Lucas 7:25 - Tradução Bíblica Pacaas Novos

²⁵ Ma' co querec xi' hwe pane quem? Querec xun hun wari' co caramaju ra, co pe non wom co awi ma', co ma' non oro carawa ca param ca ma', wirico co querec xi' hwe ra? Om na quem. Xi to ara cacain xiricon taramaxicon oro wari' co caramaju ac i ma' nana ta.

Lucas 7:25 Iomraidhean Croise

Mateus 11:8

Ma' co querec xi' hwe pane quem? Querec xun hun wari' co caramaju ra, co pe non wom co awi ra? Om na quem. Xi to ara cacain xiricon taramaxicon oro wari' co caramaju ac i ma' nana ta.

Mateus 3:4

Pe taxipa' nain tenenein camelo João pane, wirico co ma' womicon pane. Tucu pan xucun pain tapari carawa pain ximijacon. Cao' taxipa' na can, xac taxipa' na tawi quem.

Mateus 6:29

Ane om ca wom co awi co awi tiquin' ca' nain hwijein pana ca' ne, om om na. Caramaju tamana paxi' na Salomão cara pane, awi tamana paxi' na womicon pane. Ane awi tamana ca' con womicon Salomão oro hwijein pana ca' ne. Tomi' iri'o' inuhu' ta.

Lucas 16:19

Ma' na wari' co caramaju pane ac tococwa na. Pe taxipa' non iri' wom co mija dinheiro nucun. Cao' e' nain oro carawa ca mija dinheiro nein pain oro xijein xec quem.

Lucas 7:24

Mama' iri nana co taxipa' ca João ne, tomi' ac cocon na oro wari' Jeju. Tomi' mi' nonon con João: Ma' carawa ca querec xi' hwe pain ca mama' hwein mahweri pane? Querec xun hun wari' co pijim' ximao ra, co an xiho' nain caji quiwo' ca meo ximao pain hotowa ra? Om na.

Lucas 7:26

Ma' co querec xi' hwe pane quem? Querec xun hun profeta ra? Iri'o' na, wirico profeta co querec hwe pane. Querec hun profeta co hwara' opa tamana. Hwara' opa tiquin' ca' nonon oro xucucun profeta. Tomi' iri'o' inuhu' ta.