Lucas 8:2 - Tradução Bíblica Pacaas Novos

² Ma' nana oro narima' co ja' ja' nonon quem, co wara quep xio ca pane, pain ca tomi' jein pin cocon oro caxicon jam co corom to ho' nanam, wiricacam co wara quep xio pin ca pain ca caxi nequequem quem. Mo nana: Maria co Madalena na xijein wixicam ma', co ma' 7 nana oro caxicon jam co hwerehwet ca' nanam pane.

Lucas 8:2 Iomraidhean Croise

Mateus 4:24

Taraju ac caca na oro wari' co to nanain pira pain oro xijein cidade pain Síria ma' quem. Quep xio nonon oro wari' Jeju ta na ca taraju nucucun. Je ca cut qui' cut qui' pi' pin tococwa oro wari' co caxi nana ma', co jain jain nana pain oro ca caxi tamana nucucun ma'. Mo nana: Co corom to ho' nonon caxicon jam ma', co pa' taxipa' nonon tamanain ma', co carama to nana ma', quep xio quep xio pi' pin ac tococwa na.

Marcos 16:1

Corom pin iri na xina pain sábado ma' ne, pain xec nein ca xao to wa e' cacain ximicocon oro wari' ma', cut ac cacamain na incenso. Ma' ta ji'ao mi' xin pain curucun ta nana. Mo nana: Maria Madalena ma', Salomé ma', Maria jicon Tiago ma' quem.

Marcos 16:9

E' mami' iri na Jeju ne, pain iri' xo' xec pain domingo pane, hwet pa' cain' ac cam na Maria Madalena ma', co wara quep xio ca pane, pain ca tomi' jein ca' cam cocon oro caxicon jam co ma' 7 nana pane.

Lucas 23:27

Mija nana wari' co ja' ja' nonon ma'. Ma' nana oro narima' co ja' ja' nonon quem, awaran tamana nana con Jeju.

Lucas 23:49

Oro wari' co win ma' ne nonon Jeju ma' iri nana ne, oro narima' co wara ja' ja' qui' nonon pain Galileia ma' quem, coco' pira coco' pira pi' pin nana. Noro noro nanain oro carawa ca ara non ma'.

Lucas 23:55

Ja' ja' ac cocon na José oro narima' co wara ja' ja' qui' nonon Jeju pain Galileia pane. Querec nanain manain pacun ma'. Querec nonon José pain ca an corom pe cain curucun Jeju ma' quem.

Lucas 8:30

Tomi' querec pan ac con na Jeju: Cain' cain' ne wuxum quem non. Om na, Legião napa' wuxu ta ac ca na. Ac i ma' na ca wuxu mao ca, xi om ne ca mija ara caca oro caxicon jam co corom to ho' nonon ta.

João 19:25

Coco' ja' pan nanain panaxicon Jeju oro narima' ma'. Mo nana: Jicon ma'. Xequem jicon, coxa' cama jicon ma'. Maria manacon Clopas ma'. Maria Madalena ma' quem.

Atos 1:14

Tama' cut in taxipa' xucucun. Tomi' tomi' nonon Iri' Jam quem. Ac ca xica' pe ne na ximicocon pain ca tomi' cocon Iri' Jam. Om ca an to camain' cacain. Cut in wi xucucun cacam oro narima' ma', wiricam Maria jicon Jeju ma', wiricoco xurucun ma' quem.