Lucas 8:43 - Tradução Bíblica Pacaas Novos

⁴³ Pe nain i ma' narima' co ao tamana ma' quem. Ma' 12 na cawaxi' pain ca ao tamana cama. Pi' ca' paxi' nam dinheiro pain ca pagar cocon oro doutor ma', ane om aramao xio taxi' cacam ne.

Lucas 8:43 Iomraidhean Croise

Marcos 12:44

Oro xucucun wari' ma', mi' hwara' paxi' nanain dinheiro nucucun. Ane pe ho' cara cocon oro wirain ne. Narima' co mi' ca' nam taxicam ma' iri na ne, om paxi' nam carawa. Ane mi' mi' pi' pin camain wijimain dinheiro ca pe ho' nam ne. Om pin nam dinheiro ca mam' cut cama carawa ca cao' cama na ca tomi' tococwa ma'.

Marcos 9:18

Quep iri non ne, xin mi' ac con na pain macan'. Toroto ac ne na morocacon pain capijacon, cacacao' tamana ac cain na xicon, xao pin ac ne na curucun quem. Tomi' mo pin jun caxicon jam nucun paxi' inonon co taxipa' ma cwa'. Ane om ha' cocon ne na ca tomi' con ma'.

Lucas 13:11

Pe nain i ma' narima' co corom pe ho' nam caxicon jam ma'. To' caxi nam. Wara pain na ca caxi cama con, ma' 18 pin na cawaxi' pain ca to' caxi cam pane. Xone na, om ca xut tequi' pe ac cama.

Lucas 13:16

Je ca tomi' xuhu' ca' ac tococwa na. Na e' na pain ca quep xio pin tacama narima' cwa', co hwanana ne non Abraão cara pane. Ac ca pao' pe cam na Caxicon Jam pane. Wara pain pin na cam, ma' 18 pin na cawaxi' pain ca pao' pe cam pane. Om ca na ne pain ca tacom' ca' tacama con Caxicon Jam pain sábado ca' ra? Na ne ma' ira! Ac i ma' na ca tomi' tococwa ma'.

Lucas 8:27

Piri' mao iri na Jeju ne, hwet qui' ac ca na wari' co corom to ho' nonon oro caxicon jam. Win ma' ne paxi' nonon oro wari' nein cidade ma', ane pe ximao pan ca ne. Wara pain na ca om pe mami' ca wom. Om ca pe cain xirim, pe taxipa' nain oro manain pacun ca cut corom to tococwa co cono' nana ma'. Querec iri non Jeju ne, merem ac ca na, xut cam' ac con na, pe torotop mi' ac con na pain caximacon. Merem mip na. Cain' cain' xim mapa' quem Jeju Panxica Iri' Jam co Iri' Taramaxicon pan? Ta quep em' mapa' me ta, tomi' mip inem ta na ca merem mip con ma'.

Lucas 8:42

Hap ra non Jeju, xi caxi ara cama panxica ta. Xica' pe na panxica, om na xerequem. Ac ca ma' 12 ne na cawaxi' nequem. Mi' pin ta' na ira. Je ca ja' ja' ne pain xuru con Jeju ma'. Ma ac ca na, hwet ac con na quem. Mija nana wari' co ja' ja' nonon pain wana ma'. Xao xao tamana nonon.

Lucas 8:44

Hwet ac con na Jeju pain waracon, quep ac camain na cacaracon womicon. Ane ane ao ximao ao ximao om pin ac cama na ta.

João 9:1

Maji ta ac caparut na Jeju ma', xuruxut mama' ac urut na. Querec ac con na wari' Jeju. Wara om na tocon pain ca xo' pan' nucun pane.

João 9:21

Ane om taxi' urut con pain ca querec pin' ca pain xocori ca' ne. Om ca taxi' urut con co quep xio pin non quem. Ho' tarama' pin na, taxi' pan xucun. Je xi tomi' querec pan hun quem? Tomi' xo' pan turuhu' pain ac cocon na.

Atos 3:2

Hwet xin iri nanain ne, wara an mamam' nonon wari' co carama pe ma'. Wara carama pe qui' nain ca xo' pan' qui' nucun pain ca pije' nucun. An mamam' an mamam', wara ca' na cote ne capijain manain xirim ca corom ac caca oro wari' ma', an terem' ac cocon na. Capijain Man Ca Awi ta na wixinain cote ne manain xirim ma'. Je curucucun pane, an mamam' an terem' taxipa' nonon pain i ma', pain oro xijein xec. Ma' ta xiram pa' xine, mi' xine pain dinheiro ta cocon oro wari' co corom xi' nana ma' nonon.

Atos 4:22

Xi wara hwana ara ca wari' co quep xio pin wa pain ca ara an hwet mi' tocwa pain ca hwara' opa nucun Jeju ta. Wara tiquin' ca' nain ca 40 ne cawaxi' nucun quem.