Lucas 8:21 - Tradução Bíblica Pacaas Novos

²¹ Tomi' pan ac ca na Jeju: Oro wari' co howa nanain capijacon Iri' Jam ma', co tomi' ha' nanain quem, wiricacam co na' ta' ta, wiricacam co xere ta' quem na ca tomi' ca ma'.

Lucas 8:21 Iomraidhean Croise

Mateus 17:5

Tomi' tomi' wet na Pedro ma', hwet qui' ac ne na tajain nanawin ca toc meremem tamana. Tatep pa' ac tococwa na. Taraju ac cacain na ca tomi' wa ma', ca maqui' nain nanawin ma'. Mon cwa' panxita' co om noc camain' ta' cwa'. Hohot tamana napa' ta. Taraju wet jun ta na.

Mateus 25:40

Wata' pain ca Taramaxicon ta' ca', tomi' ac toton tara: Quep xiho' iri huhun oro wari' co howa nanapa' pane ne, co xere ta' pane, co om hwara' opa camain' nana pane, wata' pan ac ne na co quep xiho' hwe pane. Tomi' iri'o' inuhu' ta, ac i ma' tara ca tomi' toton ta.

Mateus 25:45

Tomi' ac toton tara: Om iri na ca quep xiho' huhun oro wari' co howa nanapa' ne, co om hwara' opa camain' nana pane, wata' ac ne na co om quep xiho' hwe pane quem. Tomi' iri'o' inuhu' ta, ac i ma' tara ca tomi' toton ta.

Mateus 28:10

Ta jin' hwe me ta ac cacam na. Mo tomi' jujun xere cwain. Mama' jein Galileia cain jujun. Je i cain tara ca querec pe mahu' ta nuhu' ca' jujun ta na ca tomi' cacam ma'.

Lucas 8:15

Carawa ca ara nain tocwi trigo ca camara' to nain macan' ca awi ma' iri na ne, tomi' joc mam' mi' nain carawa ca ara nonon oro wari' co taraju nanain capijacon Iri' Jam ma', co an to xo' nanain pain ximicocon ma' quem. Ac ca mi xo' caca na pain ca howa nucucun. Win ne tocwi trigo ca mi xo' ma'. Xumu xo' nana, tomi' ha' nana quem. Querec pin' ac tococwa na pain ca howa cara nucucun ma' quem na ca tomi' xo' tococwa pain ca pijim' joc mam' mi' tococwa con wari' co wixicaracao' nain tocwi trigo pain totacon pane.

Lucas 8:20

Hwet to nana xerem cam jim ta Jeju ac con na wari' ma'. Tomi' xim nenem ta na ca tomi' con ma'.

João 13:17

Je ca tomi' xuhu' ca', taraju pa' pin hwein ca tomi' xuhu' ca': Mo ta tomi' ha' mahu', param mi' ac cuhu' tara pain ca awi wa Te Iri' Jam ta na ca tomi' caparut.

João 20:17

Ta quep mapa' me ta Maria ac cam na. Xi hwet querec ton Te ta. Mo hwet roron xere ma', co taxipa' ta' ma'. Tomi' ca' roron: Piri' hwet ton Te co Iri' Jam ne ta' ca', co Iri' Jam ne hwe ma' quem nuhu'. Wirico co Te ta' ca' quem, co Te hwe ma' quem nuhu', ac i ma' na ca tomi' cuhu' ta roron na ca tomi' cam ma'.

2 Coríntios 5:16

Je ca coromicat jimama' pin urut ca'. Om ca noro mami' urut pain oro ca ara caca oro wari' pain xocori ca', om ca an xiho' urut cocon wari' co tocojin' e' nonon oro win ma' caca pain xocori ca', om na. Xi coromicat ac i ma' ara ne ca wari' wa ta. Coromicat mi' ac i ma' paxi' urut con Cristo pane, wari' tara ma' urut con pain cara pane, an xiho' tarapari' xi' ma urut con pain cara pane. Ane om coromicat mi' ac i ma' mami' urut con pain xocori ca' ne.

2 Coríntios 6:18

Xirao' pe ca' na quem: Te ac mahu' tara, mana panxita' ac xuhu' tara pain ca tarama' nuhu' ma', je pain ca narima' hwe ma' quem. Je ca tomi' xuhu' pain ca Taramaxicon Iri' Jam ta' ca', pain ca hwara' opa pan ta' ca'. Ac i ma' na ca xirao' pe xine pain capijacon.

Tiago 1:22

Tomi' ha' jein capijacon Iri' Jam. Ta taraju e' hwein me, tomi' ha' jein. Mo ta taraju e' hwein, om na xumuhu', xi coromicat xo' hwe ta.

1João 2:29

Wara taxi' hun pain ca ara xo' nucun ma', pain ca hohot con Iri' Jam pain oro ca ara nucun. Je ca taxi' hwein i ca' quem: Oro wari' co ara xo' taxipa' nana ma', pain ca hohot cocon Iri' Jam pain oro ca ara nucucun ma', wiricoco co mana panxica Iri' Jam nana quem.

3João 1:11

Je ca tomi' xim pain ca tomi' querec te xim ca'. Ta an xiho' momon oro co pan teretem taxipa' nana me, an xiho' e' roron co ara nanain ca awi wa. Wari' co ara taxipa' nain ca awi wa ma', wirico co Te non Iri' Jam. Wari' co pan tem taxipa' ma' iri na ne, om ca querec pin' camain' con Iri' Jam.