Lucas 8:39 - Tradução Bíblica Pacaas Novos

³⁹ Om na, in mao rain xurum, tomi' hwet roron oro wari' nem ma'. Tomi' hwet roron pain oro ca ara mi' quem Iri' Jam ca', pain ca quep xio pin quem ca' na ca tomi' con ma'. In mao ac ca na, tomi' hwet tomi' hwet pi' pin ac tococwa na oro wari' co to nanain cidade. Xiram pa' napa' Jeju ta, quep xio pin napa' ta na ca tomi' tococwa ma'.

Lucas 8:39 Iomraidhean Croise

Marcos 1:45

Ane om tomi' ha' ca ne. Paca' iri non ne, tomi' hwet pin ac tococwa na oro wari' pain ca quep xio pin con Jeju. Taraju taraju pi' pin nanain oro wari'. Je ca mao noc xa e' cain oro cidade Jeju. Mo mo pe mao paxi' na, xut mao e' nain ca om pe ca wari'. Ane jein hwet cara cocon oro wari' co maqui' nanain oro cidade ma' ne.

Marcos 5:18

Piton pe tain iri nain mam' horoho wa Jeju ne, hwet xim ta Jeju ac ca na co ma' co corom to ho' nonon caxicon jam pane.

Marcos 5:19

Om na ta ac con na Jeju. In mao rain xurum. In hwet roron oro ca nari nem ta. Tomi' hwet roron pain ca ara mi' quem Iri' Jam ca', pain ca quep xio pin quem ca', pain ca xiram pa' quem ca' na ca tomi' con ma'.

Lucas 8:38

Wari' co awi pin ma', xi om ne ca tomi' jein pin ara tococwa oro caxicon jam nucun ma', jain jain na, hwet xim ta paxi' non Jeju ma', ane tomi' in pin pan tocwa ne.

Lucas 8:40

Pan horoho in mama' ac cacain na xijein cacarain com Jeju cocon co taxipa' ca ma'. Piri' mama' iri nana ne, mija nana wari' co winim' nonon. Tomi' querec te nonon quem.

João 4:29

Harahap je. Querec jun wari' co tomi' hwet tomi' hwet pi' pin napa' pain oro carawa ca ara ta' pane. Om ta wirico ca co Messias ra na ca tomi' tococwa oro wari' ma'.

1 Timóteo 5:8

Wari' co miri'om nanam oro ca nari nucun ma', co om querec wet xo' camain' nanam mana panxica cam jicon con cote ca ma', ac ca an pe pin cain na capijacon Iri' Jam ca howa iri' ca'. Pan tem tiquin' ca' non wari' co om howa camain' non Cristo Jeju.