Lucas 7:38 - Tradução Bíblica Pacaas Novos

³⁸ Xat pe ac camain na waracon Jeju ma', pain caximacon. Aca aca ja' ac camain na caximacon pain comi tocwam, mam' xic ac camain na pain tenenequem. Xic xic cawain' pin iri nain caximacon ne, xup ac camain na, ji'ao mi' ac camain na pain caji towaxi' ma' quem.

Lucas 7:38 Iomraidhean Croise

Mateus 5:4

Param mi' tata pain ca awi wa oro wari' co awaran nana pain xocori ca'. Wiricoco ara xi' nana co to' hwara' opa ca Iri' Jam pain ca tomi' xo' tococwa ma'. Ma' ta pi' pin ne ca tomi' xaxa' nucucun ta tata.

Lucas 22:62

Hwet mao iri na ne, aca tamana ac ca na.

Lucas 6:21

Wahu' pain ca pe' hwe pain xocori ca', param mi' nuhu' pain ca awi wa Iri' Jam. Xi maqui' ta' ara ne xec nein ca ma'am xi' hwe ta. Wahu' pain ca awaran hwe pain xocori ca', param mi' nuhu' pain ca awi wa Iri' Jam. Xi maqui' ta' ara ne xec nein ca tomi' querec te xi' hwe ta.

Lucas 7:37

Ma' na caxicam narima' co pe nain cidade ca pe pan ca fariseu ma' quem. Taraju ac cama na: Cao' pe ho' non fariseu Jeju ta na ca taraju cama ma'. Iri'o'? Hwet ac con na. An nain caji towaxi' ca hu awi ma', ca wara ji'ao pe cama pain caji too ca mam' quep xine pain ca awi ne pacun ca taramac tamana.

Lucas 7:39

Querec iri nain i ma' fariseu co cao' pe ho' ne non ma' ne, Simão ma'. Querec iri nam caxicam narima' pain ca ji'ao mi' con pain caji towaxi' caximacon Jeju ma' ne, coromicat pan ac xucun na: Cain' cain' xira co cwa' ne ta? Mo xi iri' profeta ca, querec pin' ac cam xira narima' co quep non ma', querec pin' xiram pain ca caxicam narima' cama ma' na ca coromicat nucun.

João 11:2

Wiricam Maria co cam ja' nain caximacon Taramaxicon nexi' Jeju pain caji towaxi' ca hu xain pane, co xic nain caximacon pain tenenequem pane. Wirico coxa' cama Lázaro co caxi ma'.

Tiago 4:9

Tomi' xaxa' tamana je pain ca pan teretem nuhu'. Awaran je, awaran xoc je. Tatam' maho' je, awaran e' je. Tomi' querec te ximama' maho' je, tomi' xaxa' e' je.