Lucas 7:47 - Tradução Bíblica Pacaas Novos

⁴⁷ Je ca tomi' xim ca' ac con na. Mija paxi' na ca caracat nequem cam cwa'. Ane xic am pin xine ne. Je ca tomi' querec te tamana capa' ca'. Wari' co xic am pin xine pain wijimain ca caracat nucun ma' iri na ne, tomi' querec te wijimain e' napa' quem na ca tomi' con Simão.

Lucas 7:47 Iomraidhean Croise

Mateus 10:37

Wari' co tomi' querec te tamana non cote ca cam jicon ma', mo ta om tomi' querec te tiquin' ca' capa' cacam, om ca hohot ne pain ca taxipa' capa'. Mo ta tomi' querec te tamana cacam mana panxica wari' ma', mo ta om tomi' querec te tiquin' ca' capa' cacam, om ca hohot ne pain ca taxipa' capa' quem.

Lucas 7:39

Querec iri nain i ma' fariseu co cao' pe ho' ne non ma' ne, Simão ma'. Querec iri nam caxicam narima' pain ca ji'ao mi' con pain caji towaxi' caximacon Jeju ma' ne, coromicat pan ac xucun na: Cain' cain' xira co cwa' ne ta? Mo xi iri' profeta ca, querec pin' ac cam xira narima' co quep non ma', querec pin' xiram pain ca caxicam narima' cama ma' na ca coromicat nucun.

Lucas 7:46

Om ca ji'ao mi' mapa' pain wina pain homain winain oliva. Cam cwa' iri na ne, ji'ao mi' ac capa' na pain caxima pain caji towaxi' ca hu awi.

Lucas 7:48

Tomi' ac cam na Jeju: Xic am pin inain ca caracat nem ta nam.

Atos 5:31

Mi' ac con na pain ca xao pe ho' ne pain iri' cwere ca' con. Mi' non pain ca to' witan xim capari' ca' quem. Ma' ta cwirin' pin hwe pain ca wari' nein Israel hwe ma' napari', ma' ta xic am pin tain ca caracat nuhu' ta napari' quem.

Romanos 5:20

An hwet pe pin paxi' nain ca xirao' nucun Moisés Iri' Jam pane. Ma' ta querec pin' cacain ca pan teretem tamana nucucun oro wari' ta na. Ane tiquin' mao ne ca xiram pa' e' nucun Iri' Jam ne. Pan teretem tamana iri nana oro wari' ma' ne, je i ma' ca tiquin' mao ne ca xiram pa' e' nucun Iri' Jam ta.

2 Coríntios 5:14

Ac ca cuc cuc caparut na Cristo cwa', pain ca pijim' xixi' na urut ca', xi querec pin' ara urut con pain ca om noc tamana capari' ta. Taxi' urut con pain ca mi' pin caho' capari'. Xica' pe xat paxi' na, ane mi' pin caho' mi' pin caho' xam' capari' ne. Je ca ac ca cono' cono' pi' pin iri' ne quem.

Gálatas 5:6

Xi quep xiho' capari' ca wac xirac xine taparinain ca xirac nexi' ta. Pain ca howa xun Cristo Jeju pain ca to' hohot pan capari' ca', mo ta wac xirac cacapari', mo ta om wac xirac cacapari', an an ari na con Iri' Jam. Om ca tocojin' capari' pain i ma'. Noro e' nain ca howa nexi' pain ca howa xun Cristo. Om iri na ca noc caracan xijexi' ne, querec pin' ac capari' na pain ca howa xun quem.

Efésios 6:24

Wahu' pain ca om noc cara hun Taramaxicon nexi' Jeju Cristo ma', param inon Iri' Jam pain ca quep xiho' quep xiho' xam' cuhu' pain ca mi' e' cuhu' pain ca param nucun. Je i ca' ca xirao' ne ca'.

Filipenses 1:9

Je i ca' ca tomi' ton Iri' Jam pain ca tomi' mi' xuhu' con: To' hwara' pin rain ca tomi' querec te cara xucucun ta inon pahu'. Mi' roron pain ca querec pin' quequem, je pain ca taraju pa' taraju pa' pi' pin cacain oro ca param nem quem inon pahu'.

1 Timóteo 1:14

Om xi xiram pa' capa' Taramaxicon nexi' Cristo Jeju pane, xi iri' wari' ta' ta. Ane xiram pa' tamana pan capa' ne. Mi' e' napa' pain ca howa ton. Mi' e' napa' pain ca om noc ton, je pain ca om noc toton oro wari' co howa nonon ma' quem.

1João 1:7

Xuruxut cara iri irin naran nucun Iri' Jam ma' ne, pain ca win xumu xin oro ca param nucun ma'. Win ne ca pe cain naran ma' quem. Xuruxut ac i ma' iri irin naran nucun ne, tomi' querec te caracan ac xijexi' na pain ca taxipa' xijexi' ca'. Hohoc pin ac capari' na pain ca caracat nexi' quicon Panxica cwa', Jeju cwa'. Ac i ma' na ca to' om to' om pi' pin cain ca caracat nexi' quem.

1João 3:18

Je ca tomi' xuhu' ca', pain ca ac ca mana panxita' xuhu' ne ca'. Ta tomi' capijacocon e' xijexi' pain ca tomi' querec te inuhu' ta ximama' xijexi' me. Xiram pa' xijexi', quep xiho' xijexi'. Tomi' querec te iri'o' xijexi' quem.

1João 4:19

Om ca noc xun Iri' Jam, om ca noc xijexi' quem, xi om ne ca wirico pan ara ca co om noc cain' napari' ta.

1João 5:3

Tomi' ha' taxipa' iri urun pain oro ca ara je capari' ne, ac i ma' na ca an hwet pin xin ca om noc xun ca'. Om ca i'ina capari' pain ca tomi' ha' xin oro ca ara je capari' quem.