Lucas 9:41 - Tradução Bíblica Pacaas Novos

⁴¹ Wa inuhu' me ac ca na Jeju. Wahu' pain ca wari' nuhu' pain oro xec nexi' ca', om ca howa camain' mahu'. Caracat tamana hwe ta. Pain pin paxi' na ca pe ho' xuhu' ca'. Je xi howa mahu' quem? Cain' cain' xita' quem? Ha' tara pain ca winim' cara xuhu' pain ca howa xim mahu' ra? Je i ma' ira, an qui' ron panxima ta ac con na cote ca.

Lucas 9:41 Iomraidhean Croise

Mateus 11:28

Tomi' ac tococwa na quem: Wahu' pain ca jam' ca' hwein oro ca jain jain nuhu' pain ca tama' tomi' ha' xun paxi' huhun co hu nunuhu' ma', ac ca an tiquin' hwein na carawa ca xite. Tomi' inuhu': Harahap je, wixicam xine me. To' wa pin ac tain tara xumuhu'.

Mateus 12:39

Wa inuhu' me ac tococwa na. Wahu' pain ca wari' nuhu' pain oro xec nexi' ca', caracat tamana hwe. Xi howa camain' hun Iri' Jam ta. Ara rain carawa ca to' querec pin' naparut pain ca pe ho' quem ca hwara' opa nucun Iri' Jam ma' mahu' ra? Om ta ara tain pahu'. Xica' pe tara Iri' Jam co ara tain nain. Ame hwe e', carawa ca ara ta' ca ca', an xiho' tarain carawa ca ara non profeta Jonas cara pane, co tomi' hwet nain capijacon pane.

Mateus 12:45

Hwet mao mami' ac ca na, o qui' 7 ac tococwa na oro win caxicon jam ca co om awi camain' nana ma'. Maji ta, corom to ho' xun co cwain co wara corom pe ho' ta' pane ac tococwa na, corom to ho' pin ac cocon na quem. Pan tem paxi' na caxicon jam co o pan nonon oro win caxicon jam ca ma', ane pan teretem tamana pan caca co o qui' ca ma' ne. Ximin tamana pin ac ca na wari' pain ca corom to ho' cocon ma' quem. Ca ma' xica' pe qui' con caxicon jam pane, amon ximin pije' paxi' na ira. Pain ca ma' mija pin cocon ma' iri na ne, ximin tamana pin ac ca na quem. Je ca tomi' xuhu' pain ca wari' nuhu' pain oro xec nexi' ca' ac tococwa na. Main ac i ma' turuhu' Caxicon Jam quem. Wara ximin paxi' hwe. Ame hwe e', main to' ximin mip pin turuhu'. Xi cwirin' hwein ca caracat tamana nuhu' pain ca om howa mahu' ta na ca tomi' cocon oro wari' Jeju pane.

Mateus 16:4

Wa inuhu' me ac tococwa na. Wahu' pain ca wari' nuhu' pain oro xec nexi' ca', caracat tamana hwe. Xi howa camain' hun Iri' Jam ta. Ara rain carawa ca to' querec pin' naparut pain ca pe ho' quem Iri' Jam ma' mahu' ra? Om ta ara tain pahu'. Xica' pe tara Iri' Jam co ara tain nain. Ame hwe e', carawa ca ara ta' ca ca', an xiho' tarain carawa ca ara non Jonas cara pane. Mao ta' ina ta ac tococwa na, mao ac ca na quem.

Mateus 17:17

Wa inuhu' me ac ca na Jeju. Wahu' pain ca wari' nuhu' pain oro xec nexi' ca', om ca howa camain' mahu'. Caracat tamana hwe ta. Pain pin paxi' na ca pe ho' xuhu' ca'. Je xi howa mahu' quem? Cain' cain' xita' quem? Ha' tara pain ca winim' cara xuhu' pain ca howa xim mahu' ra? Je i ma' ira, an qui' ron pije' ma' ta ac ca na.

Mateus 23:36

Je ca tomi' xuhu' ca', tomi' iri'o' inuhu' ta ac tococwa na. Wap turuhu' Iri' Jam ta, wap turuhu' pain ca wari' nuhu' pain xocori ca'. Xi om ne ca pan teretem tamana ara caca oro hwanana nuhu' pane ta na ca tomi' tococwa pain ca pan to' cain taraxicocon.

Mateus 3:7

Mija nana oro fariseu cocon oro saduceu co hwet nonon João ma'. Ma' ta ja' capari' pain com ta nana. Querec iri nonon João pain ca maqui' nucucun ma' ne, tomi' ac cocon na: He! Ja' xi' com hwe ra oro caxicon em', ac i ma' na ca tomi' tococwa ma'. Witan ca' xin hwein ca mana' tamana nucun Iri' Jam ra? Ma' co jein ca' jun nuhu' ma' quem?

