Lucas 7:2 - Tradução Bíblica Pacaas Novos

² Pe nain Cafarnaum taramaxicon nucucun oro soldado ma'. Romano na. Ma' 100 nana soldado co taramaxicon ne nonon. Ma' non wari' co taramaja mi' e' non ma', co tomi' querec te tamana ca ma'. Mija na ca caxi ca. Mi' pin ta' na ira.

Lucas 7:2 Iomraidhean Croise

Mateus 27:54

Taramaxicon ma', cocon oro soldado nucun co querec wet nonon Jeju ma', querec iri nanain ca cocoroc ne macan' ma' ne, querec iri nanain oro ca ara ne con Jeju ma' ne. Jin' tamana ac caca na. Iri' Panxica Iri' Jam ca ma' ira nana.

Lucas 23:47

Taramaxicon nucucun oro soldado ma', querec iri nain oro ca ara ne con Jeju ma' ne, tomi' ac ca na: Wa inon co cwa' me. Iri' wari' ca ma' ira na ca tomi' ca pain ca tomi' querec te con Iri' Jam.

Lucas 7:1

Pi' pin iri na ca pijim' nucun Jeju ne, pain ca ca' na cocon pain capijacon Iri' Jam oro wari' ma', mao tain i cain ta ac ca na, wa' mao ac cain na Cafarnaum.

Lucas 7:3

Taraju ac caca na oro wari' pain ca maqui' na cocon Jeju. Iri'o'? Mo tomi' mi' xine con e' ac tococwa na oro taramaxicon nucucun oro judeu ma'. Hap ra, quep xio ron wari' ne co taramaja mi' e' napa' cwa' nem taramaxicon nucucun oro soldado ta xine con me na ca tomi' tococwa ma'.

Lucas 8:42

Hap ra non Jeju, xi caxi ara cama panxica ta. Xica' pe na panxica, om na xerequem. Ac ca ma' 12 ne na cawaxi' nequem. Mi' pin ta' na ira. Je ca ja' ja' ne pain xuru con Jeju ma'. Ma ac ca na, hwet ac con na quem. Mija nana wari' co ja' ja' nonon pain wana ma'. Xao xao tamana nonon.

Atos 10:1

Pe nain xijein cidade wari' co taramaxicon nucucun oro soldado. Cornélio na wixicon. Cesareia na wixinain cidade ca pe pan ca ma'. Ma' 100 nana oro soldado co taramaxicon ne nonon ma'. Maqui' nanain Itália. Soldado wi nana cocon oro xucucun soldado co maqui' nanain Itália quem. Je ca Oro Italiano tococwa ma'.

Atos 10:7

Mao iri na jam co tomi' non ma' ne, harahap je ac tococwa na wari' nucun co taramaja mi' nonon ma'. Ma' 2 nana. Tomi' ac tocwa na soldado co quep xiho' non ma' quem, co xut xo' pain ca win xumu e' cain ca param nucun Iri' Jam ma' quem.

Atos 22:26

Taraju iri nain i ma' taramaxicon ma' ne, pain ca romano ina ta ca Paulo ma', mo hwet ac con na comandante. Cain' cain' ton ma quem? Xi romano ina ta ara ca ta na ca tomi' con ma'.

Atos 23:17

Na ra ac ca na, hap ra ac con na taramaxicon nucucun oro soldado ma'. O mi' ron con comandante co cwa' co xo' hwara' cwa'. Ma' na carawa ca tomi' hwet ton ca ca' non.

Atos 27:1

Tomi' ac ca na Festo: Na e' na pain ca horoho mama' ho' hwein Itália ta naparut. Tomi' xo' ac con na taramaxicon nucucun oro soldado ma'. Júlio na wixicon. Oro soldado nucun iri' taramaxicon César nana co taramaxicon ne nonon ma'. Tomi' xo' non Júlio Festo ma'. Querec wet xo' ron Paulo cocon oro win pao' to ca cwa'. Joc tan' xo' pin roron pain Roma ta non.

Atos 27:3

Xec pin iri na ne, piri' to ac urut pain na xijein cidade ma', Sidom na wixinain. Xiram pa' ac con Paulo na Júlio ma' quem. Hohot na pain ca mo hwet momon oro win ma' ma co to nanain Sidom ca' ac con na. Ma' ta quep xiho' quequem, ma' ta mi' quequem pain oro ca param ma ma' non.

Atos 27:43

Ane nain ho' con Paulo taramaxicon nucucun oro soldado ma' ne. Om na ta, ta to' parapa' pin huhun me ta tata. Tomi' ac caparut na: Wahu' pain ca pan caracam taxi' hwe ma', pocorocom cain' jein com ta. Wara pan caracam hwet jein cacarain cain.

Colossenses 3:22

Tomi' inuhu' pain ca taramaja mi' e' huhun taramaxicon nuhu' pain macan' ca' quem. Tama' tomi' ha' jujun pain oro ca ara je cucuhu' ma'. Ta tomi' ha' e' huhun pain ca querec hohot xuxun pain ca ja' noro cacapari' ta hwe me. Tomi' ha' iri'o' jujun, tomi' ha' querec te tara iri' xumuhu' ta, xi tomi' ha' pan ara hun Taramaxicon nexi' ta.