Lucas 9:42 - Tradução Bíblica Pacaas Novos

⁴² Pain ca hwet ton ca pije' ma', xin mi' non pain macan' caxicon jam nucun. Pa' ac con na tamanain. Ane tomi' in pin pan con caxicon jam Jeju ne. Hwet ca' ron ta non, quep xio pin ac con na pije' ma'. Mon cwa' panxima cwa' ta ac con na cote ca quem.

Lucas 9:42 Iomraidhean Croise

Marcos 9:20

An mi' ac cocon na con. Querec iri non Jeju caxicon jam nucun ne, pa' hap ac con na tamanain. Pan' mao ac cain na macan', xin tem xin tem ac ca na, toroto ac ne na capijacon pain morocacon.

Lucas 7:15

Xao pe ac ca na, tomi' ac ca na. Mon cwa' cawinam cwa' ta ac cam na jicon ma'.

Lucas 9:39

Corom pe ho' non caxicon jam. Quep mip ho' quep mip ho' non, ane ane u ac ca na, pa' ac con na tamanain, toroto ac ne na morocacon pain capijacon. Om ca an pe hap con. Quep xirac to' jam' pin iri non ne, aram aram an pe wijimain ac con na quem.

Lucas 9:41

Wa inuhu' me ac ca na Jeju. Wahu' pain ca wari' nuhu' pain oro xec nexi' ca', om ca howa camain' mahu'. Caracat tamana hwe ta. Pain pin paxi' na ca pe ho' xuhu' ca'. Je xi howa mahu' quem? Cain' cain' xita' quem? Ha' tara pain ca winim' cara xuhu' pain ca howa xim mahu' ra? Je i ma' ira, an qui' ron panxima ta ac con na cote ca.

Lucas 9:43

Wa wa wa wa pi' pin ac caca na oro wari' pain ca querec pin' cacain ca hwara' opa tamana nucun Iri' Jam. Wa wa wa wa pi' pin nonon Jeju pain ca querec cacain oro ca ara ca ma' quem. Je ca tomi' ca' tococwa co taxipa' ca ma':

João 6:19

Pan horoho pan horoho, to pira ca' ac urut pain na cacarain ma'. Am 5 ne tara quilômetro nein ca pan horoho urut ma', am 6 ne tara quilômetro ca pan horoho mama' urut ma'. Querec ac urut con na Jeju ma', pain ca xut cain quimain com ma'. Xut hwet naparut pain mam' horoho nuxut. Jin' tamana ac urut na.

Atos 9:41

Quep ac cam na pain micam, an tequi' pe xat ac cam na. Corom qui' je ta ac tococwa na oro wari' nucun Iri' Jam ma', wiricacam oro narima' co wara cono' ca' nanam waram taxicacam ma' quem. Mam cwa' ta. E' mami' na ta, ac i ma' na ca tomi' tacacama ma'.

Apocalipse 12:12

Je ta tomi' querec te tomi' querec te xam' hun pain ca to hwein pawin ma'. Wahu' pain ca to hwein macan' je cote ne com ma' iri na ne, xiram pa' e' xihwe pain ca ximin nuhu' ma'. Xi quiji' hwet pin ara cuhu' Caxicon Jam ta. Mana' tamana na, xi taxi' ara ca pain ca wijimain pin ta' ne oro xec nein ca ara tain cain oro ca ara ta' ca ma'. Ac i ma' na ca tomi' mip ne ca tomi' wa ca taraju ta' ma'.