Lucas 8:15 - Tradução Bíblica Pacaas Novos

¹⁵ Carawa ca ara nain tocwi trigo ca camara' to nain macan' ca awi ma' iri na ne, tomi' joc mam' mi' nain carawa ca ara nonon oro wari' co taraju nanain capijacon Iri' Jam ma', co an to xo' nanain pain ximicocon ma' quem. Ac ca mi xo' caca na pain ca howa nucucun. Win ne tocwi trigo ca mi xo' ma'. Xumu xo' nana, tomi' ha' nana quem. Querec pin' ac tococwa na pain ca howa cara nucucun ma' quem na ca tomi' xo' tococwa pain ca pijim' joc mam' mi' tococwa con wari' co wixicaracao' nain tocwi trigo pain totacon pane.

Lucas 8:15 Iomraidhean Croise

Mateus 24:13

Wari' co howa cara napa' ma' iri na ne, pain ca howa howa pi' pin pa' cain oro ca quep em' wa ma', wirico tara co to' witan wa ta.

Lucas 11:28

Om na, param mi' pan tata pain ca awi wa oro wari' co taraju nanain capijacon Iri' Jam ma', co tomi' ha' nonon ma' quem. Wiricoco co param mi' wawa pain ca awi wa ta ac tococwa na.

Lucas 6:45

Ac i ma' nana oro wari' quem. Wari' co awi ca coromicat nucun ma', ac ca cut toco' xo' cain na ca awi ne capijacon pain ximicon, an hwet ac cain na pain ca tomi' nucun. Wari' co om awi ca coromicat nucun ma' iri na ne, ac ca cut toco' xo' cain na ca om awi ne capijacon pain ximicon, an hwet ac cain na pain ca tomi' nucun quem. Je ca tomi' xuhu' ca': Carawa ca coromicat taxipa' iri' pain iri' ximixi' ca', je ca tomi' hwet iri' pain ca tomi' nexi' ca' quem na ca tomi' tococwa ma'.

Lucas 8:14

Carawa ca ara nain tocwi trigo ca camara' to nain pi ma', tomi' joc mam' mi' nain carawa ca ara nonon oro wari' co taraju paxi' nanain capijacon Iri' Jam. Pain pin iri na ne, ma' ac ne na oro ca to' i'ina nonon. Win ne tocwi trigo pain ca mo' nein pi ma', ac i ma' na ca to' i'ina tococwa ma'. Toron toron na ximicocon, coromicat ni ca' ac cacain na capijacon Iri' Jam, win xumu win xumu ac cacain na oro caramaji macan' je oro ca param ximama' nucucun ca mam' tomi' querec te caca ma' quem. Om ca horon tiquin' caca pain ca howa nucucun.

Lucas 8:16

Noro jun wari' co tom nain naran ma' quem ac tococwa na. Om ca tatep pa' ca pain tapaxi'. Om ca an corom pe ca pain tequipain tapit quem, om na. Tom an hwet pe na pain maxinain, ma' ta toha mi' tococwa oro wari' co corom nanain xirim ta na.

João 14:15

Mo ta om noc mahu', tomi' ha' ac mahu' tara pain oro ca ara je xuhu' ca' ac caparut na.

João 15:10

Mo ta tomi' ha' mahu' pain oro ca ara je xuhu' ca', om ac ne tara ca noc xuhu' ta. Win ta' con Te cwa', tomi' ha' inon pain oro ca ara ra capa', om ac ne na ca noc capa' quem.

Romanos 2:7

Oro wari' co tama' ara nanain oro ca awi wa pain ca win xumu cacain ca tomi' querec te nucun Iri' Jam ma', coromicat ca' ac caca na: Tomi' querec te tarapari' Iri' Jam ta. Hohot hwe tarapari', to' e' cara xuhu' tarapari' ta nana. Wiricoco tatara co mi' wawa pain ca e' cara wa.

Romanos 6:22

Ane to' witan pin cuhu' Iri' Jam pain xocori ca' ne. Witan ca' hwein ca caracat wa. Wari' nucun Iri' Jam pin hwe, taramaja mi' e' hun Iri' Jam. Mi' ac cuhu' na pain ca awi wa pain ca iri' wari' ne pin cuhu' ca', ac i ma' na ca quep xiho' cuhu'. Aram aram mi' ac cuhu' tara pain ca om pi' ra ha' ne ca e' wa quem.

