Lucas 9:33 - Tradução Bíblica Pacaas Novos

³³ In mama' xi' iri nana ne, tomi' ac con na Jeju Pedro. Awi na pain ca to xin i ca' quem Taramaxicon co ca' na taxipa' capijacon Iri' Jam. Quep 3 xut pain wijimain xirim. Mene rain wirain. Mene tarain wirain Moisés ma'. Mene tarain wirain Elias ma' quem na ca tomi' nucun. (Tomi' ximao na Pedro, xi coromicat xo' ca ta.)

Lucas 9:33 Iomraidhean Croise

Mateus 17:14

In hwet iri nanaparut pain ca to to wet urut pain xiquijinain pacun ma' ne, wara cut in tamana xucucun oro wari'. Xut hwet ac con na Jeju wari' ma'. Pe torotop mi' ac con na.

Mateus 17:4

Tomi' ac con na Jeju Pedro: Awi na pain ca to xin i ca' quem Taramaxicon ne. Mo ta param mapa' pain ca quep mi' xuhu' pain wijimain xirim, quep 3 ac tain tara. Mene rain wirain, mene tarain wirain Moisés ma', mene tarain wirain Elias ma' quem na ca tomi' nucun.

Marcos 10:38

Xi taxi' hwein carawa ca wajim' mahu' ta ac tococwa na. Jain jain tamana ta' pain ca quep em' xim cacapa' oro wari' je pain ca to' pa' pin xim cacapa' quem. Ha' turuhu' pain ca jain jain xiho' ac i ma' mahu' quem na ca tomi' tococwa ma'.

Lucas 5:5

Xin towa urut pain caji wi nuxut quem Taramaxicon co ca' na taxipa' capijacon Iri' Jam ac con na Simão. Mija urut, xec pa' e' naparut pain ca xin xin urut pain caji wi. Om ca cut camain' urut con hwam ta non. Ane tomi' pan ma ma' ne. Xin mao ta' pain com caji wi ta ac con na.

Lucas 9:34

Tomi' tomi' wet na Pedro ma', hwet qui' ac ne na tajain nanawin, tatep pa' ac tococwa na quem. Tatep pa' iri tata ne, jin' pin ac caca na.

Lucas 9:49

Tomi' ac con na Jeju João: Taramaxicon co ca' na taxipa' capijacon Iri' Jam. Querec urut con wari' co tomi' jein pin nonon oro caxicon jam. Wirico Jeju co tomi' jein pin roron ta napa' cocon ta na. Tomi' in pin paxi' urut con, xi win ma' ne capari' ta na ca tomi' con ma'.

João 14:8

Taramaxicon ne ac ca na Filipe. An hwet mi' xut con Cote ma quem. Je ca param urut ca', om na xijein carawa ca param urut ca' na ca tomi' con ma'.

2 Coríntios 4:6

Xi toha mi' ara caparut pain iri' xumuxut Iri' Jam ta. Win ca pain ca xo' tomi' qui' cain ca jitacat nein xim pain ca toha pin ra ta qui' cain xec pain cara pane. Ac i ma' naparut quem, ac ca toha mi' caparut na pain ca toc meremem nucun pain xumuxut pain ca coromicat nuxut. Ma' ta querec pin' hwein ca hwara' opa ne ca toc meremem pe nain tocon Cristo ta naparut.