Lucas 7:17 - Tradução Bíblica Pacaas Novos

¹⁷ Oro wari' co to nanain oro xijein cidade pain Judeia ma', je pain oro xijein xirim ca to ja' pan nonon ma', taraju taraju pi' pin ac cacain na oro ca ara ca Jeju.

Lucas 7:17 Iomraidhean Croise

Mateus 2:1

Pan' pe nain Belém Jeju, pain macarain Judeia ma'. Je ca pan' pe ca pane. Pain ca taramaxicon taramaxicon wet ca Herodes pane, je ca pan' qui' ca Jeju. Om om, maqui' ac caca na caram ma' co noro taxipa' nonon oro pijo'. Maqui' nanain pira pain ca maqui' ac ca xina. Xuruxut xuruxut hwet ac cacain na Jerusalém.

Mateus 4:24

Taraju ac caca na oro wari' co to nanain pira pain oro xijein cidade pain Síria ma' quem. Quep xio nonon oro wari' Jeju ta na ca taraju nucucun. Je ca cut qui' cut qui' pi' pin tococwa oro wari' co caxi nana ma', co jain jain nana pain oro ca caxi tamana nucucun ma'. Mo nana: Co corom to ho' nonon caxicon jam ma', co pa' taxipa' nonon tamanain ma', co carama to nana ma', quep xio quep xio pi' pin ac tococwa na.

Mateus 9:26

Tomi' hwet tomi' hwet xam' ac cacain na oro wari' pain oro xijein cidade ma' quem.

Mateus 9:31

Tomi' ac i ma' paxi' tata, ane om tomi' ha' caca ne. Mama' iri nana ne, tomi' hwet tomi' hwet xam' ac cocon pain na oro wari' pain oro xijein cidade ma'.

Marcos 1:28

Oro wari' co to nanain oro xijein cidade pain Galileia ma', taraju hap ac cacain na oro ca ara ca ma'.

Marcos 6:14

Taramaxicon Herodes ma', taraju ac cain na ca tomi' nucucun oro wari' pain ca tomi' hwet cacain oro ca ara ca Jeju. Xi taraju taraju pi' pin ara cocon ta. Ma' nana co tomi' ca' nana ma': Om na, wirico co cwa' João cara pane, co ja' taxipa' nonon pain com oro wari' pane. E' mami' na João cara pane. Je tara ca ha' con pain ca ara cain oro ca om ara taxi' ne ca wari' wa ta, ac i ma' na ca tomi' caca ma'.

Lucas 4:14

In mao ac cain na Galileia Jeju. Pe ho' mip non ca hwara' opa nein Tamataracon Iri' Jam quem. Tomi' hwet tomi' hwet pi' pin ac xucucun con na oro wari' pain oro xijein cidade pain i cain.

Lucas 7:14

Wixicam pin ac cam na, quep ac cain na pana ca an terem' pe tocwa cawinacam. Coco' ac caca na co an mamam' nanain ma' quem. Tomi' inem ta arain. Tequi' pe ra ta na ca tomi' con ma'.