Lucas 8:50 - Tradução Bíblica Pacaas Novos

⁵⁰ Taraju na Jeju ma'. Tomi' ac con na Jairo: Ta jin' ma me ta. Howa e' ne pain ca quep xio taxi' tam ca'. Xio pin ac cama tara ta non.

Lucas 8:50 Iomraidhean Croise

Marcos 5:36

Taraju nonon Jeju quem, taraju paxi' nonon pain ca tomi' nucucun ma', ane miri'om cocon ne. Tomi' ac con na Jairo: Ta jin' ma me. Howa e' ne pain ca quep xio taxi' tam ta non.

Marcos 9:23

Mo ta ha' quem mapa' ra ac con na. Cain' cain' xima quem? Om na carawa ca tanacam' napa' pain ca howa mapa' ta na ca tomi' con ma'.

Lucas 8:48

Tomi' ac cam na Jeju: Xio pin ma ta arain, xi om ne ca howa ara mapa' pain ca quep xio taxi' ta' ca' nam. In mao ra. Ta toron mami' ne xumum me ta na ca tomi' cam ma'.

Lucas 8:51

Hwet pin iri nanain xiricon Jairo ne, corom xi' e' ac tococwa na co taxipa' ca ma', wirico Pedro con João con Tiago ma'. Wirico cote cama pije', wiricam jicam ma' quem, corom hwet xim e' ac cacam na quem. Narain ho' tata pain ca corom wa oro xucucun wari' co ja' ja' nonon ma'.

João 11:25

Om na ta Marta ac cam na. Wata' co mi' nain ca e' mami' wa. Wata' co mi' nain ca e' cara wa. Wari' co howa napa', e' ac ca tara. Mi' pin paxi' tara, e' cara tara pain pawin ta.

João 11:40

Tomi' ac cam na: Cain' cain' xima quem? Tomi' xim ne ira. Mo ta howa mapa', querec ac main tara ca hwara' opa nucun Te Iri' Jam xim ne ira nam.

Romanos 4:17

Win ne ca xirao' pe xine pain capijacon Iri' Jam con Abraão pane. Ca' na con pane: Hwanana ne hwanana ne pi' pin teterem oro xucucun wari' pain oro xijein macan' ta, ac i ma' non pane. Je ca tomi' xuhu' ca'. Hwanana ne hun Abraão ma' ira napari' Iri' Jam co howa ca Abraão cara pane, co to' e' taxi' nonon co cono' nana ma' quem, xi wirico ara ne co tomi' ma' pin taxi' nain oro carawa ca om wara ma' ma'.

Romanos 4:20

Howa cara non Iri' Jam. Om ca tara ta'a camain' con. Howa howa, hwara' opa pin ac ca na. In ac tamana non quem. Awi tamana ma ta Iri' Jam, om ca an in taxi' main capijam, hwara' opa tamana ma, ac i ma' non pain ca tomi' querec te nucun pane.