Lucas 7:6 - Tradução Bíblica Pacaas Novos

⁶ Ma, maji ta ac ca na Jeju, ja' ja' ac cocon na quem. Wixicam pin tain iri nain xiricon ne, xuruxut cam' ac cocon na oro win ma' ca taramaxicon. Wirico taramaxicon co xuruxut cam' jun ta nonon. Tomi' ac cocon na: Tomi' jun Jeju ta naparut taramaxicon nuxut ta Taramaxicon. Ca' jun ta naparut pum: Ta toron mami' ne xumum pata' me Taramaxicon. Om ca ha' ne pain ca corom main xuru, xi awi ta' ta, tomi' ac i ma' jun ta naparut taramaxicon nuxut pum Taramaxicon.

Lucas 7:6 Iomraidhean Croise

Mateus 20:28

Win ta' ca', pain ca Iri' Wari' ta' ca'. Om ca maqui' ta' pain ca taramaja mi' xine xuhu', om na. Taramaja mi' pan xim inuhu'. Mi' pin caho' xim inuhu', ma' ta witan mija hwe ta inuhu'. Je ca maqui' ta' ca' na ca tomi' caparut ca'.

Mateus 3:11

Ja' inuhu' pain com, xi om ne ca cwirin' pin ara hwe ta ac tococwa na. Wara maqui' paxi' ina, ane maqui' ta' pa'ao' ca xucun co hwara' opa tiquin' ca' napa' ne. Iri' wari' na quem. Om ca hohot ne pain ca quep xiho' camain' ton pain ca cut mi' ton pain caji caximacon ma', xi iri' wari' ta' ta. Mo ta cwirin' pin hwein ca caracat nuhu' ma', mi' ac cuhu' tara pain Tamataracon Iri' Jam. Mo ta om cwirin' je na hwein ca caracat nuhu' ma' quem, wixicaracao' mi' ac cuhu' tara pain cote ne xe ta.

Marcos 5:24

Ma ac ca na, hwet ac con na. Ja' ja' nonon oro wari' quem. Mija nana wari' ta. Om ca paric camain' caca. Xao xao tamana nonon.

Lucas 5:8

Querec iri nain i ma' Simão Pedro ne, pain ca cut tamana caca hwam ma', pe torotop mi' ac con na Jeju pain caximacon. In ca' ne ta Taramaxicon ne. Om ca na ne pain ca pe ho' cara mapa' ca', xi caracat taxipa' ara ta' ta na ca tomi' con ma'.

Lucas 7:4

Hwet pin iri nonon Jeju ne, tomi' hwet ac cocon na pain ca tomi' nucun taramaxicon nucucun oro soldado. Xiram pa' ron me, xi awi ara ca ta. Hohot na pain ca quep xio mon wari' nucun ta nonon pain ca jain jain nucucun pain ca tomi' mip cocon Jeju ma'.

Lucas 7:5

Tomi' querec te ara xi' napari' pain ca judeu iri' ca' ac cocon na. Quep mi' naparut pain xirim ca cut in to xujuxut quem nonon.

Lucas 7:7

Je ca om xut cam' pan xim ca' nem. Ca' jun ta naparut pum: Ta toron mami' ne xumum pata' me ta Taramaxicon Jeju. Om ca hohot ne pain ca corom main xuru, xi awi ta' ta. Je ca querec pin' xije pain ca om hohot ne pain ca xut cam' pan xim ca' nem, xi awi ta' nem.

Lucas 8:49

Tomi' tomi' wet nam narima' ma', maqui' ac ca na wari', maqui' nain xiricon Jairo ma', co querec wet nonon oro win judeu ca pain xirim ca cut in to xucucun ma'. Mi' pin na panxima ta ac con na. Ta hap ra mami' mon Taramaxicon co ca' na taxipa' capijacon Iri' Jam me ta non.

Atos 10:38

Taxi' hun Jeju co maqui' nain Nazaré, taxi' hun pain ca mi' con pain Tamataracon Iri' Jam, je pain ca mi' con pain ca hwara' opa nucun quem. Taxi' hun pain ca xut mao cain oro xijein cidade pane, pain ca tama' xiram pa' cocon oro wari', je pain ca tama' quep xio cocon oro wari' co ximin nana con Caxicon Jam quem. Ha' non Jeju pain ca ara ac i ma' ca pane, xi om ne ca pe ho' pan ara con Iri' Jam ta.

Tiago 4:10

Querec pin' xujuhu' pain ca ximin nuhu' pain ca om querec awi cuhu' Taramaxicon Iri' Jam. An tequi' to ac cuhu' tara, mi' ac cuhu' tara pain ca querec awi cuhu' quem.

Tiago 4:6

Ac i ma' paxi' napari', ane quep xiho' capari' pain ca xiram pa' tamana capari' ne. Je ca xirao' an pe xine pain capijacon Iri' Jam quem: Ari nonon oro co xec xec nana Iri' Jam ta. Oro co om xec xec nana ma' iri nana ne, xiram pa' tata, quep xiho' tata quem. Ac i ma' na ca xirao' pe xine pain capijacon Iri' Jam pane.