Lucas 7:41 - Tradução Bíblica Pacaas Novos

⁴¹ Pijim' joc mam' mi' xim cocon wari' co wajim' nonon pain dinheiro wari' pane ac con na. Xiram pa' xut, mi' xut pain dinheiro. Main mi' in hwet xut pum pain ac cocon na. Ma, mi' ac tococwa pain na dinheiro ca param caca ma'. Xucun ma', ma' 500 na denário ca cut ca ma'. Xucun ma' iri na ne, ma' 50 e' na denário ca cut ca ma' quem.

Lucas 7:41 Iomraidhean Croise

Mateus 18:28

Mao ac ca na, xut cam' ac con na win ma' ca co win taramaja ca ma'. Dever wijimain pan non co ma'. Ma' 100 e' na denário ca dever con. Quep mip ac con na pain canemicon. Juhum' pa' ton na ira. Pagar ne pain ca dever mapa' ta ac con na.

Mateus 6:12

Xic am pin rain ca caracat nuxut ca' quem. Win ne ca mana' mana' om pin urut cocon oro wari' pain ca caracat nucucun pain ca ara cup cacaparut ca'. Tomi' xo' urut cocon, om ca mana' mami' urut cocon.

Marcos 6:37

Om na, mi' pan jujun pain carawa ca cao' wa ta ac tococwa na. Cain' cain' xuxut quem ac cocon na. Xi ma' caparut cote ne dinheiro ta. Mo xi cut tamana xuxut pain carawa ca cao' wa, mo xi mi' 200 urut pain denário pain. Cain' cain' xuxut quem ne nonon.

Lucas 11:4

Xic am pin rain ca caracat nuxut ca' quem. Xi mana' mana' om pin ara urut cocon oro wari' pain ca caracat nucucun pain ca ara cup cacaparut ta. Tomi' xo' urut cocon, om ca mana' mami' urut cocon. Narain ho' xut pain ca tomi' querec caparut Caxicon Jam quem. Ac i ma' je pain ca tomi' xun hun Iri' Jam ta na ca tomi' tococwa ma'.

Lucas 12:48

Noro jun xucun ma' quem, co ara ni nain carawa ca om hohot non taramaxicon nucun ma', xi taxi' cain carawa ca ara ra con ma'. Wap ton paxi' toron taramaxicon nucun, ane om wap tamana ton con ne. Je ca tomi' xuhu' ca' ac tococwa na. Mo ta mi' cuhu' pain oro ca taramaja wa Iri' Jam ma', na e' na pain ca tomi' ha' hun pain. Mo ta mi' tiquin' cuhu' pain oro wirain ca taramaja wa, na e' na pain ca tomi' ha' tiquin' hun pain quem na ca tomi' tococwa ma'.

Lucas 13:4

Cain' cain' ne ca coromicat nuhu' cocon wari' cara pane, co ma' 18 nana pane, co cono' nana pain ca pa caracat corom pin qui' cocon xirim ca mao pawin pane? Caracat tiquin' ca' totoron oro xucucun wari' co to nanain Jerusalém ma' huhun ra?

Lucas 7:40

Tomi' pan ac con na Jeju quem. Tomi' xim inem ta Simão non. Tomi' ra taramaxicon co ca' na taxipa' capijacon Iri' Jam ac ca na.

Lucas 7:47

Je ca tomi' xim ca' ac con na. Mija paxi' na ca caracat nequem cam cwa'. Ane xic am pin xine ne. Je ca tomi' querec te tamana capa' ca'. Wari' co xic am pin xine pain wijimain ca caracat nucun ma' iri na ne, tomi' querec te wijimain e' napa' quem na ca tomi' con Simão.

Romanos 3:23

Caracat caracat pi' pin ara xi' iri'. Om ca an xiho' camain' xun Iri' Jam pain ca awi nucun ma', pain ca hwara' opa nucun pain ca om caracat nucun ma'.

Romanos 5:20

An hwet pe pin paxi' nain ca xirao' nucun Moisés Iri' Jam pane. Ma' ta querec pin' cacain ca pan teretem tamana nucucun oro wari' ta na. Ane tiquin' mao ne ca xiram pa' e' nucun Iri' Jam ne. Pan teretem tamana iri nana oro wari' ma' ne, je i ma' ca tiquin' mao ne ca xiram pa' e' nucun Iri' Jam ta.