Lucas 8:20 - Tradução Bíblica Pacaas Novos

²⁰ Hwet to nana xerem cam jim ta Jeju ac con na wari' ma'. Tomi' xim nenem ta na ca tomi' con ma'.

Lucas 8:20 Iomraidhean Croise

Marcos 6:3

Om ca wirico co cwa' co ara taxipa' pana cara pane ra ac caca na. Om ca cawiji con Maria cwa' ra? Om ca aji' con Tiago con José con Judas con Simão cwa' ra? Om ca to ho' cacapari' oro mon xojam' co aji' nonon cwa' ra? Cain' cain' xira ne nana, miri'om ac cocon na quem. Om ca howa camain' cocon.

Lucas 8:19

Mo querec xun e' ac cama na jicon cocon xurucun. Hwet xun paxi' nonon, ane om wixicam ac cocon ne. Xi mija ara caca oro wari' co coco' coco' mam' nonon ta.

Lucas 8:21

Tomi' pan ac ca na Jeju: Oro wari' co howa nanain capijacon Iri' Jam ma', co tomi' ha' nanain quem, wiricacam co na' ta' ta, wiricacam co xere ta' quem na ca tomi' ca ma'.

Atos 1:14

Tama' cut in taxipa' xucucun. Tomi' tomi' nonon Iri' Jam quem. Ac ca xica' pe ne na ximicocon pain ca tomi' cocon Iri' Jam. Om ca an to camain' cacain. Cut in wi xucucun cacam oro narima' ma', wiricam Maria jicon Jeju ma', wiricoco xurucun ma' quem.

1 Coríntios 9:5

Cain' cain' ne cacam narima' nuxut co howa nana quem? Om ca hohot ne pain ca maji urut cacam pain ca pijim' mama' urut pain oro xijein xirim ra? Hohot ne ma' ira. Win caca oro xucucun apóstolo ma', win caca mana coxa' ca Taramaxicon nexi' Jeju ma' quem. Win ca Pedro ma' quem. Maji nanam manacocon, mi' ac tacacama na pain carawa ca cao' wa quem.

Gálatas 1:19

Querec inon Tiago coxa' ca Taramaxicon nexi' quem. Om ca querec toton oro xucucun apóstolo, xica' to ac caca na caram ma' Pedro con Tiago co querec ta' pain ca xo' mao tain Jerusalém pane.