Lucas 7:12 - Tradução Bíblica Pacaas Novos

¹² Hwet pin xin iri nanain cote ne man ca corom ac xine oro xirim ma' ne, wara an mamam' nanain pana ca an terem' pe tocwa co mi' pin ma'. An corom pe xin curucun pain manain pacun ta nana. Cawinacam narima' co wara mi' pin ca' nam taxicam na co mi' pin ma'. Xica' pe na cam, om na xucun cawinacam. Mija nana wari' nein cidade nequem co ja' ja' nanam quem. Om ca paric camain' caca.

Lucas 7:12 Iomraidhean Croise

Lucas 7:11

Om ca pain homa ne, mao ac cain na xijein cidade Jeju. Naim na wixinain. Ja' ja' nonon co taxipa' ca cocon oro xucucun wari' ma'. Mija nana wari' cocon. Om ca paric camain' caca.

Lucas 7:13

Querec iri nam Taramaxicon nexi' ne, xiram pa' ac cam na. Ta aca ma me ta nam.

Lucas 8:42

Hap ra non Jeju, xi caxi ara cama panxica ta. Xica' pe na panxica, om na xerequem. Ac ca ma' 12 ne na cawaxi' nequem. Mi' pin ta' na ira. Je ca ja' ja' ne pain xuru con Jeju ma'. Ma ac ca na, hwet ac con na quem. Mija nana wari' co ja' ja' nonon pain wana ma'. Xao xao tamana nonon.

Lucas 8:52

Awaran tamana nana oro wari' co to nanain i ma'. Ta awaran hwe me ta ac tococwa na. Om ca mi' pin cama. Pi'am e' na, ac i ma' na ca tomi' tococwa ma'.

João 11:19

Je ca ma' mija caca oro win judeu urut co hwet nanam Marta cam Maria ma' quem. Quep xiho' xixim pain ca tomi' xaxa' tamana nequequem con coxa' cacama ta nanam.

Atos 9:39

Maji ta ac cocon na Pedro ma'. Ma, ja' ja' ac tococwa na. Xuruxut xuruxut, hwet iri nanain Jope ne, o piri' mao ac cocon na pain manain xirim pain pawin ma', ca terem' pe cama ma'. Coco' coco' mam' pin nonon oro narima' co wara cono' ca' nanam waram taxicacam ma'. Awaran nanam, mam' pe mi' nonon con oro wom co oc cama Dorcas pain ca e' e' wet nequem ma'. Oro wom cam, iri' curucun wom, oro to' om capin' ma' quem. Mon cwa' wom co oc mi' caparut pane nana.

Atos 9:41

Quep ac cam na pain micam, an tequi' pe xat ac cam na. Corom qui' je ta ac tococwa na oro wari' nucun Iri' Jam ma', wiricacam oro narima' co wara cono' ca' nanam waram taxicacam ma' quem. Mam cwa' ta. E' mami' na ta, ac i ma' na ca tomi' tacacama ma'.

Tiago 1:27

Wari' co hohot ton non Cotere' Iri' Jam ma' iri na ne, pain ca xut xo' iri'o' ca pain ca win xumu xo' con ma', ara ac i ca' na: Querec wet nonon oro hwijima' co cono' ca' nanam mana cote cacama cacam waram jicacam ma', querec wet nanam oro narima' co cono' ca' nanam waram taxicacam ma', querec wet nanam pain oro ca to' i'ina nanam quem. Ara xite xucun, om ca to' em' camain' xucun pain ca an xiho' cocon oro caracat co om howa nonon Iri' Jam quem.