Lucas 9:16 - Tradução Bíblica Pacaas Novos

¹⁶ Cut ac cain na capam' ca ma' 5 ma', wirico hwam co ma' 2 ma' quem. Cut iri nain ne, noro pawin ac ca na, tomi' ac con na Iri' Jam. Tomi' querec te urut pum pain ca mi' maparut pain capam' con hwam cwa' quem Te non, jicaracat ac cain na, cut mi' ac tococwa pain na co taxipa' ca ma'. Maxiram' mi' jujun pain oro wari' ta ac tococwa na.

Lucas 9:16 Iomraidhean Croise

Mateus 14:19

Xao to jein tononoin ma' ac tococwa na oro wari' ma'. Cut ac cain na capam' ca ma' 5 ma', wirico hwam co ma' 2 ma' quem. Cut iri nain ne, noro pawin ac ca na, tomi' ac con na Iri' Jam. Tomi' querec te urut pum pain ca mi' maparut pain capam' con hwam cwa' quem Te non, jicaracat ac cain na capam', cut mi' ac caparut pain na. Cut mi' ac caparut na con hwam quem. Maxiram' mi' ac urut cocon pain na oro wari'.

Mateus 15:36

Cut pin iri nain capam' ca ma' 7 ma' ne, wirico hwam ma' quem, tomi' ac con na Iri' Jam: Tomi' querec te urut pum pain ca mi' maparut pain capam' con hwam cwa' quem Te non, jicaracat ac cain na, cut mi' ac caparut pain na pain ca taxipa' urut con ca'. Maxiram' mi' ac urut cocon pain na oro wari' ma' quem.

Marcos 7:34

Noro pawin ac ca na, wereme to ac ca na pain ca xiram pa' con ma'. Efatá ac ca na, je ca tomi' ca pain capijacocon oro judeu. Pain ca Efatá ca ma', taraju ho' ra ta na ca tomi' mao nein ca tomi' nucun.

Lucas 22:19

An iri nain capam' ne, tomi' ac con na Iri' Jam: Tomi' querec te urut pum pain ca mi' maparut pain capam' ca' quem Te non, jicat caracan ac cain na, mi' ac tococwa pain na. Capam' ca', an xiho' nain cwere ta ac tococwa na. Om ca narain ho' xuhu' pain. Cao' jein, tama' ara cara jein, ma' ta mam' pe wet mahu' pain ca mi' pin caho' xim xuhu' ca' inuhu' ta ac tococwa na.

Lucas 24:30

Xao to ho' iri xucucun pain pana ca mam' cao' to wa ne, an ac cain na capam' Jeju, tomi' ac con na Cote ca: Tomi' querec te urut pum pain ca mi' maparut pain capam' ca' Te ac ca na, jicat ac cain na, mi' ac tococwa pain na quem.

Lucas 9:15

Ara ac cacain na co taxipa' ca ma', xao to xao to pi' pin ac caca na oro wari'.

Lucas 9:17

Cao' cao' xam' ac caca na. Ma'am ca' nanain, ma'am ma'am pi' pin nana. Pan cut xin pawirinain ta ac caca na co taxipa' ca ma', cut ho' cut ho' ac cacain na pain coco. Moin' 12 na cotain cocon.

João 6:11

Cut ac cain na capam' Jeju. Tomi' ac con na Iri' Jam: Tomi' querec te urut pum pain ca mi' maparut pain capam' ca' quem Te non, maxiram' mi' ac tococwa pain na co xao to nanain i ma'. Ac i ma' na con hwam quem. Cao' cao' ma'am ac caca na.

João 6:23

Ma' ac ne na oro wirain mam' horoho wa ca maqui' nain Tiberíades ma' quem. Piri' to xin i ma' ta ac caca na oro wari' nein, piri' to ja' pan ac cacain na ca cao' to cacain capam' oro wari' cara ne, ca tomi' pe qui' con Iri' Jam pain ca tomi' querec te urut pum pain capam' ca' quem Te qui' ca pane.

Atos 27:35

Tomi' ac i ma' iri naparut ne, an ac cain na capam', tomi' ac con na Iri' Jam. Tomi' querec te inem pain ca mi' maparut pain capam' ca' Te Iri' Jam ac con na. Taraju taraju xam' urut con pain ca tomi' con Iri' Jam quem. Jicaracat pin iri nain ne, cao' ac ca na.

Romanos 14:6

Wari' co coromicat ni ma', pain ca ma' na xec ca awi tiquin' ca' nain oro xijein xec ta ca ma', mam' pe wet non Taramaxicon nexi' pain ca coromicat nucun. Wari' co cao' nain cwerein carawa ma' quem, mam' pe wet non Taramaxicon nexi' pain ca cao' nucun quem, xi om ne ca tomi' querec te ara con pain. Wari' co om cao' nain cwerein carawa ma' quem, mam' pe wet non Taramaxicon nexi' pain ca om cao' nucun, tomi' querec te ac con pain na quem.

1 Coríntios 10:30

Tomi' ca' ac ca tara quem: Je xi om tomi' em' capa' quem? Xi tomi' querec te pan ara ton Iri' Jam pain ca mi' capa' pain carawa ca cao' ta' ta' ca', ac i ma' paxi' tara ca tomi' nucun.

1 Coríntios 11:24

Tomi' ac con na Cote ca: Tomi' querec te urut pum pain ca mi' maparut pain capam' ca' quem Te iri non ne, jicat caracan ac cain na, tomi' ac cocon na quem: Capam' ca', an xiho' nain cwere ca'. Om ca narain ho' xuhu' pain. Cao' jein, tama' ara cara jein. Ma' ta mam' pe wet mahu' pain ca mi' pin caho' xim xuhu' ca' inuhu' ta na ca tomi' cocon pane.