Lucas 7:42 - Tradução Bíblica Pacaas Novos

⁴² Aram aram maqui' ac ne na xec nein ca mi' in hwet xine pain dinheiro ca dever mahu' ta pan ca wari' co xiram pa' nonon pane. Ane om cocon dinheiro ne. Om nonon dinheiro ca mi' in hwet xun cocon. Je i ma' ira pan ac ca na co ma' co xiram pa' nonon pane. Hohot na pain ca om mi' in hwet mahu' pain dinheiro ca dever mahu' ma'. Xic am pin tain ca xirao' pe nein pata' ac ca na. Ac i ma' na ca pijim' joc mam' mi' con cocon wari' co dever nana dinheiro pane. Je ca tomi' xim ca' Simão ac ca na Jeju. Ma' co tomi' querec te tamana ton non quem? Tomi' querec te toron co wijimain e' na dinheiro ca dever ca ra? Om ta tomi' querec te tiquin' ca' con co cote ne tamana pan na dinheiro ca dever ca ra? Ac i ma' na ca tomi' querec con ma'.

Lucas 7:42 Iomraidhean Croise

Mateus 18:27

Xiram pa' ac con na. Maho' inain, om ta pagar ne mami' xim pain. Ac ca om dever mapa' pain tara. In mao rain xurum ta ac con na quem.

Mateus 18:34

Mana' tamana ac con na. Tao' pe pin jun ta ac tococwa na co querec wet nanain xirinain ca tao' to tao' to to wa ma'. Wap mip jun ta. Mo ta pagar pin capa' pain ca dever capa' ma', om pin ac hun tara ta tata.

Mateus 6:12

Xic am pin rain ca caracat nuxut ca' quem. Win ne ca mana' mana' om pin urut cocon oro wari' pain ca caracat nucucun pain ca ara cup cacaparut ca'. Tomi' xo' urut cocon, om ca mana' mami' urut cocon.

Lucas 7:43

Tara, am co ma' co cote ne pan na dinheiro ca dever ca pane, am wirico ca co tomi' querec te tamana pan non ta ac ca na Simão. Awi na ca tomi' nem ta ac con na Jeju.

Romanos 3:24

To' hohot e' napari'. Om ca pagar xine pain capari'. Xi xiram pa' ara capari' pain ca quep xiho' capari' ta. To' hohot pin e' napari', xi om ne ca to' witan pin ara capari' Cristo Jeju ta.

Romanos 5:6

Je ca tomi' xuhu' ca'. Pain ca ximin ximin wet nexi' pain ca om quep xiho' taxi' xijexi' pane, maqui' ac ne na xec nein ca wara an pe xo' ca Iri' Jam pane. Mi' pin caho' ac capari' na Cristo. Ma' ta quep xiho' xuhu' pain ca caracat nuhu' ma', pain ca miri'om hun Iri' Jam ta napari'.

Gálatas 3:10

Ane om ac i ma' ne cocon oro wari' co howa e' nanain ca tomi' ha' pan nucucun ne. Main tomi' noro toton pan nonon Iri' Jam, wap xuhu' ta nonon. Xi xirao' pe ara xine pain capijacon Iri' Jam ta: Oro wari' co om tomi' ha' cara pi' pin nanain oro ca ara je toton pain ca xirao' nucun Moisés ca', tomi' noro toton, main wap toton ta, ac i ma' na ca xirao' pe xine pain capijacon Iri' Jam ta.

Efésios 1:7

To' witan ca' napari' pain ca caracat nexi' Cristo. Xi ao mao ara ne quicon pain ca mi' pin caho' capari' pane. Je ca xic am pin cain ca caracat nexi' Iri' Jam quem. Xiram pa' tamana e' napari' ta.

Efésios 4:32

Ca' je, xiram pa' xujuhu'. Quep xiho' xujuhu'. Mo ta ara cup xujuhu', ta mana' xujuhu' pain me. Mana' mana' om pin xujuhu' pain ca caracat nuhu' pain ca ara cup xujuhu' ma'. Win cuhu' Iri' Jam ma', pain ca ji'am pin cain ca caracat nuhu' con Cristo.

Colossenses 3:13

Ma' iri tara ca to' i'ina nuhu' cocon oro win ma' hwe ne, tomi' pan hot ac xujuhu' tara. Ji'am pin jein ca mana' nuhu' pain ca ara cup xujuhu' quem. Win ca Taramaxicon nexi' pain ca ji'am pin cain ca caracat nexi' ca', ac i ma' tara ca ji'am pin hwein ca mana' nuhu' pain ca ara cup xujuhu' ma' quem.