari' co tomi' mi' xim napa' cocon oro co noc nanapa' ne. O mi' ac cacapa' tara cocon oro co to' pa' pin xun nanapa' ma'.

Marcos 9:10

Ma ac caca na. Om paxi' na ca tomi' hwet cacain, ane tomi' pan e' xucucun pain ne. Ma' tara ca e' mami' ac wa con ra? Cain' cain' xira con ne, ac i ma' xucucun.

Marcos 9:32

Ane om taraju pa' cacain ca tomi' nucun ne. Hehe nana pain ca tomi' querec cocon pain quem.

Lucas 18:34

Co taxipa' ca ma', om ca taraju pa' camain' cacain ca tomi' nucun Jeju. Ac ca joc xim tococwa pain na ca tomi' mao nein con.

Lucas 2:50

Ac i ma' paxi' na ca tomi' cacam ma'. Ane om taraju pa' cacamain ca tomi' nucun ne.

Lucas 9:46

Tomi' caracan ac xucucun na co taxipa' ca ma'. Wata' co hwara' opa tiquin' ca' nuhu' ta xucucun. Om na, wata' ta, hwara' opa tiquin' ca' inuhu' ta ac ca na xucun. Wata' pan ta ac ca na xucun ma' quem.

João 12:16

Pain ca wa' mao ac i ma' cain Jerusalém Jeju ma', om ca taraju pa' hap urut pain ca taxipa' urut con ca'. Mi' pin iri na ne, e' mami' iri na ne, in hwet pin iri non Cote ca pain pawin ne, taraju pa' pin ac urut na pain oro carawa ca ara non Jeju pane. Wara xirao' pe ne con pain capijacon Iri' Jam pane ira ac urut na. Ara ara pi' pin ne con pane ira, ac i ma' na pain ca aram aram taraju pa' pin nuxut.

João 12:34

Tomi' ac caca na oro wari': Ca' na ca tomi' capari' ca xirao' nucun Moisés: Om ta pi' ra ha' ne ca e' nucun Cristo ta na. Je ca tomi' querec urut pum ca': Para tomi' ac i ma' ma ma', pain ca na e' na pain ca an piri' xat tocwa pain pana co ma' co Iri' Wari' ma' quem? Ma' tara ca mi' pin ac ca co Iri' Wari' ma' quem? Cain' ca wari' ca co Iri' Wari' ma ma' quem na ca tomi' querec cocon ma'.

João 14:5

Taramaxicon ne ac con na Tomé. Om ca taxi' urut pum pain ca mao ta' ma ma' quem. Cain' xi querec pin' ac urut pain wana ca ac ta' ma ma' quem na ca tomi' con ma'.

João 4:33

Ma' tara wari' co mi' non pain carawa ca cao' wa ra ac xujuxut na.