Lucas 8:3 - Tradução Bíblica Pacaas Novos

³ Ma' na Joana ma', manacon Cuza ma', co querec wet taxipa' nain caramaxicon taramaxicon Herodes pain xiricon. Ma' na Susana, ma' mija nana xequequem narima' co ja' ja' nonon Jeju quem. Xiram pa' nonon pane, mi' mi' nonon pain oro carawa pane.

Lucas 8:3 Iomraidhean Croise

Mateus 14:1

Om ca pain homa ne, taraju ac ca na taramaxicon Herodes ma', taraju nain oro ca tomi' hwet nucucun oro wari' con Jeju.

Mateus 14:3

Coromicat ac i ma' paxi' non Jeju Herodes ma', ane wara mi' pin ca João ne. Ca' na ca mi' pin nucun João pane. Herodes ma', an pin nam manacon coxa' ca ma', Filipe ma'. Herodias na wixicam. Je ca tomi' ho' tomi' ho' con Herodes João ma' quem. Tomi' caho' nem pain ca an wa manacon coxa' ma Iri' Jam ta non pain ca pan to' cain taraxicon. Quep jun ta ac tococwa na oro soldado nucun ma' quem. Quep jun, pao' pe jun, tao' pe jun pain xirinain ca tao' to tao' to to wa ta tata.

Mateus 14:6

Aram aram maqui' ac ne na xec nein ca mam' pe wet cacain ca pan' qui' nucun Herodes pane. Cut in ac xucucun na, wirico Herodes, wiricoco oro win ma' ca quem. Tomi' querec te xi' e' ac xucucun na, corom ac cama na cainacam Herodias ma'. Pi' xirao' in pi' xirao' in pe ac camain na ca xao to morojam' to caca ma'. Tomi' querec te tamana nam Herodes ma'.

Mateus 2:11

Xuruxut xuruxut, wara ca' na xirim ma', corom mama' ac caca na. Querec ac cocon na pije' cam jicon ma', Maria na. Pe torotop mi' querec te ac cocon na. Pa ac cacain na panaxicocon ca cut to cacain carawa nucucun ca awi tamana ma'. An hwet mi' ac cocon na pain carawa ca mi' querec te xun cocon ma'. Je ouro, je incenso, je mirra ma' quem, ac i ma' na oro carawa ca mi' querec te cocon Jeju pane.

Mateus 20:8

Irawin pin iri na ne, tomi' ac con na co querec wet taxipa' nain caramaxicon. Harahap je roron co taramaja to nanain tota ma'. Pagar roron pain ca taramaja nucucun. Pagar cain' roron co xo' tomi' ta' pain irawin ca' ne, pagar ac momon tara oro xucucun, aram aram hwet ac momon tara co wara tomi' cain' ta' pain xo' xec cara ne, pagar pi' pin ac momon tara quem na ca tomi' con ma'.

Mateus 25:40

Wata' pain ca Taramaxicon ta' ca', tomi' ac toton tara: Quep xiho' iri huhun oro wari' co howa nanapa' pane ne, co xere ta' pane, co om hwara' opa camain' nana pane, wata' pan ac ne na co quep xiho' hwe pane. Tomi' iri'o' inuhu' ta, ac i ma' tara ca tomi' toton ta.

Mateus 26:11

Tama' ma' ara xi' nunuhu' oro wari' co om nonon carawa. To ho' cara tuturuhu' pa'ao'. Ha' tuturuhu' pain ca tama' quep xiho' huhun quem. Wata' iri na ne, om ta pe ho' cara xuhu'.

Mateus 27:55

Mija nana oro narima' co noro pira nonon ma'. Wiricacam co wara ja' ja' qui' nonon Jeju pain Galileia pane, co quep xiho' nonon pane.

Lucas 24:10

Mo nana oro narima' co tomi' hwet nonon pain oro apóstolo ma': Ma' na Maria Madalena. Ma' na Joana. Ma' na Maria jicon Tiago. Ma' nana oro xequequem co ja' ja' nanam ma' quem.

João 12:6

Om paxi' na ca xiram pa' cocon co om nonon carawa Judas ma'. Tomi' ac i ma' e' na, xi om ne ca an noc xa taxipa' ara ca ta. Wirico ara xi' na co querec wet nain dinheiro nuxut, an noc xa wijimain an noc xa wijimain ac cain na quem.

Atos 13:1

Ma' nana wari' co cut in to xucucun pain Antioquia ma', pain ca howa cocon Jeju pane. Ma' nonon co tomi' hwet nanain xocori capijacon Iri' Jam ma', ma' nonon co ca' na nonon con Jeju quem. Mo nana: Barnabé ma'. Simeão co Níger na xijein wixicon ma'. Lúcio co maqui' nain Cirene ma'. Manaém co win ma' ne non taramaxicon Herodes pain ca hwijima' nucucun pane. Ma' na Saulo ma' quem.

2 Coríntios 8:9

Win ca Taramaxicon nexi' Jeju Cristo cwa'. Taxi' ara xi' hun pain ca xiram pa' tamana capari'. Caramaju tamana paxi' na pain ca hwara' opa tamana nucun pain ca taramaxicon nucun pane, je pain ca Iri' Jam nucun pane. Ane an pe pin tain pahu' ta capari' ne. An pe pin iri nain ne, wari' pin ac ca na, ximin pin ac ca na quem. Ma' ta to' caramaju pin xuhu' pain ca mi' xim xuhu' pain oro ca awi wa con Te ta napari'.

Filipenses 4:22

Oro wari' nucun Iri' Jam cwa', wiricoco co taramaja to nanain xiricon taramaxicon César ma' quem, mam' pe wet urut cocon ta nunuhu'.

1 Timóteo 5:10

Hohot e' na pain ca quep xiho' tacama narima' co wara querec pin' wa pain ca ara taxipa' camain oro ca awi wa pane. Mo na: Co wara querec wet querec wet horon pin nanam humaxicam pane. Co querec te taxipa' nonon co howa nana co maqui' nanain xijein xirim pane, co cao' to ho' xine, pi'am to jein xuru ca' nonon pane. Co xiram pa' taxipa' nonon co howa nana pain ca ara mi' e' cocon pain oro carawa ca param caca pane quem. Co quep xiho' taxipa' nonon oro wari' co i'ina nonon oro carawa pane quem. Co win xumu taxipa' nain oro ca xiram pa' wa pain ca ara mi' cocon pain oro ca awi wa co howa nana pane quem. Mo ta xut xo' ac i ma' cama pain ca e' e' wet qui' ca taxicam pane, hohot ac ne tara pain ca quep xiho' tacama pain xocori ca'.