Lucas 7:16 - Tradução Bíblica Pacaas Novos

¹⁶ Jin' tamana ac caca na oro wari' ma', in ac nonon Iri' Jam pain ca awi na awi na cocon ma'. Pe ho' pin napari' profeta co hwara' opa cwa'! Hwet pin capari' Iri' Jam pain ca xiram pa' toton capari' pain ca wari' ne capari' ca' ira! Ac i ma' na ca tomi' caca ma'.

Lucas 7:16 Iomraidhean Croise

Mateus 15:31

Wa wa ac cocon na oro wari' pain ca querec cacain ca ara ca ma'. Tomi' pin nana co om capijacocon ma'. Xio pin nana co caji at nana ma'. Xuruxut xo' pin nana co xuruxut xirac nana ma'. Querec pin' nana co om tococon ma' quem. Awi tamana na Iri' Jam co howa iri' pain ca waram winacon Israel iri' cwa' nana pain ca tomi' nucucun.

Mateus 21:11

Om na, wirico co cwa' Jeju cwa', wirico co cwa' profeta co maqui' nain Nazaré pain Galileia ta nana co ja' ja' nanaparut ma'.

Mateus 28:8

Hwerehwet ca' hap ac cacamain na manain pacun ma'. Jin' paxi' nana, ane tomi' querec te tamana cacama ne. Maji jein hwet xuxun co taxipa' ca cwain. Tomi' hwet xuxun pain ca ara ne con Jeju ta nana.

Mateus 9:8

Querec iri nanain i ma' oro wari' ma' ne, wa wa pin ac caca na, in ac tamana ac cocon na Iri' Jam quem. Awi na Iri' Jam ta, mi' non pain ca hwara' opa wa wari' cwa', pain ca quep xio ron co carama pe cwa' ta con ca' na ca tomi' caca ma'.

Lucas 1:65

Jin' jin' pi' pin ac cacama na oro win ma' cacama pain ca querec pin' cocon Iri' Jam pain ca hwara' opa tamana nucun. In ac nanain oro ca ara ne con Zacarias con panxica. Tomi' hwet tomi' hwet pi' pin ac tococwa na pain oro wari' co to nanain oro cidade ma', je pain ca tamaja pan ne macarain Judeia ma' quem.

Lucas 1:68

Awi tamana na Iri' Jam co Iri' Taramaxicon cwa', co howa iri' pain ca wari' nein Israel iri' ca'. Na e' na pain ca tomi' hwet xin ca tomi' querec te nexi' con ta. Xi hwet ara capari' pain ca wari' ne capari' ca'. To' witan xim napari' quem.

Lucas 19:44

Corom hwet ac cucuhu' tara, om ta xiram pa' camain' cucuhu', to' parapa' pin tuturuhu'. Wahu', mana panxihwe ma' quem, to' parapa' to' parapa' pi' pin ac cucuhu' tara. Om ta to wet xica' pe camain' ne oro pacun nein oro xuruhu' ma' quem, to' pa horohot pi' pin tatarain ta. Xi querec pin' hun Iri' Jam pain ca to' witan xim paxi' cuhu' pata' ta na ca tomi' tococwa pain ca aca nucun.

Lucas 2:20

In mama' ac caca na caram ma' co querec wet nanain ovelha nucucun. Awi ma awi ma nonon Iri' Jam pain ca in ac cocon ma'. Tomi' querec te urut pum pain oro ca taraju urut pum, je pain oro ca querec urut pain ca hwet urut con pije' ma' quem. Iri'o' na ca tomi' nucun jam co taramaja mi' nem ta, ac pain ca tomi' hwet caparut na ta nonon pain ca tomi' querec te cocon ma'.

Lucas 24:19

Ma' carawa ca ara ne quem ac con na. Om na, tomi' xujuxut pain carawa ca ara non Jeju co maqui' nain Nazaré pane ac caca na. Profeta na Jeju pane, pijim' hwara' opa na pane. Ara nain carawa ca om ara taxi' ne ca wari' wa quem. Hohot non Iri' Jam, in ac in ac pi' pin nonon oro wari' quem.

