Lucas 8:5 - Tradução Bíblica Pacaas Novos

⁵ Wixicaracao' tain tocwi trigo pain tota ta ac ca na. Wixicaracao' wixicaracao', ma' ac ne na tocwi trigo ca camara' to nain cacarain wana. Xom pin ac xine na, itac pin ac nein na oro wijimain me quem.

Lucas 8:5 Iomraidhean Croise

Mateus 13:37

Tomi' xo' ac caparut na: Wari' co wixicaracao' nain tocwi trigo ca awi ma', tomi' joc mam' mi' napa' pain ca Iri' Wari' ta' ca'.

Mateus 5:13

Wahu' pain ca howa mahu' ma', ac sal hwe cocon oro wari' pain macan' ca' ac tococwa na. Noro jein sal ma'. Mo ta wita wita om ne sal ma', mo ta camain' pin ne. Cain' xi wita mami' ne quem? Wita mami' tara ra? Om na, om ca wita mami' ne. Wixicao' pin e' ta, xom pin ac cacain na oro wari' co xuruxut in nana ma'.

Marcos 4:15

Tocwi trigo ma', ca camara' to nain cacarain wana ma', tomi' joc mam' mi' nain capijacon Iri' Jam. Carawa ca ara nain pain ca itac pin nein oro wijimain me ma', tomi' joc mam' mi' nain carawa ca ara nonon oro wari' co taraju paxi' nanain capijacon Iri' Jam. Taraju iri nanain ne, maqui' hap ac ca na Caxicon Jam, cut ca' ac tococwa na pain capijacon Iri' Jam ca wixicaracao' mi' wa pain ximicocon.

Lucas 8:4

Mija nana wari' co hwet nonon Jeju pane. Om ca paric camain' caca. Maqui' nanain oro xijein cidade. Pijim' joc mam' mi' ac tococwa na con wari' co wixicaracao' nain tocwi trigo pain totacon.

Lucas 8:6

Ma' ac ne na tocwi trigo ca camara' to nain pacun quem. Orot pin iri na ne, cono' pin ac ne na, xi xo' camain' ne wijimain macan' pain pacun ta.

Hebreus 2:1

Hwara' opa tamana pan na Taramaxicon nexi' Jeju Cristo. Je ca na e' ne pain ca taraju wet xin ca tomi' nucun ca taraju iri' ca'. Ma' ta om aram aram an pe pin xin quem.