Lucas 9:19 - Tradução Bíblica Pacaas Novos

¹⁹ Om na, ma' nana co João co ja' taxipa' com cara pane xi' ma nenem ac cocon na. Ma' nana oro xucucun co profeta Elias cara pane xi' ma nenem. Oro xucucun ma' iri nana ne, om na, xucun profeta cara pane xi' ma nenem, wirico tara co e' mami' ta nenem ta na ca tomi' cocon ma'.

Lucas 9:19 Iomraidhean Croise

Mateus 14:2

Tomi' ac tococwa na oro wari' nucun co taramaja mi' e' nonon ma'. João co ja' taxipa' com pane ta. Wirico tara, e' mami' tara João co ja' taxipa' com pane! Je tara ca ha' con pain ca ara cain ca om ara taxi' ne ca wari' wa ta na ca tomi' nucun Herodes ma'.

Mateus 3:1

Pain pin iri na ne, maqui' ac ne na oro xec nein ca ja' taxipa' com João pane, pain ca pijim' pe cain mahweri pain Judeia pane.

Marcos 6:14

Taramaxicon Herodes ma', taraju ac cain na ca tomi' nucucun oro wari' pain ca tomi' hwet cacain oro ca ara ca Jeju. Xi taraju taraju pi' pin ara cocon ta. Ma' nana co tomi' ca' nana ma': Om na, wirico co cwa' João cara pane, co ja' taxipa' nonon pain com oro wari' pane. E' mami' na João cara pane. Je tara ca ha' con pain ca ara cain oro ca om ara taxi' ne ca wari' wa ta, ac i ma' na ca tomi' caca ma'.

Marcos 6:15

Om na, wirico co cwa' Elias cara pane ac caca na oro xucucun ma'. Oro xucucun ma' iri nana ne, om na, xucun profeta tara, win caca oro profeta cara pane ta nana.

Lucas 9:18

Maqui' ac ne na xec nein ca tomi' con Cote ca Jeju ma'. Xica' pe na, ma' e' nana co taxipa' ca co to ho' nonon ma'. Om nonon xucun wari'. Tomi' querec ac tococwa na: Om ta cain' ca wari' ca ne cacapa' oro wari' ra? Cain' ca coromicat mi' cacapa' pain ca Iri' Wari' ta' ca' quem na ca tomi' tococwa ma'.

Lucas 9:20

Wahu' quem? Cain' ca coromicat mi' pan mahu' ma' quem ac tococwa na. Wum co Cristo ta ac con na Pedro.

João 1:21

Tomi' querec mami' ac cocon na: Cain' ca wari' ma quem? Wum tara co profeta Elias cara pane? Wum tara co wara tomi' pe caca oro profeta pain ca main in qui' tarain macan' ta caca pane ra? Om na, om ca Elias ta' quem ac ca na. Wum co profeta co wara tomi' pe ca Iri' Jam ra? Om na quem ac ca na.

João 1:25

Tomi' querec ac cocon na João: Para ja' momon pain com oro wari' ma' quem? Win ne ca tomi' ma ma': Om ca wata' ne co Cristo ma', ac i ma' na ca tomi' ma ma'. Om ca Elias ta' ma, om ca profeta ta' ma quem, ac i ma' na ca tomi' nem ta nonon.

João 7:40

Oro wari' co taraju nonon Jeju pain ca tomi' ca ma', ma' nana co tomi' ca' nana: Wirico co cwa' profeta co winim' iri' cwa' ira nana.

João 9:17

Tomi' querec mami' ac cocon na: To' querec pin' napa' pain tucu ta mon. Cain' ca coromicat mi' mon quem nonon. Profeta na ta ac ca na.