Lucas 8:52 - Tradução Bíblica Pacaas Novos

⁵² Awaran tamana nana oro wari' co to nanain i ma'. Ta awaran hwe me ta ac tococwa na. Om ca mi' pin cama. Pi'am e' na, ac i ma' na ca tomi' tococwa ma'.

Lucas 8:52 Iomraidhean Croise

Mateus 11:17

On mi' paxi' urut pahu' pain xuwiwio' ca', ane om pi' xirao' hwe ne, ac i ma' na ca merem nucucun hwijima'. Merem ac xucucun na quem: Awaran waraju xi' paxi' urut pahu' pain ca ac ca mi' pin ca ne win ma' nexi' cwa' urut pahu', ane om awaran hwe ne. Ac i ma' na ca merem nucucun oro hwijima' pain ca om ha' xucucun pain ca waraju nucucun.

Lucas 23:27

Mija nana wari' co ja' ja' nonon ma'. Ma' nana oro narima' co ja' ja' nonon quem, awaran tamana nana con Jeju.

Lucas 23:48

Oro wari' co cut in nana ma', pain ca querec xuxun pain ca tatatain mi' tococwa pain pana caca ma', querec iri nanain carawa ca ara non Jeju ne, wap wap ac cacain na quimacocon pain ca tomi' xaxa' tamana nucucun. In mama' ac caca na.

Lucas 8:51

Hwet pin iri nanain xiricon Jairo ne, corom xi' e' ac tococwa na co taxipa' ca ma', wirico Pedro con João con Tiago ma'. Wirico cote cama pije', wiricam jicam ma' quem, corom hwet xim e' ac cacam na quem. Narain ho' tata pain ca corom wa oro xucucun wari' co ja' ja' nonon ma'.

Lucas 8:53

Tatam' tatam' pi' pin ac cocon na, tomi' ximama' nonon quem. Xi taxi' ara cacam pain ca mi' pin cama ta.

João 11:4

Taraju iri nain i ma' Jeju ne, tomi' ac ca na: Caxi paxi' na Lázaro, ane om mi' pin ta' ca pain ne. Caxi e' na. Ma' ta querec pin' cacapa' pain ca hwara' opa ne oro wari' ta na Te Iri' Jam. Ma' ta querec pin' quequem pain ca hwara' opa nem quem napa' pain ca Panxita' capa' ta na.