Lucas 7:27 - Tradução Bíblica Pacaas Novos

²⁷ Wirico João co xirao' pe ca profeta pane, pain ca xirao' pe cain ca tomi' nucun Iri' Jam pane, pain ca tomi' capa' pain ca main mao rain macan' ta capa' pane. Ca' na ca xirao' pe nucun pain ca tomi' xo' capa' con João pane: Main tomi' ton wari' co tomi' hwet tain nain capija ca'. Tomi' ca' ton pum: O ra ta ton, tomi' xo' ac tococwa tara oro wari' pum. Ma' ta winim' xo' quequem. Ac ca wara ara xo' cain wanajum ma' tara pain ca tomi' xo' tococwa oro wari' pum ta. Ac i ma' na ca xirao' pe ca profeta pane, pain ca xirao' pe cain ca tomi' xo' capa' Iri' Jam con João pane.

Lucas 7:27 Iomraidhean Croise

Mateus 11:10

Wirico João co xirao' pe ca profeta pane, pain ca xirao' pe cain ca tomi' nucun Iri' Jam pane, pain ca tomi' capa' pain ca main mao rain macan' ta capa' pane. Ca' na ca xirao' pe nucun pane: Main tomi' ton wari' co tomi' hwet tain nain capija ca'. Tomi' ca' ton pum: O ra ta ton, tomi' xo' ac tococwa tara oro wari' pum. Ma' ta winim' xo' quequem. Ac ca wara ara xo' cain wanajum ma' tara pain ca tomi' xo' tococwa oro wari' pum ta. Ac i ma' na ca xirao' pe ca profeta pane, pain ca xirao' pe cain ca tomi' xo' capa' Iri' Jam con João pane na.

Marcos 1:2

Win ne ca xirao' pe ca profeta Isaías cara pane. Ca' na con pane: Main tomi' ton wari' co tomi' hwet tain nain capija. Tomi' ca' ton pum: O ra ta ton. Wara quep xo' tarain wanajum.

Lucas 1:76

Je ca tomi' xim ca' arain ac con na panxica. Hwara' pin iri ra ne, iri' profeta nucun Iri' Jam co Iri' Taramaxicon pan ta ac ma tara. Xi wara o ta' ara ma con Taramaxicon nexi' ta. Tomi' xo' ac momon tara oro wari' con, ma' ta winim' xo' cocon. Ac ca wara ara xo' main wanaxicon tara pain ca tomi' xo' momon ta.

Lucas 7:26

Ma' co querec xi' hwe pane quem? Querec xun hun profeta ra? Iri'o' na, wirico profeta co querec hwe pane. Querec hun profeta co hwara' opa tamana. Hwara' opa tiquin' ca' nonon oro xucucun profeta. Tomi' iri'o' inuhu' ta.

Lucas 7:28

Je ca tomi' xuhu' ca' ac tococwa na. Iri' wari' na João, hwara' opa na. Om na xucun wari' co tiquin' ca' non pain ca hwara' opa nucun, om nana oro hwanana co hwara' opa tiquin' ca' nonon quem, om om paxi' nana. Ane hwara' opa tiquin' ca' pan con João wari' co om hwara' opa camain' ne, co taramaxicon pe ho' ca Iri' Jam pain ca howa capa' ma', hwara' opa tiquin' ca' pan non João ta na ca tomi' tococwa ma'.

João 1:23

Wata' co xirao' pe ca profeta Isaías cara pane ac tococwa na. Ca' na ca tomi' ca pane: Wata' co merem pe nain mahweri. Quep tan pan mi' jun pain wana Taramaxicon nuhu' inonon oro wari'. Ac i ma' na ca tomi' tococwa ma'.