Romanos 7:18

Taxi' pan xije. Om ca pe ho' camain' capa' ca awi wa, om ca pe ho' camain' capa' ca awi wa pain cwere pain xumu ca'. Ara xo' ta' paxi' ina, ane om ara xo' ta' ne. Om ca ara xo' ac ta'.

Romanos 7:4

Ac i ma' iri' quem xere: Ac ca cono' pin iri' na. Cono' ca' irin ca xirao' nucun Moisés, xi om ne ca cono' wi ara xun Cristo ta. Ac i ma' napari', win cwere pin urun xucun tarama' ma', wirico co e' mami' pane. Ma' ta ara hwein ca awi wa pain ca taramaja mi' mahu' ta napari' Iri' Jam.

Romanos 8:25

Ane winim' winim' wet xin oro ca om mi' querec capari' Iri' Jam ne. Winim' cara irin.

1 Coríntios 7:19

Mo ta wac xirac tocwa, mo ta om wac xirac tocwa quem, je i ma' ira pan na Iri' Jam. Cain' cain' capari' quem? Taraju wet je e', na e' na pain ca tomi' ha' xin oro ca ara je capari' ca'.

Efésios 2:8

Je ca tomi' xuhu' ca': To' witan e' nuhu' Iri' Jam pain ca xiram pa' nucun pahu'. Xi om ne ca howa ara hun ta. Om ca mam' to' witan cuhu' pain carawa ca awi ca ara xi' paxi' hwe ma', om na. To' witan e' pan nuhu' ta.

Filipenses 1:11

Ma' ta ara taxipa' cacain oro ca awi wa ta inon pahu'. Wirico tara Jeju Cristo co mi' nuhu' pain oro ca ara xo' wa ma'. Querec pin' ac tocwa tara Iri' Jam pahu', pain ca hwara' opa nucun, je pain ca awi tamana nucun quem.

Colossenses 1:10

Tomi' mi' ac i ma' urut pahu' con, ma' ta xuruxut xo' hwe pain ca howa hun Taramaxicon nexi' ma'. Ma' ta hohot hun pain oro ca ara hwe ma', pain ca ara cara hwein oro ca awi wa ta urut pahu'. Ma' ta horon horon tiquin' hwe pain ca querec pin' hun Iri' Jam ta urut pahu'.

Colossenses 1:6

Capijacon Iri' Jam con Jeju ca pijim' hwet xihwe pane, pijim' hwet pijim' hwet xam' tata pain oro wari' pain oro xijein macan' quem. Oro co howa nanain ma', to' jimama' pin ac tococwa na. Win cuhu' pain ca xo' taraju ten qui' hwein pain cara pane, pain ca xo' querec pin' ten qui' hun Iri' Jam pain oro ca xiram pa' iri'o' capari' ma'.

Hebreus 10:36

Na e' na pain ca quereme cara hwein oro carawa ca to' i'ina nuhu' ma'. Ara cara jein oro ca param nucun Iri' Jam ma', ma' ta aram aram mi' xim cuhu' pain oro ca tomi' pe mi' cuhu' ma'.

Hebreus 2:1

Hwara' opa tamana pan na Taramaxicon nexi' Jeju Cristo. Je ca na e' ne pain ca taraju wet xin ca tomi' nucun ca taraju iri' ca'. Ma' ta om aram aram an pe pin xin quem.

Tiago 1:4

Na e' na pain ca hwara' opa hwara' opa tiquin' hwe pain ca howa hun Iri' Jam ta. Ma' ta ximicon hwanana hwe pain ca howa nuhu' ma', ma' ta hohot pin hun Iri' Jam pain oro ca ara hwe ma' quem. Hohot cara ac hun tara pain ca xuruxut xo' nuhu' ta.

1João 2:3

Tomi' ha' iri urun Iri' Jam pain oro ca ara je capari' ne, taxi' ac xijexi' na pain ca querec pin' xun ca'.