Lucas 7:40 - Tradução Bíblica Pacaas Novos

⁴⁰ Tomi' pan ac con na Jeju quem. Tomi' xim inem ta Simão non. Tomi' ra taramaxicon co ca' na taxipa' capijacon Iri' Jam ac ca na.

Lucas 7:40 Iomraidhean Croise

Mateus 26:49

Xut hwet hap ac con na. Maqui' ina ta Taramaxicon co ca' na taxipa' capijacon Iri' Jam na ca tomi' con ma'. Xup ac con na.

Mateus 7:22

Maqui' iri tara xec nein ca tomi' xo' toton ta' oro wari' pain oro carawa ca ara caca pain ca e' e' wet nucucun ca' ne, mija ac caca tara co tomi' mixein ca' nanapa': Taramaxicon nuxut, Taramaxicon nuxut, om ca querec pin' maparut ra? Om ca tomi' hwet taxipa' urut pain wuxum pain ca pijim' urut pain capijam pane ra? Om ca tomi' hwet taxipa' urut pain wuxum pain ca tomi' jein pin urut cocon oro caxicon jam pane ra, je pain ca an hwet urut pain ca hwara' opa nem pain ca ara urut pain carawa ca om ara taxi' ne ca wari' wa pane quem? Tomi' mixein ac i ma' tatarapa'.

Lucas 18:18

Ma' ac ca na wari' co hwara' opa ma'. Tomi' querec ac con na Jeju: Taramaxicon co awi, co ca' na taxipa' capijacon Iri' Jam ac con na. Cain' cain' xita' quem? Param inain ca e' cara pe ho' ton Iri' Jam ta non.

Lucas 5:22

Taxi' nonon Jeju pain ca coromicat ac i ma' caca ma'. Taxi' ximao na ximicon. Para coromicat ac i ma' hwe ma' quem ac tococwa na.

Lucas 5:31

Tomi' ac cocon na: Om ca cwirin' je toton oro wari' co awi urut xi' ma nana ma'. Cwirin' je e' inonon co querec pin' pan xucucun pain ca caracat nucucun. Win ne ca om aramao xio tococwa oro wari' co om caxi nana ma'. Aramao xio e' tata co caxi nana ma'. Ac i ma' ina quem, cwirin' je e' inonon oro caracat. Je ca maqui' ta' ca' na ca tomi' tococwa ma'.

Lucas 6:8

Ane taxi' cocon Jeju ne, taxi' nonon pain ca coromicat ac i ma' nucucun. Tomi' ac con na co xirac micon ma': Tequi' pe ra e'. Hap ra, xat pe rain ximijaxut ca' non. Tequi' pe ac ca na, hwet ac con na pain ximijacocon.

Lucas 7:39

Querec iri nain i ma' fariseu co cao' pe ho' ne non ma' ne, Simão ma'. Querec iri nam caxicam narima' pain ca ji'ao mi' con pain caji towaxi' caximacon Jeju ma' ne, coromicat pan ac xucun na: Cain' cain' xira co cwa' ne ta? Mo xi iri' profeta ca, querec pin' ac cam xira narima' co quep non ma', querec pin' xiram pain ca caxicam narima' cama ma' na ca coromicat nucun.

Lucas 7:41

Pijim' joc mam' mi' xim cocon wari' co wajim' nonon pain dinheiro wari' pane ac con na. Xiram pa' xut, mi' xut pain dinheiro. Main mi' in hwet xut pum pain ac cocon na. Ma, mi' ac tococwa pain na dinheiro ca param caca ma'. Xucun ma', ma' 500 na denário ca cut ca ma'. Xucun ma' iri na ne, ma' 50 e' na denário ca cut ca ma' quem.

João 13:13

Tomi' iri mahu' ne, Taramaxicon co ca' na taxipa' naparut pain capijacon Iri' Jam ta ac mahu' na. Taramaxicon ne ac mahu' na quem. Hohot na, tomi' xo' mahu', xi wata' ara ne co ca' na taxipa' nuhu' pain capijacon Iri' Jam. Wata' co taramaxicon pe ho' nuhu' ca' quem.

João 16:19

Taxi' naparut Jeju pain ca tomi' querec xun urut con quem. Je ca tomi' caparut ma': Tomi' querec xujuhu' pain ca tomi' xuhu' ne ra, pain ca maqui' ho' tara xec nein ca querec querec om mahu', om ta pain homa ne, querec mami' ac mahu' tara xuhu' ne ra? Je ca tomi' querec xujuhu' ma' ra?

João 16:30

Taxi' urut pum pain ca taxi' taxi' pi' pin main oro carawa. Oro ca tomi' querec xim urut pum quem, om ca param maparut pain ca tomi' querec urut pum pain, xi wara taxi' ximao ara main oro ca param nuxut ta. Je ca howa urut pum pain ca maqui' mon Iri' Jam ta urut con.

João 3:2

Hwet ton Jeju ta ac ca na, xut hwet towa ac con na. Tomi' xim inem Taramaxicon co pijim' mi' taxipa' nonon pain capijacon Iri' Jam ac con na. Taxi' urut pum pain ca maqui' mon Iri' Jam. Taxi' urut pum pain ca ca' na roron pain capija oro wari' quem pane. Xi an hwet pe taxi' ara main ca hwara' opa wa pain ca ara main oro ca om ara taxi' ne ca wari' wa ta. Mo xi om pe ho' quem Iri' Jam ma', om xi ara ac main oro ca ara ma ma' na ca tomi' con ma'.