Lucas 7:3 - Tradução Bíblica Pacaas Novos

³ Taraju ac caca na oro wari' pain ca maqui' na cocon Jeju. Iri'o'? Mo tomi' mi' xine con e' ac tococwa na oro taramaxicon nucucun oro judeu ma'. Hap ra, quep xio ron wari' ne co taramaja mi' e' napa' cwa' nem taramaxicon nucucun oro soldado ta xine con me na ca tomi' tococwa ma'.

Lucas 7:3 Iomraidhean Croise

Mateus 8:5

Mao ac cain na Cafarnaum Jeju ma'. Wa' mao iri na ne, xut hwet ac con Jeju na taramaxicon nucucun oro soldado ma'. Romano na. Ma' 100 nana oro soldado co taramaxicon ne nonon. Tomi' ac con na: Taramaxicon ne. Caxi tamana na wari' ne co taramaja mi' e' napa'. Carama pe na, om ca meo mami' ca pain ca caxi tamana nucun. Terem' e' na, terem' pe nain xuru cain. Jain jain na pain ca caxi tamana nucun ta non.

Lucas 7:2

Pe nain Cafarnaum taramaxicon nucucun oro soldado ma'. Romano na. Ma' 100 nana soldado co taramaxicon ne nonon. Ma' non wari' co taramaja mi' e' non ma', co tomi' querec te tamana ca ma'. Mija na ca caxi ca. Mi' pin ta' na ira.

Lucas 7:4

Hwet pin iri nonon Jeju ne, tomi' hwet ac cocon na pain ca tomi' nucun taramaxicon nucucun oro soldado. Xiram pa' ron me, xi awi ara ca ta. Hohot na pain ca quep xio mon wari' nucun ta nonon pain ca jain jain nucucun pain ca tomi' mip cocon Jeju ma'.

Lucas 8:41

Maqui' ac ca na wari' co querec wet nonon oro win judeu ca pain xirim ca cut in to xucucun ma'. Jairo na wixicon. Xut hwet ac con na Jeju, pe torotop mi' ac con na pain caximacon. Tomi' ac con na, jain jain na pain ca tomi' mip con ma'. Hap ra, ja' ja' ne pain xuru me non.

Lucas 9:38

Merem mip ac ca na wari' co xat pe ho' nonon oro wari' ma'. Quep xiho' ne con panxita' cwa' Taramaxicon co ca' na taxipa' capijacon Iri' Jam ac ca na. Xica' pe napa' panxita' cwa', om napa' xucun.

João 4:47

Tomi' ac caca na oro wari': Maqui' nain Judeia Jeju ta, wa' qui' nain Galileia ca' nana. Taraju iri na co ma' co caxi panxica ma' ne, mo hwet ac con na Jeju pain Caná. Jain jain na, mi' pin ta' na panxita' ta Jeju ac con na. Xiram pa' ne con. Mao rain xuru cain, pain Cafarnaum cain. Quep xio ron ta na ca tomi' con ma'.

Filemom 1:10

tomi' toto e' inem. Xiram pa' ron Onésimo cwa', co ac panxita' cwa'. Ac ca wanxi' ton na, xi om ne ca howa pin ara ca pain ca tomi' hwet ton con Cristo pain xirinain ca tao' to tao' to to wa ca'.