Lucas 7:37 - Tradução Bíblica Pacaas Novos

³⁷ Ma' na caxicam narima' co pe nain cidade ca pe pan ca fariseu ma' quem. Taraju ac cama na: Cao' pe ho' non fariseu Jeju ta na ca taraju cama ma'. Iri'o'? Hwet ac con na. An nain caji towaxi' ca hu awi ma', ca wara ji'ao pe cama pain caji too ca mam' quep xine pain ca awi ne pacun ca taramac tamana.

Lucas 7:37 Iomraidhean Croise

Mateus 21:31

Tomi' querec ac tococwa na: Ma' co tomi' ha' pan non cote ca quem tata. Wirico co pan' cain' ta nonon. Je ca tomi' xuhu' ca', tomi' iri'o' inuhu' ta ac tococwa na. Oro caracat ma', cocon oro caxicon wari' cacam oro caxicam narima' ma' quem, hohot nonon Iri' Jam, om ca i'ina cacam pain ca xin ne cocon Iri' Jam pain ca taramaxicon pe ho' tatam cacam ta. Wahu' iri na ne, om ca hohot hun Iri' Jam. I'ina tamana nuhu' pain ca xin ne hun pain ca taramaxicon pe ho' xim cuhu' ma'.

Lucas 18:13

Co ma' co cut in taxipa' imposto ma' iri na ne, mo mo pe na. Om ca noro piri' ca, noro quiji' nain macan', xi wixipa' ara ca ta. Wap nain quimacon pain ca querec pin' xucun pain ca pan tem nucun. Xiram pa' ne ta Iri' Jam. Caracat ara xi' ina ta na. Ac i ma' na ca pijim' nucun Jeju ma'.

Lucas 19:7

Oro wari' co querec nonon Jeju pain ca hwet con Zaqueu ma', tomi' ximama' tomi' ximama' pi' pin ac caca na. Cain' cain' xira quem? Pe ho' a xiron co caracat ta nana.

Lucas 5:30

Ane om querec hohot cocon oro fariseu cocon oro win ma' caca co ca' na taxipa' nanain ca xirao' nucun Moisés ma' ne. Tomi' ximama' ac cocon na co taxipa' ca Jeju: Para cao' to ho' huhun co cut in taxipa' nanain oro imposto ma'? Para cao' to ho' huhun oro caracat ma' quem? Para toc to ho' huhun ma' quem na ca tomi' querec cocon ma'.

Lucas 7:34

Wata' pain ca Iri' Wari' ta' ca' iri na ne, cao' ina, toc inain comi uva quem. Tomi' ximama' ac mahu' na: Xocomu ma, toc tamanain pe ma, taxipa' momon oro caracat ma', oro co cut in taxipa' nanain oro imposto ma', wiricoco oro wari' co hwet taxipa' wixicocon pain ca pan teretem nucucun ma' quem, wiricoco nana co taxipa' ma ma', ac i ma' na ca tomi' ximama' mahu'.

Lucas 7:36

Ma' ac ca na fariseu co hap ra non Jeju. Simão na wixicon. Hap ra, cao' pe ho' ne pain xuru ta non. Ma ac ca na, mao ac cain na xiricon, xao pe ho' ac con na pain pana ca mam' cao' to caca ma'.

João 11:2

Wiricam Maria co cam ja' nain caximacon Taramaxicon nexi' Jeju pain caji towaxi' ca hu xain pane, co xic nain caximacon pain tenenequem pane. Wirico coxa' cama Lázaro co caxi ma'.

João 9:24

Hap ra mami' ac cocon na co quep xio pin wa ma' quem. Tomi' iri'o' ra ta, taraju nem Iri' Jam ta. Taxi' urut con wari' ma', taxi' urut con pain ca caracat ca ma' na ca tomi' cocon ma'.

João 9:31

Taxi' urun Iri' Jam pain ca miri'om cocon oro caracat pain ca quep xiho' xut me cocon ma'. Ane xiram pa' cocon co tomi' ha' nonon ma' ne, co ara nanain ca param nucun ma'.

Romanos 5:8

Ane jimao ca Iri' Jam ne. An hwet mi' ara xi' napari' pain ca om noc capari' ca', xi om ne ca mi' pin caho' ara capari' Cristo ta. Mi' pin caho' napari' pain ca caracat caracat wet nexi' pane.

1 Timóteo 1:15

Maqui' iri nain macan' Cristo Jeju pane ne, to' witan toton oro caracat ta ac ca na. Iri'o' na ca tomi' ne ca'. Na e' na pain ca howa howa pi' pin xin ca tomi' ne ca'. Wata' co iri' caracat ta. Om na xucun wari' co an xiho' napa' pain ca caracat ne ta.

1 Timóteo 1:9

Taxi' irin i ca' quem: Pain ca hu cocon oro wari' Iri' Jam ma', pain ca tomi' ha' je cocon ma', om ca em' hwe ta tococwa co xuruxut xo' nana, om na. Mo nana co em' hwe ta wawa ma': Co miri'om nanain oro ca tomi' nucun Iri' Jam. Co ari nonon. Co om howa nonon. Co caracat taxipa' nana. Co miri'om nanain oro caramaxicon Iri' Jam. Co om win xumu nanain oro ca param nucun quem. Co to' pa' pin nonon mana cote caca cacam waram jicocon. Co to' pa' pin nonon oro win ma' caca quem.

1Pedro 4:18

Je ca xirao' pe xine pain capijacon Iri' Jam ma': Oro wari' co xuruxut xo' nana ma', co to' witan xun wawa ma', ma' paxi' na ca to' i'ina nonon. Oro caracat co miri'om nonon Iri' Jam ma' iri nana ne, ximin tatara, to' i'ina tamana totoron oro carawa jimao. Ac i ma' na ca xirao' pe xine pain capijacon Iri' Jam.