Lucas 9:3 - Tradução Bíblica Pacaas Novos

³ Tomi' xo' mam' ac tococwa na. Ta cut hwein oro caramajuhu' me. Pana ca mam' pan xu wa ma', je caji coco ca mam' cut wa carawa ma', je carawa ca cao' wa ma', je dinheiro ma', ta cut hwein me ta. Ta cut tocwan hun wom quem me.

Lucas 9:3 Iomraidhean Croise

Marcos 6:7

Harahap je, tomi' xuhu' ta ac tococwa na co taxipa' ca ma', co ma' 12 nana ma'. Wawaran mama' je pain oro xijein macan' ta ac tococwa na. Mama' 2 mama' 2 xam' je pain ca hwet xun huhun oro wari' ma', pain ca cwirin' jein ca caracat nuhu' ta huhun ma'. Mi' inuhu' pain ca tomi' jein pin huhun oro caxicon jam ta na ca tomi' tococwa ma'.

Lucas 12:22

Tomi' ac tococwa na co taxipa' ca ma': Je ca tomi' xuhu' ca', ta toron ne xumuhu' pain ca ma' xirapa' na hwein oro caramaji macan' ca to' e' nuhu' me, je carawa ca cao' xi' hwe, wirico wom co to xi' hwe ma' quem, ta toron ne xumuhu' pain me.

Lucas 12:28

To' awi tamana paxi' nain hwijein pana Iri' Jam ma', ane om e' cara ne ne. Awi nain xec ca', xec cono' pin ac ne na, tom pin ac xine na quem. Ane querec wet cain Iri' Jam ne, to' awi tamana nain. Je ca tomi' xuhu' ca': Om ta querec wet mip cuhu' quem ra? Om ta mi' cuhu' con wom quem ra? Ac ca om howa mip hun a xira.

Lucas 22:35

Cain' cain' ne quem? Tomi' querec xuhu' ta ac tococwa na. Pijim' mama' jein pira iri inuhu' pane ne, tomi' ac xuhu' na: Ta cut hwein dinheiro me ta, ta cut hwein caji coco ca mam' cut wa carawa me ta, ta cut tocwan hwein caji caxim quem me ta, ac i ma' na ca tomi' xuhu' pane. Je ca tomi' querec xuhu' ca': Ma' na xec pain ca ximin hwe pane quem? Om ca tama' ma' cuhu' ca param hwe quem ra tata. Ma' naparut ta, om ca ximin camain' urut pane ac caca na.

Lucas 3:11

Om na, wari' co ma' 2 non iri' curucun wom ma' pahu', na e' na pain ca mi' con con xucun co om non wom. Ac i ma' tara wari' co ma' moin' non carawa ca cao' wa quem. Mi' toron pain xucun co om non carawa ta ac tococwa na.

Lucas 5:29

Cao' querec te wi xijexi' con Jeju ta ac ca na Levi ma', tomi' ac tococwa na oro wari' ma', co cut in taxipa' nanain oro imposto ma', ma' nana oro xucucun quem. Mija nana wari' co cao' to ho' nonon pain xiricon.

Lucas 9:4

Mo ta hwet hun wari' pain xiricon ma', mo ta pi'am to ho' xine pain xuru ca' cuhu' ma', to ho' ac hun tara. Om ta paca' hun, mon to wet mon to wet maqui' pa' ac cuhu' tara xec pain ca hwet xun huhun xucucun wari' pain xijein cidade.

2 Timóteo 2:4

Noro ron soldado pain ca taramaja nucun ma'. Miri'om nain oro ca ara pan nucucun co om soldado nana ma'. Ma' ta om to' i'ina capa' pain ca taramaja ne pain ca soldado ta' ca' na. Je ca win xumu e' cain ca taramaja nucun. Ma' ta tomi' querec te capa' taramaxicon ne ta na.