Marcos 10:14

Querec iri nonon co taxipa' ca Jeju ne, pain ca tomi' in pin cacam ma', om ca hohot con. Mana' ac tococwa na. Ta narain ho' hwehwem pain ca hwet cacapa' hwijima' cwa' me ta. Ta tomi' in pin hwehwem me ta. Oro wari' co an xiho' nanam pain ca om xec xec nequequem ma', pain ca howa cacapa' ma', wiricoco tatara co taramaxicon pe ho' ca Iri' Jam ta.

Marcos 10:49

Xat ac ca na Jeju. Hap ra ta jun ta ac tococwa na. Tomi' ac cocon na: Hwara' opa ra e'. Tequi' pe ra ta. Hap ra nem Jeju ta nonon.

Marcos 9:19

Wa inuhu' me ac ca na Jeju. Wahu' pain ca wari' nuhu' pain oro xec nexi' ca', om ca howa camain' mahu'. Pain pin paxi' na ca pe ho' xuhu' ca'. Je xi howa mahu' quem? Cain' cain' xita' quem? Ha' tara pain ca winim' cara xuhu' pain ca howa xim mahu' ra? Je i ma' ira, an qui' ron pije' ma' ta ac ca na.

Lucas 8:25

Para om howa mahu' quem ac tococwa na. Jin' tamana nana ta. Wa wa nonon quem. Cain' cain' ca co cwa' ne ta? Tomi' ha' ximao non oro carawa ra? Tomi' mip iri nain hotowa pain com ne, tomi' ha' ac con na quem na ca tomi' xucucun.

Lucas 9:40

Tomi' mo pin jun caxicon jam nucun paxi' inonon co taxipa' ma cwa'. Ane om ha' cocon ne na ca tomi' con ma'.

Lucas 9:42

Pain ca hwet ton ca pije' ma', xin mi' non pain macan' caxicon jam nucun. Pa' ac con na tamanain. Ane tomi' in pin pan con caxicon jam Jeju ne. Hwet ca' ron ta non, quep xio pin ac con na pije' ma'. Mon cwa' panxima cwa' ta ac con na cote ca quem.

João 14:9

Cain' cain' xima quem Filipe ac ca na Jeju. Pain cara pane ca pe ho' xuhu' ca'. Om ca querec pin' querec mapa' ra? Wari' co querec napa', querec ac con na Te. Para an hwet mi' xut con Cote ma mapa' ma' quem?

João 20:27

Tomi' pan ac con na Tomé Jeju: Noro rain mu ca' Tomé. Quep rain manain jami prego pain mu ca'. Quep rain curu pain ca xucun' tape ac cacapa' ca' quem. Tara pum ta'a maho' ra e'. Howa ra ta na ca tomi' con ma'.

Atos 13:18

Tan' mama' iri nanain mahweri ne, xuruxut ximama' ac caca na. Ac ca ma' 40 ne na cawaxi' pain ca xuruxut ximama' cacain mahweri pane. Wijimi paxi' nonon Iri' Jam quem, ane om an to pan tococwa pane ne. Querec wet querec wet tata pane.

Atos 2:40

Mija na ca tomi' mip cocon ma'. Hu tamana nonon. Howa jun Jeju, ma' ta witan hwe, ma' ta om win wap cuhu' cocon oro caracat co em' tamana nana pain oro xec nexi' ca' na pain ca hu cocon ma'.

Romanos 2:4

Wa inem me. Ac ca coromicat ca' ma na: Xiram pa' tamana napa' Iri' Jam ta. Winim' cara napa'. Om ta wap hap capa', ac i ma' tara ca coromicat pan tem nem ra? Cain' cain' xima quem? Winim' cara paxi' nem. Je xi querec pin' mon pain ca awi nucun pain ca om wap hap quem ma' quem? Xiram pa' e' nem. Ma' ta cwirin' pin ma ta nem.

Hebreus 3:19

Je ca taxi' xuxun pain ca om tan' mama' ac caca pane. Xi howa je na caca ta.

Hebreus 4:11

Je ca tomi' xuhu' ca'. Howa xun Iri' Jam, jain jain xun, ma' ta mi' capari' pain ca xao to wa xin ximixi' ta. Ma' ta om ma' camain' ca win ma' nexi' co pan' mao ma', pain ca om tomi' ha' nucun ma'. Noro jujun oro hwanana nexi' co om tomi' ha' je na nana pain cara pane. Om ta an xiho' xuxun ta.

Hebreus 4:2

Taraju ara xi' irin capijacon Iri' Jam pain ca to' witan xuhu' ta capari' quem. Win caca oro hwanana nexi' pane. Taraju paxi' nanain, ane om howa cacain ne. Je ca om ja' tomi' querec te ac tococwa pain oro ca taraju cacain pane.

Hebreus 7:25

Je ca ha' con pain ca to' witan cara capari' pain ca to' wixicam pin capari' con Iri' Jam. To' witan cara napari', xi e' cara pan ara ca ta. Ma' ta tomi' mi' xuhu' con Te ta napari'.