Lucas 8:42 - Tradução Bíblica Pacaas Novos

⁴² Hap ra non Jeju, xi caxi ara cama panxica ta. Xica' pe na panxica, om na xerequem. Ac ca ma' 12 ne na cawaxi' nequem. Mi' pin ta' na ira. Je ca ja' ja' ne pain xuru con Jeju ma'. Ma ac ca na, hwet ac con na quem. Mija nana wari' co ja' ja' nonon pain wana ma'. Xao xao tamana nonon.

Lucas 8:42 Iomraidhean Croise

Marcos 5:24

Ma ac ca na, hwet ac con na. Ja' ja' nonon oro wari' quem. Mija nana wari' ta. Om ca paric camain' caca. Xao xao tamana nonon.

Lucas 7:12

Hwet pin xin iri nanain cote ne man ca corom ac xine oro xirim ma' ne, wara an mamam' nanain pana ca an terem' pe tocwa co mi' pin ma'. An corom pe xin curucun pain manain pacun ta nana. Cawinacam narima' co wara mi' pin ca' nam taxicam na co mi' pin ma'. Xica' pe na cam, om na xucun cawinacam. Mija nana wari' nein cidade nequem co ja' ja' nanam quem. Om ca paric camain' caca.

Lucas 8:41

Maqui' ac ca na wari' co querec wet nonon oro win judeu ca pain xirim ca cut in to xucucun ma'. Jairo na wixicon. Xut hwet ac con na Jeju, pe torotop mi' ac con na pain caximacon. Tomi' ac con na, jain jain na pain ca tomi' mip con ma'. Hap ra, ja' ja' ne pain xuru me non.

Lucas 8:43

Pe nain i ma' narima' co ao tamana ma' quem. Ma' 12 na cawaxi' pain ca ao tamana cama. Pi' ca' paxi' nam dinheiro pain ca pagar cocon oro doutor ma', ane om aramao xio taxi' cacam ne.

Lucas 8:45

Ma' co quep napa' quem ac ca na Jeju. Om ina, om ca quep xim ta nana oro wari' ma', tomi' ac i ma' tomi' ac i ma' pi' pin nana. Je ca tomi' pan con Pedro ma': Cain' cain' xima quem Taramaxicon co ca' na taxipa' capijacon Iri' Jam? Mija nana wari' co xao xao nenem cwa' non.

Romanos 5:12

Je ca tomi' xuhu' ca': Pain ca xo' caracat qui' ca wari' co xica' xat cara pane, wirico Adão cara pane, je ca xo' ma' qui' ne ca caracat wa pain macan' ca'. Caracat iri na pane ne, je ca maqui' ne ca cono' pin wa ca'. Je ca cono' ne ca wari' wa ca'. Xi caracat caracat xam' ara iri' ta.