Lucas 7:32 - Tradução Bíblica Pacaas Novos

³² An xiho' nonon oro hwijima' co merem caracan xucucun pain ca waraju nucucun. Xao to nanain ca xao to to caca oro wari' pain ximijain cidade, merem ac xucucun na: On mi' paxi' urut pahu' pain xuwiwio' ca', ane om pi' xirao' hwe ne, ac i ma' na ca merem nucucun hwijima'. Merem ac xucucun na quem: Awaran waraju xi' paxi' urut pahu' pain ca ac ca mi' pin ca ne win ma' nexi' cwa' urut pahu', ane om awaran hwe ne. Ac i ma' na ca merem nucucun oro hwijima' pain ca om ha' xucucun pain ca waraju nucucun.

Lucas 7:32 Iomraidhean Croise

Mateus 20:3

Om ca pawin homa ca xina, in hwet ac cain na ca xao to to caca oro wari' pain cidade ma'. Querec ac tococwa na caram ma' co to ximama' e' nana ma'.

Lucas 7:31

Je ca tomi' xuhu' ca' ac tococwa na. Ma' co an xiho' caca oro wari' pain xocori ca' quem? Om na, pijim' joc mam' mi' xuhu' cocon wari' co an xiho' caca cwa'.

Lucas 7:33

Ac i ma' maparut pain ca pijim' nuxut ca' quem, an xiho' huhun oro hwijima' pain ca noc urut pain noc urut pain xucucun pain ca waraju nucucun. Noro jun João ma'. An pe nain ca cao' wa pain ca tomi' ton con Iri' Jam. Om ca toc cain comi uva quem. Tomi' ximama' pan ac hun na: Corom pe ho' non caxicon jam ta hun.