Lucas 8:18 - Tradução Bíblica Pacaas Novos18 Je ca tomi' ca' xuhu' ca': Taraju wet jein ca tomi' xuhu' ca'. Wari' co taraju wet ma', co taraju pa' xo' nain ca taraju nucun ma', mi' hwara' mami' ac tocwa tara pain ca taraju pa' wa. Wari' co om taraju wet ma' iri na ne, co om taraju pa' xo' nain ca taraju nucun ma', an ca' ac tocwa tara pain wijimain ca taraju pa' nucun ma' quem na ca tomi' tococwa ma'. Faic an caibideil |
Wari' co taramaja xo' ma', co win xumu nain ca taramaja nucun ca mi' ton ca', mi' hwara' mami' ac ton tara pain ca taramaja wa. Mija tara ca taramaja wa ca mi' ton. Wari' co om taramaja xo' ma' iri na ne, co om win xumu nain ca taramaja nucun ca mi' ton ca', an ca' ac ton pain tara wijimain ca taramaja nucun ta na ca tomi' ca ma'.
Main xat pe tarain cote ne xiricon Iri' Jam caji pacun ca Iri' Jam xi' ma ca ta ac tococwa na. Om xi pe nein i cain ta. To' em' pin tarain cote ne xiricon Iri' Jam. (Wahu' pain ca noro hwein ca xirao' ne ca', taraju pa' je ta.) Querec iri jein ne, jein ca' ac hwein tara. Wahu' pain ca to hwein oro cidade pain Judeia ma', jein mama' ac hwein tara oro pacun.
Om na, je ca tomi' xuhu' ca' ac tococwa na. Wari' co taramaja xo' ma', co win xumu nain ca taramaja nucun ca mi' ton ca', mi' tiquin' ac ton pain tara ca taramaja wa. Wari' co om taramaja xo' ma' iri na ne, co om win xumu nain ca taramaja nucun ca mi' ton ca', an ca' ac ton pain tara ca taramaja nucun ta. Tomi' iri'o' inuhu' ta na ca tomi' tococwa ma'.
Je ca tomi' hap toton oro wari' ne cwa'. Mo'o jun ta inonon pum. Tomi' querec te inem pain ca maqui' nem ca'. Wara cut in xujuxut con Iri' Jam quem. Winim' urut pum pain ca pijim' ta' ma ma'. Taraju xixin na urut pain ca pijim' ra quem Taramaxicon nexi' ta. Ac i ma' na ca tomi' con Pedro Cornélio ma'.
Oro judeu co to nanain Bereia ma', jimama' ca' nonon oro judeu co to nanain Tessalônica. Xumu xo' nana, tomi' querec te tamana nana pain ca taraju cacain ca pijim' nucun Paulo con Silas ma', pain ca pijim' cacain capijacon Iri' Jam con Jeju. Tama' noro nanain capijacon Iri' Jam ca xirao' to caca oro profeta pane, tama' noro noro nanain pain oro xijein xec. Am iri'o' ne cocon, am om iri'o' ne cocon, noro xin quem, ma' ta querec pin' xin cocon ta pan nana.
Je ca tomi' xuhu' ca': Hu xim inuhu', hu hu pi' pin xim inuhu', xi om ne ca hu roron ara capa' Iri' Jam pahu'. Ta coromicat mi' xujuhu' pain ca awi ina, taxi' tamana ina wa me. Coromicat xo' je, querec pin' jein ca taramaja taxi' wa ca mi' cuhu' Iri' Jam ma', pain ca taramaja mi' taxi' hun ma'. Win ne ca mi' pan cuhu' pain ca howa hun ma' quem.
Mo ta ma' cuhu' co pijim' hwet taxi' inain xi' ma nain capijacon Iri' Jam ma', mo ta ma' cuhu' co mi' napa' pain oro xijein ca taramaja wa xi' ma hwein Tamataracon Iri' Jam ma' quem. Na e' na pain ca querec pin' cain oro ca xirao' mi' xuhu' ca'. Wirico Taramaxicon nexi' co xirao' rain napa'. Tomi' ha' jein ta napari'.
Ma' tara xumuhu' me, coromicat xo' je. Howa maho' jein oro ca coromicat ximama' nuhu' ma'. Mo ta ma' ca win ma' nuhu' co taraju pa' ina xi' ma ma', pain ca an xiho' cain ca coromicat nucucun oro wari' co om howa nonon Iri' Jam ma', na e' na pain ca an pe pin cain ca coromicat ximao nucun. Ac ca an xiho' pin tococwa tara co tamanain nana ta caca oro wari' co om howa nonon Iri' Jam ma'. Taraju pa' iri'o' pin ac ca tara quem.
Hohot paxi' xira pain ca coromicat mi' ca' xije: Wari' nucun Iri' Jam ina, xi om ne ca tomi' ha' cara ara tain oro ca ara ra capa' ta, hohot paxi' xira pain ca coromicat mi' ac i ma' xije. Ma' ara xi' nana co coromicat ac i ma' nana quem, xi om ne ca tomi' ha' ara cacain oro ca ara je cocon Iri' Jam ta. Je xi coromicat ac i ma' ta' quem? Xi om ne ca tomi' ha' tiquin' ca' ara toton pain oro ca ara ra capa' Iri' Jam ta. Ca' paxi' ina pane: