Lucas 7:19 - Tradução Bíblica Pacaas Novos

¹⁹ Mo hwet jun Taramaxicon nexi' ta ac tococwa na. Tomi' querec ca' jun: Wum tara co wara tomi' pe ca Iri' Jam pane, co main maqui' tara ta ca pane ra? Winim' jun xucun maparut ra? Ac i ma' tara ca tomi' querec hun ta tata.

Lucas 7:19 Iomraidhean Croise

Marcos 6:7

Harahap je, tomi' xuhu' ta ac tococwa na co taxipa' ca ma', co ma' 12 nana ma'. Wawaran mama' je pain oro xijein macan' ta ac tococwa na. Mama' 2 mama' 2 xam' je pain ca hwet xun huhun oro wari' ma', pain ca cwirin' jein ca caracat nuhu' ta huhun ma'. Mi' inuhu' pain ca tomi' jein pin huhun oro caxicon jam ta na ca tomi' tococwa ma'.

Lucas 10:1

Om ca pain homa ne, tomi' xo' ac tococwa na oro xucucun co taxipa' ca ma'. Wirico Taramaxicon nexi' co tomi' xo' nonon. Ma' 72 nana co tomi' xo' ca ma': Main mao tain oro xijein cidade cain, mao tain oro ca to pan caca oro wari' ma' quem ac tococwa na. Wara mama' 2 mama' 2 xam' je, maqui' ta' pa'ao' ac tococwa na.

Lucas 11:1

Maqui' ac ne na xec pain ca tomi' pe ton Te pain i cain ta ca Jeju. Tomi' tomi' ac con na. Pi' pin iri na ca tomi' con ne, tomi' pan ac con na co taxipa' ca ma'. Taramaxicon nuxut ac con na. Ca' na xut pain ca tomi' xut con Iri' Jam me. Win ca João cara pane, pain ca ca' na tococwa pain ca tomi' wa Iri' Jam co taxipa' ca pane na ca tomi' con ma'.

Lucas 11:39

Tomi' ac con na Taramaxicon nexi': Wahu' ma', pain ca fariseu hwe ma', ac ca hohoc xo' paxi' hwein na too ca mam' cao' hwe ma', je ca mam' toc hwe ma' quem. Ac ca awi paxi' ne na xonein ma' pahu', ane mixem cara ne quimain ne. Ac i ma' pan hwe quem. Hohoc xo' paxi' hwein curuhu' ma', ane mixem cara ne xumuhu' ne. Param ximama' e' hwein oro caramaxicocon oro win ma' nuhu', pan teretem hwe quem.

Lucas 12:42

Na e' na pain ca an xiho' hun wari' co taramaja xo' ma', co coromicat xo' pain ca querec wet cain caramaxicon taramaxicon nucun ta ac tococwa na. Mao tain pira iri na taramaxicon nucun ne, tomi' mam' ac con na: Querec wet roron oro win ma' ma co taramaja mi' e' nanapa' cwa', querec wet xo' roron pa'ao'. Mi' xo' roron pain carawa ca cao' wa quem na ca tomi' mam' con ma'.

Lucas 13:15

Tomi' ac ca na Taramaxicon nexi': Wa inuhu' pain ca ac ca iri'o' xi' ca' tara me hwe ma'! Win hwe pain ca wara pao' to hwein boi nuhu' je burro nuhu' pain ca cao' to ne ma'. Toc tara com iri hwein pain sábado ne, om ca tacom' horohot hwein ra? Om ca o hwerehwet hwein, om ca o mi' hwein pain com ra? Ac i ma' ac i ma' xam' hwe ta.

Lucas 17:5

Tomi' ac cocon na Jesus oro apóstolo ma': Howa paxi' urut pum Taramaxicon nuxut. To' hwara' pin rain ca howa nuxut quem me na ca tomi' cocon ma'.

Lucas 17:6

Je i ma' ira ac tococwa na. Noro jein wijimain tocwi mostarda ma'. Iri' wijimain na. Iri' wijimain ac i ma' paxi' tara ca howa nuhu' quem. Je i ma' ira, mo ta howa wijimain e' mahu', ha' ac cuhu' tara pain ca tomi' ca' hwein pana ma': Hot pin xijem, oin' pe xijem pain cote ne com ta, ac i ma' tara ca tomi' hwein. Tomi' ha' ac cuhu' tara quem na ca tomi' tococwa ma'.

