Lucas 9:35 - Tradução Bíblica Pacaas Novos

³⁵ Taraju ac cacain na ca tomi' wa ma', ca maqui' nain nanawin ma'. Mon cwa' Panxita' co tora' ta' cwa'. Taraju wet jun ta na ca tomi' nucun.

Lucas 9:35 Iomraidhean Croise

Mateus 12:18

Noro jun wari' ne co tora' ta' cwa', co taramaja mi' napa' cwa'. Om ca noc ton. Hohot tamana napa'. Mi' ton pain Tamatara. Pijim' totoron oro wari' pain oro xijein macan'. Oro wari' co om judeu nana ma', tomi' hwet pan ac tococwa tara pain ca ara xo' ne ca', pain ca main wap ton toton oro wari' co pan teretem nana ma'.

Mateus 3:17

Tomi' pan ac con na Iri' Jam. Maqui' nain pawin ca tomi' nucun. Mon cwa' panxita' co om noc camain' ta' cwa'. Hohot tamana napa' ta na ca tomi' con ma'.

Marcos 1:11

Tomi' pan ac con na Iri' Jam. Maqui' nain pawin ca tomi' nucun. Panxita' inem ta arain non. Om ca noc camain' xim. Hohot tamana mapa' ta na ca tomi' con ma'.

Lucas 3:22

Quiji' hwet ac con na Tamataracon Iri' Jam. Ac xucu' na cwerein. Tomi' pan ac con na Iri' Jam. Maqui' nain pawin ca tomi' nucun. Panxita' inem ta arain non. Om ca noc camain' xim. Hohot tamana mapa' ta na ca tomi' con ma'.

Lucas 9:34

Tomi' tomi' wet na Pedro ma', hwet qui' ac ne na tajain nanawin, tatep pa' ac tococwa na quem. Tatep pa' iri tata ne, jin' pin ac caca na.

João 12:28

An hwet pe rain ca hwara' opa nem pain ca awi tamana nem ta Te ac ca na quem. Taraju ac urut pain na ca tomi' wa ma'. Maqui' nain pawin. Wara an hwet pe inain ca hwara' opa ne pain ca awi tamana ne ca' na. An hwet pe mami' ac tain tara quem. Ac i ma' na ca tomi' wa ca maqui' nain pawin.

João 3:16

Xi noc cuhu' Te Iri' Jam ta ac con na. Om ca noc camain' cuhu' pain ca wari' nuhu' ma'. Je ca tomi' ca' cuhu' pata': Mi' xuhu' con Panxita' co xica' xat cwa'. Ma' ta om mama' cacain cote ne xe oro wari' co howa nonon ta nuhu' pata'. Ma' ta e' cara caca nuhu', ma' ta to ho' to ho' xam' cacapa' ta nuhu'.

Hebreus 2:3

Je ca tomi' xuhu' ca'. Mo ta miri'om xun Jeju pain ca to' witan pin xim capari', ma' tara ca witan ac iri' ra? Wirico Taramaxicon nexi' pan ara xi' na co pijim' hwet cain' nonon pain oro wari' ca to' witan pin xun wawa pane, tomi' hwet ac cacapari' pain na oro co taraju nonon. Iri'o' na ca tomi' nucun ta nanapari'.

Hebreus 3:15

Je ca xirao' an pe ca' xine pain capijacon Iri' Jam: Mo ta taraju hun Iri' Jam pain ca tomi' cuhu' pain xec ca', tomi' ha' ac hun tara, ta opain ne xumuhu' me. Ta an xiho' huhun oro hwanana nuhu' co ari qui' nonon pane. Ac i ma' na ca tomi' cocon hwanana nuhu' Iri' Jam pane na ca xirao' an pe xine pain capijacon ma'.

Hebreus 5:9

Pi' pin iri na ca taramaja nucun ca ara ra con Cote ca ne, pain ca hohot pin mapa' ta con ma', ha' pin ac con na pain ca to' witan cara tococwa oro co tomi' ha' nonon.