Lucas 7:28 - Tradução Bíblica Pacaas Novos

²⁸ Je ca tomi' xuhu' ca' ac tococwa na. Iri' wari' na João, hwara' opa na. Om na xucun wari' co tiquin' ca' non pain ca hwara' opa nucun, om nana oro hwanana co hwara' opa tiquin' ca' nonon quem, om om paxi' nana. Ane hwara' opa tiquin' ca' pan con João wari' co om hwara' opa camain' ne, co taramaxicon pe ho' ca Iri' Jam pain ca howa capa' ma', hwara' opa tiquin' ca' pan non João ta na ca tomi' tococwa ma'.

Lucas 7:28 Iomraidhean Croise

Mateus 11:11

Je ca tomi' xuhu' ca', tomi' iri'o' inuhu' ta ac tococwa na. Iri' wari' na João co ja' taxipa' com, hwara' opa na. Om na xucun wari' co tiquin' ca' non pain ca hwara' opa nucun, om nana oro hwanana co hwara' opa tiquin' ca' nonon quem, om paxi' nana. Ane hwara' opa tiquin' ca' pan con João wari' co om hwara' opa camain' ne, co taramaxicon pe ho' ca Iri' Jam pain ca howa capa' ma', hwara' opa tiquin' ca' pan non João ta.

Mateus 3:1

Pain pin iri na ne, maqui' ac ne na oro xec nein ca ja' taxipa' com João pane, pain ca pijim' pe cain mahweri pain Judeia pane.

Lucas 3:16

Ane tomi' xo' ca' cocon João ne: Ja' paxi' inuhu' pain com ta, ane maqui' ta' ca xucun co hwara' opa tiquin' ca' napa' ne. Iri' wari' na. Om ca hohot ne pain ca taramaja mi' ton, om xi quep xiho' camain' ton pain ca tacom' mi' ton pain macorinain caji caximacon ma', xi iri' wari' ta' ta. Mo ta cwirin' pin hwein ca caracat nuhu' ma', mi' ac cuhu' tara pain Tamataracon Iri' Jam. Mo ta om cwirin' je na hwein ca caracat nuhu' ma' quem, wixicaracao' mi' ac cuhu' tara pain cote ne xe ta.

Lucas 7:27

Wirico João co xirao' pe ca profeta pane, pain ca xirao' pe cain ca tomi' nucun Iri' Jam pane, pain ca tomi' capa' pain ca main mao rain macan' ta capa' pane. Ca' na ca xirao' pe nucun pain ca tomi' xo' capa' con João pane: Main tomi' ton wari' co tomi' hwet tain nain capija ca'. Tomi' ca' ton pum: O ra ta ton, tomi' xo' ac tococwa tara oro wari' pum. Ma' ta winim' xo' quequem. Ac ca wara ara xo' cain wanajum ma' tara pain ca tomi' xo' tococwa oro wari' pum ta. Ac i ma' na ca xirao' pe ca profeta pane, pain ca xirao' pe cain ca tomi' xo' capa' Iri' Jam con João pane.

Lucas 7:29

Oro wari' ma', cocon oro co cut in taxipa' nanain oro imposto ma' quem, taraju iri nonon Jeju pain ca tomi' ac i ma' ca con João ne, xin ne xin ne pi' pin ac cacain na ca coromicat an pe xo' nucun Iri' Jam ma', pain ca na e' na pain ca cwirin' hwein ca caracat nuhu' ta pan tococwa ma'. Wara ja' ara xi' tata pain com pane. Wirico João co ja' nonon pain com pane.

Lucas 9:48

Noro jun pije' cwa', co om hwara' opa cwa' ac tococwa na co taxipa' ca ma'. Wari' co tomi' querec te non pain ca om hwara' opa nucun ca', coromicat ca' iri na ne: Tomi' querec te inem, xi om ne ca howa ara ton Jeju ma', mo ta coromicat ac i ma' ca pain ca tomi' querec te inem con ma', ac ca tomi' querec te capa' na. Tomi' querec te iri napa' ne, tomi' querec te non co cwain co hwet roron oro wari' napa' ma' quem na ca tomi' tococwa ma'. Je ca tomi' xuhu' ca' ac tococwa na. Wari' co om xec xec ma' pahu', co om hwara' opa pan ina ta pahu', wirico tara co hwara' opa pan pahu' ta na ca tomi' tococwa ma'.