Lucas 5:26

Wa wa wa wa pi' pin ac caca na oro wari' ma'. Awi na Iri' Jam ta nana. In ac tamana nonon Jeju pain ca querec pin' cocon pain ca hwara' opa ca ma'. Awi tamana na oro ca querec iri' pain xec ca' nana quem.

Lucas 5:8

Querec iri nain i ma' Simão Pedro ne, pain ca cut tamana caca hwam ma', pe torotop mi' ac con na Jeju pain caximacon. In ca' ne ta Taramaxicon ne. Om ca na ne pain ca pe ho' cara mapa' ca', xi caracat taxipa' ara ta' ta na ca tomi' con ma'.

Lucas 7:15

Xao pe ac ca na, tomi' ac ca na. Mon cwa' cawinam cwa' ta ac cam na jicon ma'.

Lucas 7:39

Querec iri nain i ma' fariseu co cao' pe ho' ne non ma' ne, Simão ma'. Querec iri nam caxicam narima' pain ca ji'ao mi' con pain caji towaxi' caximacon Jeju ma' ne, coromicat pan ac xucun na: Cain' cain' xira co cwa' ne ta? Mo xi iri' profeta ca, querec pin' ac cam xira narima' co quep non ma', querec pin' xiram pain ca caxicam narima' cama ma' na ca coromicat nucun.

Lucas 8:37

Taraju iri nana oro wari' ne, jain jain ac caca na, mao ra, paca' rain macaraxut ca' ac cocon na Jeju. Tomi' mip ac i ma' nonon, xi om ne ca jin' tamana ara caca ta. Na ra ac ca na Jeju, maji in mama' xi' e' ac ca na, piton to ac cacain na mam' horoho wa, horoho in mama' ac cacain na xijein cacarain cain.

Lucas 9:19

Om na, ma' nana co João co ja' taxipa' com cara pane xi' ma nenem ac cocon na. Ma' nana oro xucucun co profeta Elias cara pane xi' ma nenem. Oro xucucun ma' iri nana ne, om na, xucun profeta cara pane xi' ma nenem, wirico tara co e' mami' ta nenem ta na ca tomi' cocon ma'.

João 1:21

Tomi' querec mami' ac cocon na: Cain' ca wari' ma quem? Wum tara co profeta Elias cara pane? Wum tara co wara tomi' pe caca oro profeta pain ca main in qui' tarain macan' ta caca pane ra? Om na, om ca Elias ta' quem ac ca na. Wum co profeta co wara tomi' pe ca Iri' Jam ra? Om na quem ac ca na.

João 1:25

Tomi' querec ac cocon na João: Para ja' momon pain com oro wari' ma' quem? Win ne ca tomi' ma ma': Om ca wata' ne co Cristo ma', ac i ma' na ca tomi' ma ma'. Om ca Elias ta' ma, om ca profeta ta' ma quem, ac i ma' na ca tomi' nem ta nonon.

João 4:19

Querec pin' inem ta. Profeta ma ma' ira ac con na.

João 6:14

Querec iri nanain i ma' oro wari' ne, pain ca an hwet pe cain ca hwara' opa nucun ma', pain ca tomi' hwara' pin cain capam' con hwam ma', tomi' ac caca na: Wirico co cwa' xin profeta co xirao' pe caca pain cara pane, co main maqui' tarain macan' ca' caca pane. Wirico ma' ira nana.

João 9:17

Tomi' querec mami' ac cocon na: To' querec pin' napa' pain tucu ta mon. Cain' ca coromicat mi' mon quem nonon. Profeta na ta ac ca na.

Atos 5:5

Taraju iri nain i ma' Ananias ma' ne, ane ane mi' pin ac ca na. Mi' pin na, jao hot mao ac ca na. Oro wari' ma', taxi' iri nonon pain ca mi' pin nucun ma' ne, jin' tamana ac caca na.

Atos 7:37

Wirico Moisés co tomi' nonon oro hwanana nexi' pain ca wari' nein Israel iri' quem. Tomi' ca' nonon pane: Main mi' turuhu' con profeta Iri' Jam ma'. An xiho' tarapa' pain ca profeta ta' ca'. Iri' win ma' nuhu' tara ta nonon.

Gálatas 1:24

Tomi' querec te tamana ac cocon na Iri' Jam pata'. Awi na Iri' Jam, to' howa pin non Paulo ta nana pata'.