Lucas 7:22 - Tradução Bíblica Pacaas Novos

²² Taraju iri nonon pain ca tomi' querec nucucun co taxipa' ca João ne, tomi' xo' ac tococwa na: In hwet jun João ta. Tomi' hwet ac hun tara pain oro ca querec hwe ca', je pain oro ca taraju hwe ca' quem. Querec pin nana co om tococon. Xuruxut pin nana co xuruxut xirac nana. Xio pin nana wari' co ma' nonon caji nan. Taraju pin nana co om taraxicocon. E' mami' nana co cono' nana. Pijim' mi' inonon pain capijacon Iri' Jam oro wari' co ximin nana quem, pain ca to' witan pin xim cuhu' Iri' Jam ta toton ca'.

Lucas 7:22 Iomraidhean Croise

Mateus 11:5

Querec pin' nana co om tococon. Xuruxut pin nana co xuruxut xirac nana. Xio pin nana co ma' nonon caji nan. Taraju pin nana co om taraxicocon. E' mami' nana co cono' nana. Pijim' mi' inonon pain capijacon Iri' Jam oro wari' co ximin nana quem, pain ca to' witan pin xim cuhu' Iri' Jam ta toton ca'.

Mateus 21:14

To nanain i ma' co om tococon. Ma' nana co caji at nana ma' quem. Hwet ac cocon na Jeju pain ca tao' caho' nein xiricon Iri' Jam ma', quep xio pin ac tococwa na quem.

Lucas 4:18

Pe ho' napa' Tamataracon Iri' Jam. Xi tora' ara capa' ta. Pijim' hwet roron pain capija oro wari' co ximin nana ta napa', pijim' hwet roron pain capija ca tomi' hwet nonon pain ca to' witan ton toton ca' napa'. Oro wari' co om tococon ma', pijim' hwet roron pain napa'. To' querec pin mami' xuhu' ta nuhu' ta napa'. To' witan roron co quep em' wawa ta napa'.

Lucas 7:21

Pain xec nein ca hwet cocon Jeju co taxipa' ca João ma', quep xio tamana nonon wari' Jeju ma'. Quep xio pin tata co caxi tamana nana, tomi' jein pin tata oro caxicon jam co corom to ho' nonon quem. Mija nana wari' co om tococon ma' quem, quep ma' pin mami' ac cain na tococon.

Lucas 7:23

Tomi' jun pain i ca' quem: Wari' co howa cara napa' ma', co om tara con ta'a napa' ma', wirico tara co param mi' ca pain ca awi wa Iri' Jam ta, ac i ma' na ca tomi' xo' tococwa ma'.

João 1:46

Ma' tara ca quep xiho' taxi' capari' wari' co maqui' nain Nazaré ra ac ca na Natanael. Hap ra. Querec ra e' ac con na Filipe.

Atos 26:18

Ac ca to' querec pin momon tara pain tococon ma', ma' ta querec pin' cacapa'. Ac ca to' xuruxut ni ca' momon tara pain ca jitacat nein ma', pain ca xuruxut pin xin cacain naran ne ca', pain ca an to pin xin cacain ca caracat nucucun ma' quem. Taramaxicon pe ho' taramaxicon pe ho' om pin ac cocon tara Caxicon Jam, taramaxicon pe ho' pin ac cocon tara Iri' Jam ma' quem. Howa iri tatarapa' ne, xic am pin ac tococwa tara pain ca caracat nucucun, aram aram mi' mi' ac tococwa tara pain oro ca param nucun Iri' Jam ca cut to xo' mi' xun tococwa pain oro wari' nucun co to' hohot pin ca ma'. Ac i ma' na ca tomi' capa' Jeju pane.

Atos 8:7

Mija nana wari' co quep xio pin wawa pain ca tomi' jein pin tococwa oro caxicon jam co corom to ho' nonon ma'. Tomi' jein pin iri tata ne, u mip ac caca na, hwerehwet ca' ac tococwa na. Co carama to nana ma', co xuruxut xirac nana ma' quem, ma' mija nana co quep xio pin wawa.

Tiago 2:5

Je ca tomi' xuhu' pain ca tomi' querec te xuhu' ca' xere. Taraju wet je e'. Oro wari' co ximin nana pain macan' ca', wiricoco co tora' pan ca Iri' Jam ma', pain ca howa xine cocon ma'. Tomi' ca' tata: Howa iri mahu' ne, ac ca caramaju tamana hwe na. Main mi' xuhu' pain ca to ho' mahu' pain ca aram aram taramaxicon pe ho' xuhu' ta' ta. Wara tomi' pe ara xi' inuhu' pain, xi om noc ara mahu' ta pan tata.