Lucas 9:1 - Tradução Bíblica Pacaas Novos

¹ Tomi' cut in ac tococwa na co taxipa' ca ma', co ma' 12 nana ma'. Mi' inuhu' pain ca tomi' jein pin huhun oro caxicon jam, je pain ca quep xio pin huhun oro wari' co caxi nana ta ac tococwa na.

Lucas 9:1 Iomraidhean Croise

Mateus 16:19

To' taramaxicon pin toton cocon oro wari' co taramaxicon pe ho' ca Iri' Jam quem. Carawa ca tomi' caho' ma pain macan' ca', wara tomi' caho' nain Iri' Jam pain pawin cain. Carawa ca hohot na ta ma pain macan' ca', wara hohot na ta nain Iri' Jam pain pawin cain quem na ca tomi' con Pedro Jeju ma'.

Mateus 4:24

Taraju ac caca na oro wari' co to nanain pira pain oro xijein cidade pain Síria ma' quem. Quep xio nonon oro wari' Jeju ta na ca taraju nucucun. Je ca cut qui' cut qui' pi' pin tococwa oro wari' co caxi nana ma', co jain jain nana pain oro ca caxi tamana nucucun ma'. Mo nana: Co corom to ho' nonon caxicon jam ma', co pa' taxipa' nonon tamanain ma', co carama to nana ma', quep xio quep xio pi' pin ac tococwa na.

Mateus 8:9

Tomi' ha' terem ca caxi nucun ta, taxi' ina. Win ne ca tomi' ha' pan toton oro taramaxicon ne ca', ma' nana oro soldado ne co tomi' ha' nanapa' quem, je cwerein parut. Mao rain i cain inon xucun, mao ac ca na. Hap ra ta ac ton na xucun, hap ac ca na quem. Ara rain i ca' ac ton na wari' ne co taramaja mi' e' napa', ara ac cain na quem na ca tomi' con ma'.

Lucas 10:1

Om ca pain homa ne, tomi' xo' ac tococwa na oro xucucun co taxipa' ca ma'. Wirico Taramaxicon nexi' co tomi' xo' nonon. Ma' 72 nana co tomi' xo' ca ma': Main mao tain oro xijein cidade cain, mao tain oro ca to pan caca oro wari' ma' quem ac tococwa na. Wara mama' 2 mama' 2 xam' je, maqui' ta' pa'ao' ac tococwa na.

Lucas 10:19

Je ca tomi' xuhu' ca' ac tococwa na. Mi' inuhu' pain ca hwara' opa tiquin' ca' hwein oro carawa ca to' ara xim nuhu' ma'. Mo ta ac ca xom hun ne em' con cun ma', om ta to' ara cuhu'. Hwara' opa paxi' turuhu' Caxicon Jam ma' quem, ane ha' xim cuhu' pain ca to' quiji' pin hun ne. Om ta ha' camain' ne pain ca to' ara xihwe ta.

João 14:12

Je ca tomi' xuhu' ca', tomi' iri'o' inuhu': Mo ta howa mahu', ara ac hwein tara oro carawa ca an xiho' nain ca ara ta' ca'. Hwara' opa tiquin' tamana tara oro ca ara xi' hwe quem. Xi om ne ca hwet ton ara ton Te ta.

Atos 1:8

Na e' na pain ca taxi' hwein i ca' ta ac tococwa na. Maqui' pa' iri turuhu' Tamataracon Te ne, mi' ac cuhu' tara pain ca hwara' opa wa. Tomi' hwet ac mahu' tara cocon oro wari' ma', co to nanain Jerusalém ca', co to nanain oro xijein cidade pain Judeia ma', co to nanain oro xijein cidade pain Samaria ma', co to nanain oro xijein macan' pain pira ma' quem, tomi' hwet ac mahu' tara cocon ta. Ac i ma' na ca tomi' tococwa ma'.

Atos 3:16

Wirico Jeju co to' xio pin non wari' cwa'. Querec hun. Querec pin' hun quem. Awi pin na, xut pin na, xi om ne ca howa ara urut con Jeju ta. Querec querec xam' hun ma' ira tata.

Atos 4:30

An hwet rain ca hwara' opa nem quem. Ma' ta quep xio pin tococwa wari' co caxi nana. An hwet iri xut pain wixicon Jeju co win xumu nem pain ca tama' tomi' ha' quem ne, ara an hwet pe ac main tara oro ca hwara' opa nem quem. In ac ac quequem tara oro wari' quem, ac i ma' na ca tomi' cocon Iri' Jam pane.

Atos 9:34

Tomi' pan ac con na Pedro: Quep xio pin nem Jeju Cristo ta Eneias. Tequi' pe ra ta. An pe xo' rain witam ma' na ca tomi' con ma'. Tequi' pe hap pin ac ca na.