Lucas 9:44 - Tradução Bíblica Pacaas Novos

⁴⁴ Taraju wet xine pain ca tomi' xim xuhu' ca' tata. Iri' Wari' paxi' ina. Ane ma' ca wari' co tomi' mi' xim napa' cocon oro co noc nanapa' ne. O mi' ac cacapa' tara cocon oro co to' pa' pin xun nanapa' ma', ac i ma' paxi' na ca tomi' tococwa ma'.

Lucas 9:44 Iomraidhean Croise

Mateus 16:21

Je i ma' xec nein ca tomi' xo' pin caparut Jeju pane. Tomi' xo' pin naparut pain ca taxipa' urut con ca'. Tomi' ho' tomi' ho' ac caparut na. Na e' na pain ca mao tain Jerusalém ta. Wa' mao iri tain i cain ne, quep em' ac cacapa' tara oro taramaxicon nexi' pain ca judeu iri' ca', cocon oro taramaxicon nucucun oro sacerdote cocon oro co ca' na taxipa' nanain ca xirao' nucun Moisés. To' jain jain tamana tatarapa', to' pa' pin ac cacapa' tara. Ma' 3 pin iri tarapa' xec pain ca mi' pin ne ne, e' mami' ac ta' tara ta na ca tomi' xo' caparut ma'.

Mateus 26:2

Taxi' hwein ca wixicam pin ne Páscoa. Ma' 2 pin iri tara xec ne, maqui' ac ne tara, ma' ac ca tara wari' co tomi' mi' xim napa' cocon oro taramaxicon. Tatatain mi' ac cacapa' tara pain pana. Wata' pain ca Iri' Wari' ta' ca', tatatain mi' tatarapa' pain pana, wa wa mi' pin pe ac tain tara ta na ca tomi' caparut.

Marcos 8:31

Tomi' xo' ac tococwa na: Na e' na pain ca jain jain tamana ta' ta' ca'. Wata' pain ca Iri' Wari' ta' ca', jain jain tamana ta'. Noc tatarapa' oro taramaxicon nexi' pain ca judeu iri' ca'. Noc tatarapa' oro taramaxicon nucucun oro sacerdote cocon oro co ca' na taxipa' nanain ca xirao' nucun Moisés ma' quem. To' pa' pin tatarapa' quem. Ma' 3 pin iri tarapa' xec pain ca mi' pin ne ne, e' mami' ac ta' tara ta na ca tomi' tococwa ma'.

Marcos 9:31

Xi om ne ca ca' na ara tococwa pain capijacon Iri' Jam co taxipa' ca ma'. Tomi' ac tococwa na: Iri' Wari' paxi' ina. Ane ma' ca wari' co tomi' mi' xim napa' cocon oro co noc nanapa' ne. O mi' ac cacapa' tara cocon oro co to' pa' pin xun nanapa'. To' pa' pin ac cacapa' tara quem. Ma' 3 pin iri tarapa' xec pain ca mi' pin ne ne, to' e' mami' ac capa' tara Iri' Jam ta, ac i ma' paxi' na ca tomi' tococwa ma'.

Lucas 1:66

Cain' cain' ta' ca pije' cwa' ne ac xucucun na co taraju nana ma'. Cain' cain' ta' ca pain ca aram aram hwara' pin nucun quem na ca tomi' xucucun ma'. Xi querec pin' ara cocon pain ca pe ho' con ca hwara' opa nucun Taramaxicon nexi' ta.

Lucas 18:31

Harahap je, xuruxut ni ca' xuxun oro wari' cwa' ac tococwa na co taxipa' ca ma', co ma' 12 nana ma', tomi' ac tococwa na: Taraju wet xine e'. Mama' xin irin Jerusalém ta. Tan' mama' iri xi' ne, hwerehwet hwerehwet pi' pin ac ne tara oro ca xirao' nucucun oro profeta cara pane, pain ca xirao' to cacain oro carawa ca ara ton napa' pain ca Iri' Wari' ta' ca'.

Lucas 2:19

Maria ma' iri na ne, mam' pe wet cara ac camain na oro ca taraju cama ma', ca tomi' hwet cacam caram ma' co querec wet taxipa' nanain ovelha nucucun ma'. Om ca ji'am pin camain. Tama' coromicat e' nain.

Lucas 2:51

Hwet ac tacacama na, xuruxut xuruxut in mama' ac cacamain na Nazaré. Tomi' ha' nanam quem. Jicon ma', om ca ji'am pin camain i ma' ca ara ne con cawinacam ma'. Mam' pe wet cara nain.

Lucas 24:44

Je ca tomi' xuhu' pain ca pe ho' pe ho' wet xuhu' pane ac tococwa na. Na e' na pain ca hwet pin ne oro capijacon Iri' Jam pata'. Oro ca xirao' nucun Moisés cocon oro profeta, je pain Oro Tamara' quem, na e' na pain ca hwet hwet pi' pin ne pata' ac tococwa na.

Lucas 9:22

Tomi' ac tococwa na: Na e' na pain ca jain jain tamana ta' ta' ca'. Wata' pain ca Iri' Wari' ta' ca', jain jain tamana ta'. Noc tatarapa' oro taramaxicon nexi' pain ca judeu iri' ca'. Noc tatarapa' oro taramaxicon nucucun oro sacerdote cocon oro co ca' na taxipa' nanain ca xirao' nucun Moisés ma' quem. To' pa' pin tatarapa' quem. Ma' 3 pin iri tarapa' xec pain ca mi' pin ne ne, e' mami' ac ta' tara ta na ca tomi' tococwa ma'.

João 16:31

Aram aram howa pin mahu' ra ac caparut na.

João 16:4

Tomi' hwet inuhu' pain ca quep xim cucuhu' ma'. Ame hwe e', aram aram maqui' iri tara xec nein ca quep em' xim cucuhu' ne, mam' pe wet ac hwein tara ca tomi' ne ca', pain ca quep em' xim nunuhu' ta xuhu' ca'. Om ca wara tomi' hwet xuhu' pain cara pane, pain ca xo' taxipa' qui' mahu' pane. Xi om ne ca pe ho' pe ho' wet ara xuhu' pane ta na ca tomi' caparut ma'.

João 19:11

Mo xi om mi' quem pain ca taramaxicon wa Te Iri' Jam ma', om xi na camain' quem pain ca ara mi' mapa' pain ca param nem ta ac con na. Je ca tomi' xim ca' taramaxicon ac con na. Co ma' co o mi' jun con Pilatos napa' pum, wirico co caracat tamana pan. Caracat tiquin' ca' nem ta non.

Atos 2:23

Iri' Jam ma', wara an pe xo' nain ca coromicat nucun pane, pain ca main quep totoron ta cuhu' con. Je ca om narain ho' cuhu' con. Quep hun, to' pa' pin jun ta ac huhun na oro caracat co om tomi' ha' camain' nonon Iri' Jam. Tatatain mi' ac cocon na pain pana.

Hebreus 2:1

Hwara' opa tamana pan na Taramaxicon nexi' Jeju Cristo. Je ca na e' ne pain ca taraju wet xin ca tomi' nucun ca taraju iri' ca'. Ma' ta om aram aram an pe pin xin quem.