Lucas 8:32 - Tradução Bíblica Pacaas Novos

³² Cao' to nain i ma' caji mijac ma'. Mija na caji mijac. Iritocwinain ta. Cao' to nain ca tamaja ne macan'. Jain jain ac caca na oro caxicon jam co corom to ho' nonon wari' ma'. Mama' jein caji mijac ma' xut me. Ma' ta corom hwet urut pain ta na ca tomi' mip cocon Jeju. Mama' jein ta ac tococwa na.

Lucas 8:32 Iomraidhean Croise

Mateus 7:6

Ta pijim' mi' huhun pain capijacon Iri' Jam oro wari' co tomi' napat nanain pain ca om howa nucucun me ta ac tococwa na. Noro jein carawa ca awi ca an terem' mi' tocwa oromijac ma'. Mo ta an terem' mi' hun pain, xin in taqui' hwet ac cuhu' tara oromijac. Noro jein wijimain pacun ca awi tamana ma', pérola ma'. Mo ta wixicao' mi' xine pain caji mijac ma', xom tapiripit pin ac nein tara quem. Ac i ma' na ca tomi' tococwa ma'.

Lucas 8:31

Jain jain nana caxicon jam nucun ma', pain ca tomi' mip cocon Jeju ma'. Ta tomi' hwerehwet mama' maparut pain cote ne man ca om tawirinain cain, ca quep em' pe toton caparut Iri' Jam ta nonon.

Lucas 8:33

Hwerehwet ca' ac cocon na, corom hwet ac cacain na caji mijac ma'. Tamanain to pin ac ne na, jein quiji' mama' ac nein na ca tamaja ne macan' ma', jein jein, wara ca' na com ma', pan corom mama' ac ne na, cono' cono' pi' pin ac ne na quem.

João 19:11

Mo xi om mi' quem pain ca taramaxicon wa Te Iri' Jam ma', om xi na camain' quem pain ca ara mi' mapa' pain ca param nem ta ac con na. Je ca tomi' xim ca' taramaxicon ac con na. Co ma' co o mi' jun con Pilatos napa' pum, wirico co caracat tamana pan. Caracat tiquin' ca' nem ta non.

1João 4:4

Je ca tomi' xuhu' ca', pain ca ac ca mana panxita' xuhu' ne ca'. Wari' nucun Iri' Jam hwe ta. To' quiji' pin huhun oro co pijim' mixein nana ma'. Xi om ne ca hwara' opa ara ne Tamataracon Iri' Jam ca win cwere nuhu' ta. Hwara' opa tiquin' ca' non Caxicon Jam co win cwere nonon oro co om howa nonon Jeju ma'.

Apocalipse 20:7

Pi' pin iri tara ca 1.000 nein cawaxi' ne, pa hwet pin ac tocwa tara Satanás ma', pain ca tao' pa' pe tocwa pain cote ne man ca om tawirinain cain, pa hwet pin ac tocwa tara.