Lucas 7:44 - Tradução Bíblica Pacaas Novos

⁴⁴ Tucu in hwet ac cam na narima' ma', tomi' ac con na Simão ma' quem. Je ca pijim' joc mam' mi' xim cocon wari' co dever nanain dinheiro pane ta Simão ac con na. Querec mam cam cwa', pain carawa ca ara mi' capa' ca'. Corom paxi' inain xurum ca', ane om cam mi' mapa' pain com pain ca hohoc tain ta' caxima ca' ne. Cam cwa' iri na ne, ja' napa' pain caxima pain comi tocwam, xic cawain' pin ac camain na pain tenenequem.

Lucas 7:44 Iomraidhean Croise

Lucas 7:38

Xat pe ac camain na waracon Jeju ma', pain caximacon. Aca aca ja' ac camain na caximacon pain comi tocwam, mam' xic ac camain na pain tenenequem. Xic xic cawain' pin iri nain caximacon ne, xup ac camain na, ji'ao mi' ac camain na pain caji towaxi' ma' quem.

Lucas 7:43

Tara, am co ma' co cote ne pan na dinheiro ca dever ca pane, am wirico ca co tomi' querec te tamana pan non ta ac ca na Simão. Awi na ca tomi' nem ta ac con na Jeju.

João 13:5

Hohoc tain caximahu' ta ac caparut na pain ca taxipa' urut con ca'. Ji'ao mi' nain com pain bacia, hohoc ac cain na caximaxut, xic pin ac cocon na con toalha co tucu pan xucun pain ximijacon.

1 Timóteo 5:10

Hohot e' na pain ca quep xiho' tacama narima' co wara querec pin' wa pain ca ara taxipa' camain oro ca awi wa pane. Mo na: Co wara querec wet querec wet horon pin nanam humaxicam pane. Co querec te taxipa' nonon co howa nana co maqui' nanain xijein xirim pane, co cao' to ho' xine, pi'am to jein xuru ca' nonon pane. Co xiram pa' taxipa' nonon co howa nana pain ca ara mi' e' cocon pain oro carawa ca param caca pane quem. Co quep xiho' taxipa' nonon oro wari' co i'ina nonon oro carawa pane quem. Co win xumu taxipa' nain oro ca xiram pa' wa pain ca ara mi' cocon pain oro ca awi wa co howa nana pane quem. Mo ta xut xo' ac i ma' cama pain ca e' e' wet qui' ca taxicam pane, hohot ac ne tara pain ca quep xiho' tacama pain xocori ca'.

Tiago 2:6

Je ca tomi' xuhu' ca'. Tora' paxi' nonon co ximin nana Iri' Jam ma', ane noc pan huhun ne. Para tomi' querec te e' huhun co caramaju nana ma' quem? Om ca wiricoco caca co to' i'ina nunuhu' pain ca quep em' cucuhu' ra? Om ca wiricoco caca co o mi' nunuhu' cocon oro juiz ra?