Lucas 7:35 - Tradução Bíblica Pacaas Novos

³⁵ Tomi' ximama' ac i ma' paxi' maparut, ane tomi' iri'o' urut pain ca pijim' nuxut ne. Oro wari' co taraju nanapa' pain ca pijim' ne ca', mo ta querec cocon oro co xuruxut xo' nana pain ca tomi' ha' cacapa' ma', querec pin' ac cacapa' tara pain ca tomi' iri'o' ta' ca' na ca tomi' tococwa ma'.

Lucas 7:35 Iomraidhean Croise

Mateus 11:19

Wata' pain ca Iri' Wari' ta' ca' iri na ne, cao' ina, toc inain comi uva quem. Tomi' ximama' ac mahu' na: Xocomu ma, toc tamanain pe ma, taxipa' momon oro caracat ma', oro co cut in taxipa' nanain oro imposto ma', wiricoco oro wari' co hwet taxipa' wixicocon pain ca pan teretem nucucun ma' quem, wiricoco nana co taxipa' ma ma', ac i ma' na ca tomi' ximama' mahu'. Tomi' ximama' ac i ma' paxi' maparut, ane tomi' iri'o' urut pain ca pijim' nuxut ne. Oro wari' co taraju nanapa' pain ca pijim' ne ca', mo ta querec cocon oro co xuruxut xo' nana pain ca tomi' ha' cacapa' ma', querec pin' ac cacapa' tara pain ca tomi' iri'o' ta' ca' na ca tomi' tococwa ma'.

Lucas 7:29

Oro wari' ma', cocon oro co cut in taxipa' nanain oro imposto ma' quem, taraju iri nonon Jeju pain ca tomi' ac i ma' ca con João ne, xin ne xin ne pi' pin ac cacain na ca coromicat an pe xo' nucun Iri' Jam ma', pain ca na e' na pain ca cwirin' hwein ca caracat nuhu' ta pan tococwa ma'. Wara ja' ara xi' tata pain com pane. Wirico João co ja' nonon pain com pane.

Lucas 7:34

Wata' pain ca Iri' Wari' ta' ca' iri na ne, cao' ina, toc inain comi uva quem. Tomi' ximama' ac mahu' na: Xocomu ma, toc tamanain pe ma, taxipa' momon oro caracat ma', oro co cut in taxipa' nanain oro imposto ma', wiricoco oro wari' co hwet taxipa' wixicocon pain ca pan teretem nucucun ma' quem, wiricoco nana co taxipa' ma ma', ac i ma' na ca tomi' ximama' mahu'.

Lucas 7:36

Ma' ac ca na fariseu co hap ra non Jeju. Simão na wixicon. Hap ra, cao' pe ho' ne pain xuru ta non. Ma ac ca na, mao ac cain na xiricon, xao pe ho' ac con na pain pana ca mam' cao' to caca ma'.