Lucas 7:30 - Tradução Bíblica Pacaas Novos

³⁰ Oro fariseu cocon oro co ca' na taxipa' nanain ca xirao' nucun Moisés ma' iri nana ne, om ca ja' tococwa pain com. Xi noc urut pain ta ara caca pain ca cwirin' jein ca caracat nuhu' ta tococwa.

Lucas 7:30 Iomraidhean Croise

Mateus 22:35

Tomi' pan ac ca na win ma' caca ma', co tomi' xo' taxi' nain oro ca xirao' nucun Moisés ma'. Tomi' querec ton e' ac ca na. Am tomi' ximao ca, am om tomi' ximao ca quem na. Je ca tomi' querec con Jeju:

Lucas 13:34

Tomi' xaxa' ina pahu' ac tococwa na oro wari' nein Jerusalém. Wahu' paxi' nana co to' parapa' nonon oro profeta pane. Wahu' paxi' nana co to' to' cono' pin nonon pain pacun oro wari' co mam' cuhu' Iri' Jam pane quem. Ane xiram pa' xuhu' ne. Om ca noc camain' xuhu'. Tama' cut in xuxuhu' na paxi' inuhu'. Tama' querec wet xuxuhu' na paxi' inuhu'. Win con jicon me pain ca cut corom to con oro wixicon pain tapaxicon ma', ac i ma' xuhu' paxi' inuhu' ta. Ane noc mahu' ne.

Lucas 20:6

Mo ta mi' non pain wari' xun. Cain' cain' xixi' quem? To' to' cono' pi' pin tatarapari' pain pacun oro wari' cwa'. Xi om ne ca iri' profeta na João ta ara caca ta nana.

Lucas 7:31

Je ca tomi' xuhu' ca' ac tococwa na. Ma' co an xiho' caca oro wari' pain xocori ca' quem? Om na, pijim' joc mam' mi' xuhu' cocon wari' co an xiho' caca cwa'.

Atos 20:27

Xi joc xim xuhu' pain oro ca param nucun Iri' Jam ta.

Romanos 10:21

Xirao' pe ac cain na ca tomi' nucun Iri' Jam cocon oro win judeu ta' ma' quem. Ca' na ca tomi' nucun Iri' Jam: Tama' harahap je, howa xine me paxi' inonon oro wari' ne pain oro xijein xec. Harahap je, howa xine me paxi' inonon. Ane om ha' cacapa' ne. Ari nanapa' quem, ac i ma' na ca tomi' nucun pane.

2 Coríntios 6:1

Je ca tomi' mip urut pahu' pain ca taramaja wi urut con Iri' Jam cwa'. Xin ne cara jun pain ca xiram pa' xuhu' ta cuhu' ma'. Ma' ta om werem pa' ne capijacon pahu' ta urut pahu'.

Gálatas 2:21

Om ca miri'om ton Iri' Jam pain ca xiram pa' e' capa' quem, om na. Mo xi to' hohot capari' ca tomi' ha' xin ca xirao' nucun Moisés ma', je i ma' xira ca mi' pin ximao ca Cristo ta.

Efésios 1:11

Oro ca ara ca Iri' Jam cwa', ara nain ca wara coromicat an pe xo' nucun. Win ne ca param ta' ca' na, ara ara ac cain na. Je ca wara tora' caparut pain ca judeu urut ca'. Wari' ne naparut. Xi om ne ca ma' ara cuhu' Cristo ta naparut.