Lucas 18:6

Tomi' tomi' tiquin' ac ca na Taramaxicon nexi': Noro jein ca tomi' nucun juiz co mixein ma'.

Lucas 19:8

Ane tequi' pe ca Zaqueu ne, tomi' ac con na Taramaxicon nexi': Taraju wet ne e' Taramaxicon ac con na. Oro caramaju ca', an to ni an to ni tain, 2 tara ca an to ni nein pata'. Wirain ca pe ho' xim napa', an xiho' tarain wirain ca mi' toton oro wari' co ximin nana ma', co om nonon carawa. Oro wari' co an noc xa ta' pane quem, pain ca cut noc xa 100 tain dinheiro nucun xucun pane, cut in mi' 400 ac ton pain tara. Pain ca cut noc xa 1.000 tain dinheiro nucun xucun pane quem, cut in mi' 4.000 ac ton pain tara quem na ca tomi' pe con ma'.

Lucas 22:61

Tucu in hwet pan ac con na Taramaxicon nexi' ma'. Noro ac con na. Querec iri non Jeju Pedro ne, mam' pe wet ac cain na ca tomi' nucun pane: Om ta aca querec ca me pain xim ca', tomi' ac momon tara: Om ca querec pin' ton ta ac momon tara pata', 3 tara ca tomi' ac i ma' momon ma' quem non pane.

Lucas 24:34

Tomi' pan ac caca na: Iri'o' na ca e' mami' ca Taramaxicon nexi' ta. Hwet pa' non Simão cwa' quem nana.

Lucas 7:13

Querec iri nam Taramaxicon nexi' ne, xiram pa' ac cam na. Ta aca ma me ta nam.

Lucas 7:20

Hwet ac cocon na Jeju, tomi' querec ac cocon na: Tomi' naparut João co ja' taxipa' com ma', tomi' querec ca' jun ta naparut pum nonon. Wum tara co wara tomi' pe ca Iri' Jam pane, co main maqui' tara ta ca pane ra? Winim' jun xucun maparut ra? Ac i ma' na ca tomi' querec jun ta caparut pum ta nonon.

João 11:2

Wiricam Maria co cam ja' nain caximacon Taramaxicon nexi' Jeju pain caji towaxi' ca hu xain pane, co xic nain caximacon pain tenenequem pane. Wirico coxa' cama Lázaro co caxi ma'.

João 4:1

Mija nana wari' co ja' ja' nonon Jeju ma', mija nana co ja' ca pain com quem, ac i ma' na ca tomi' caca oro wari' pane. Taraju nana oro fariseu ma' quem. Mija tiquin' ca' nonon co ja' ja' nonon João ma', mija tiquin' ca' nonon co ja' pan ca pain com João ma' quem na ca taraju caca oro fariseu.

João 4:25

Tomi' ac cama na: Maqui' ta' tara iri' taramaxicon co Messias urut, wirico Cristo ta. Main maqui' ta' tara, taxi' inon. Maqui' iri tara ne, tomi' xo' tomi' xo' pi' pin ac caparut tara pain oro ca param nucun Iri' Jam ac con na.

João 6:23

Ma' ac ne na oro wirain mam' horoho wa ca maqui' nain Tiberíades ma' quem. Piri' to xin i ma' ta ac caca na oro wari' nein, piri' to ja' pan ac cacain na ca cao' to cacain capam' oro wari' cara ne, ca tomi' pe qui' con Iri' Jam pain ca tomi' querec te urut pum pain capam' ca' quem Te qui' ca pane.

Apocalipse 11:3

Ma' 2 tatara wari' ne co pijim' xin nanain capija ca iri'o'. To totoron caxicon wom, ma' ta querec pin' cacapari' pain ca tomi' xaxa' nexi' pain ca caracat nucucun oro wari' ta tatara. Pijim' hwet ac cacain tara capija. Ma' 1.260 tara xec pain ca pijim' nucucun. Ac i ma' na ca tomi' capa' ma'.